ਲੋਕ ਸਭਾ ਚੋਣਾਂ: 'ਸਪਾ' ਨੇ ਜਾਰੀ ਕੀਤੀ ਉਮੀਦਵਾਰਾਂ ਦੀ ਪਹਿਲੀ ਸੂਚੀ

ਸਪਾ ਨੇ ਫਿਰੋਜ਼ਾਬਾਦ ਤੋਂ ਅਕਸ਼ੈ ਯਾਦਵ, ਏਟਾ ਤੋਂ ਦੇਵੇਸ਼ ਸ਼ਾਕਿਆ, ਬਦਾਊਂ ਤੋਂ ਧਰਮਿੰਦਰ ਯਾਦਵ ਅਤੇ ਲਖੀਮਪੁਰ ਖੇੜੀ ਤੋਂ ਉਤਕਰਸ਼ ਵਰਮਾ ਨੂੰ ਉਮੀਦਵਾਰ ਬਣਾਇਆ ਹੈ

ਉਤਰ ਪ੍ਰਦੇਸ਼: ਸਮਾਜਵਾਦੀ ਪਾਰਟੀ ਨੇ ਲੋਕ ਸਭਾ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕਰ ਦਿੱਤਾ ਹੈ। ਸਮਾਜਵਾਦੀ ਪਾਰਟੀ ਵੱਲੋਂ ਜਾਰੀ ਪਹਿਲੀ ਸੂਚੀ ਵਿੱਚ ਸਾਬਕਾ ਸੀਐਮ ਅਖਿਲੇਸ਼ ਯਾਦਵ ਦੀ ਪਤਨੀ ਡਿੰਪਲ ਯਾਦਵ ਨੂੰ ਮੈਨਪੁਰੀ ਤੋਂ ਟਿਕਟ ਮਿਲੀ ਹੈ। ਉਹ ਇਸ ਸਮੇਂ ਇੱਥੋਂ ਦੇ ਸੰਸਦ ਮੈਂਬਰ ਹਨ। ਮੁਲਾਇਮ ਸਿੰਘ ਯਾਦਵ ਪਹਿਲਾਂ ਵੀ ਇਸ ਸੀਟ ਤੋਂ ਲੋਕ ਸਭਾ ਪਹੁੰਚਦੇ ਰਹੇ ਹਨ।

ਮੈਨਪੁਰੀ ਤੋਂ ਡਿੰਪਲ ਯਾਦਵ ਨੂੰ ਬਣਾਇਆ ਉਮੀਦਵਾਰ

ਸਪਾ ਨੇ ਸੰਭਲ ਤੋਂ ਸ਼ਫੀਕੁਰ ਰਹਿਮਾਨ ਬੁਰਕੇ ਨੂੰ ਟਿਕਟ ਦਿੱਤੀ ਹੈ। ਰਹਿਮਾਨ ਇਸ ਸਮੇਂ ਇੱਥੋਂ ਦੇ ਸੰਸਦ ਮੈਂਬਰ ਹਨ। ਇਸ ਦੇ ਨਾਲ ਹੀ ਸਪਾ ਨੇ ਫਿਰੋਜ਼ਾਬਾਦ ਤੋਂ ਅਕਸ਼ੈ ਯਾਦਵ, ਏਟਾ ਤੋਂ ਦੇਵੇਸ਼ ਸ਼ਾਕਿਆ, ਬਦਾਊਂ ਤੋਂ ਧਰਮਿੰਦਰ ਯਾਦਵ ਅਤੇ ਲਖੀਮਪੁਰ ਖੇੜੀ ਤੋਂ ਉਤਕਰਸ਼ ਵਰਮਾ ਨੂੰ ਉਮੀਦਵਾਰ ਬਣਾਇਆ ਹੈ। ਇਨ੍ਹਾਂ ਤੋਂ ਇਲਾਵਾ ਧੌਰਾਹਾਰਾ ਤੋਂ ਆਨੰਦ ਭਦੌਰੀਆ, ਉਨਾਵ ਤੋਂ ਅਨੂ ਟੰਡਨ, ਲਖਨਊ ਤੋਂ ਰਵਿਦਾਸ ਮਹਿਰੋਤਰਾ, ਫਾਰੂਖਾਬਾਦ ਤੋਂ ਡਾਕਟਰ ਨਵਲ ਕਿਸ਼ੋਰ ਸ਼ਾਕਿਆ ਅਤੇ ਅਕਬਰਪੁਰ ਤੋਂ ਰਾਜਾਰਾਮ ਪਾਲ ਨੂੰ ਟਿਕਟਾਂ ਮਿਲੀਆਂ ਹਨ।

ਇਸ ਦੇ ਨਾਲ ਹੀ ਸਪਾ ਨੇ ਬਾਂਦਾ ਤੋਂ ਸ਼ਿਵਸ਼ੰਕਰ ਸਿੰਘ ਪਟੇਲ, ਫੈਜ਼ਾਬਾਦ ਤੋਂ ਅਵਧੇਸ਼ ਪ੍ਰਸਾਦ ਅਤੇ ਅੰਬੇਡਕਰ ਨਗਰ ਤੋਂ ਲਾਲਜੀ ਵਰਮਾ ਨੂੰ ਆਪਣਾ ਉਮੀਦਵਾਰ ਐਲਾਨਿਆ ਹੈ। ਇਸ ਤੋਂ ਇਲਾਵਾ ਸਪਾ ਨੇ ਬਸਤੀ ਤੋਂ ਰਾਮਪ੍ਰਸਾਦ ਚੌਧਰੀ ਅਤੇ ਗੋਰਖਪੁਰ ਲੋਕ ਸਭਾ ਸੀਟ ਤੋਂ ਕਾਜਲ ਨਿਸ਼ਾਦ ਨੂੰ ਆਪਣਾ ਉਮੀਦਵਾਰ ਐਲਾਨਿਆ ਹੈ।