Film ਗਦਰ 2 ਦਾ ਸਿਨੇਮਾ ਹਾਲਾਂ ਵਿਚ ਕੀ ਹੈ ਹਾਲ, ਜਾਣੋ

ਨਵੀਂ ਦਿੱਲੀ : ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਸਟਾਰਰ ਫਿਲਮ 'ਗਦਰ-2' ਲਗਾਤਾਰ ਚੌਥੇ ਹਫਤੇ ਸਿਨੇਮਾਘਰਾਂ 'ਚ ਬਣੀ ਹੋਈ ਹੈ। ਆਮ ਤੌਰ 'ਤੇ ਕਿਸੇ ਫਿਲਮ ਦਾ ਇੰਨਾ ਸਮਾਂ ਸਿਨੇਮਾਘਰਾਂ 'ਚ ਰਹਿਣਾ ਆਪਣੇ ਆਪ 'ਚ ਵੱਡੀ ਪ੍ਰਾਪਤੀ ਹੁੰਦੀ ਹੈ। ਖਾਸ ਗੱਲ ਇਹ ਹੈ ਕਿ ਸ਼ਾਹਰੁਖ ਖਾਨ ਦੀ ਫਿਲਮ 'ਜਵਾਨ' ਦੇ ਰਿਲੀਜ਼ ਹੋਣ ਨਾਲ 'ਗਦਰ-2' ਦੇ ਕਾਰੋਬਾਰ 'ਤੇ ਜ਼ਿਆਦਾ ਫਰਕ ਨਹੀਂ ਪਿਆ ਹੈ।

ਸਿਰਫ 60 ਕਰੋੜ ਰੁਪਏ ਦੇ ਬਜਟ ਨਾਲ ਬਣੀ ਫਿਲਮ 'ਗਦਰ-2' ਨੇ ਆਪਣੀ ਰਿਲੀਜ਼ ਡੇਟ 'ਤੇ ਹੀ 40 ਕਰੋੜ ਦਾ ਕਾਰੋਬਾਰ ਕਰ ਲਿਆ ਸੀ। ਪਹਿਲੇ ਵੀਕੈਂਡ ਦੇ ਅੰਤ ਤੱਕ ਫਿਲਮ ਨੇ 135 ਕਰੋੜ 6 ਲੱਖ ਰੁਪਏ ਦਾ ਕਾਰੋਬਾਰ ਕਰ ਲਿਆ ਸੀ। ਭਾਵ ਫਿਲਮ ਆਪਣੀ ਲਾਗਤ ਨੂੰ ਪੂਰਾ ਕਰਕੇ ਮੁਨਾਫੇ ਦੇ ਖੇਤਰ ਵਿੱਚ ਪਹੁੰਚ ਗਈ ਸੀ। ਆਪਣੇ ਪਹਿਲੇ ਹਫਤੇ ਦੇ ਅੰਤ ਤੱਕ, ਫਿਲਮ ਨੇ 284 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਸੀ ਅਤੇ ਕਈ ਰਿਕਾਰਡ ਵੀ ਤੋੜ ਦਿੱਤੇ ਸਨ।

ਦੂਜੇ ਹਫਤੇ ਫਿਲਮ ਨੇ 134 ਕਰੋੜ 47 ਲੱਖ ਰੁਪਏ ਦਾ ਕਾਰੋਬਾਰ ਕੀਤਾ ਅਤੇ ਤੀਜੇ ਹਫਤੇ ਫਿਲਮ ਦੀ ਕਮਾਈ 63 ਕਰੋੜ 35 ਲੱਖ ਰੁਪਏ ਰਹੀ। ਚੌਥੇ ਹਫਤੇ ਸੰਨੀ ਦਿਓਲ ਦੀ ਫਿਲਮ ਨੇ 27 ਕਰੋੜ 55 ਲੱਖ ਰੁਪਏ ਦਾ ਕਾਰੋਬਾਰ ਕੀਤਾ ਅਤੇ ਇਸ ਤਰ੍ਹਾਂ ਫਿਲਮ ਦਾ ਹੁਣ ਤੱਕ ਦਾ ਕੁਲ ਕਲੈਕਸ਼ਨ 513 ਕਰੋੜ 85 ਲੱਖ ਰੁਪਏ ਹੋ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਐਤਵਾਰ ਗਦਰ-2 ਨੇ ਕਰੀਬ 1 ਕਰੋੜ 60 ਲੱਖ ਰੁਪਏ ਦਾ ਕਾਰੋਬਾਰ ਕੀਤਾ ਸੀ।