ਰੁਲ ਗਈ ਕੰਗਨਾ ਰਣੌਤ ਦੀ ਫਿਲਮ 'ਤੇਜਸ'

ਮੁੰਬਈ : ਕੰਗਨਾ ਰਣੌਤ ਦੀ 'ਤੇਜਸ' ਅਤੇ ਵਿਕਰਾਂਤ ਮੈਸੀ ਦੀ '12ਵੀਂ ਫੇਲ' 27 ਅਕਤੂਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈਆਂ ਸਨ। ਕੰਗਨਾ ਨੇ ਆਪਣੀ ਫਿਲਮ ਦੇ ਪ੍ਰਮੋਸ਼ਨ 'ਚ ਕੋਈ ਕਸਰ ਨਹੀਂ ਛੱਡੀ। ਭਾਰਤੀ ਹਵਾਈ ਸੈਨਾ 'ਤੇ ਆਧਾਰਿਤ ਫਿਲਮ 'ਚ ਉਹ ਪਾਇਲਟ ਤੇਜਸ ਗਿੱਲ ਦੀ ਭੂਮਿਕਾ ਨਿਭਾਅ ਰਹੀ ਹੈ। ਉਸ ਨੂੰ ਏਰੀਅਲ ਐਕਸ਼ਨ ਫਿਲਮ ਤੋਂ ਬਹੁਤ ਉਮੀਦਾਂ ਸਨ ਪਰ ਇਹ ਪਹਿਲੇ ਦਿਨ ਹੀ ਬਾਕਸ ਆਫਿਸ 'ਤੇ ਅਸਫਲ ਰਹੀ। ਫਿਲਮ ਨੇ ਮੁਸ਼ਕਿਲ ਨਾਲ ਇੱਕ ਕਰੋੜ ਦਾ ਅੰਕੜਾ ਪਾਰ ਕੀਤਾ। ਆਮ ਤੌਰ 'ਤੇ ਵੀਕੈਂਡ 'ਤੇ ਕਿਸੇ ਵੀ ਫਿਲਮ ਦੀ ਕਮਾਈ ਵਧ ਜਾਂਦੀ ਹੈ ਪਰ 'ਤੇਜਸ' ਦੀ ਹਾਲਤ ਖਰਾਬ ਰਹੀ।

ਫਿਲਮ ਦੀ ਹੌਲੀ ਰਫਤਾਰ ਤੋਂ ਬਾਅਦ, ਕੰਗਨਾ ਨੇ ਇੱਕ ਵੀਡੀਓ ਜਾਰੀ ਕੀਤਾ ਅਤੇ ਇਸਨੂੰ ਸਿਨੇਮਾਘਰਾਂ ਵਿੱਚ ਦੇਖਣ ਦੀ ਅਪੀਲ ਕੀਤੀ। ਇਸ ਦੇ ਬਾਵਜੂਦ ਕੋਈ ਫਰਕ ਨਹੀਂ ਪਿਆ। ਵੀਡੀਓ ਤੋਂ ਬਾਅਦ ਕੰਗਨਾ ਨੂੰ ਸੋਸ਼ਲ ਮੀਡੀਆ 'ਤੇ ਟ੍ਰੋਲ ਕੀਤਾ ਜਾਣਾ ਸ਼ੁਰੂ ਹੋ ਗਿਆ। ਮੰਗਲਵਾਰ ਨੂੰ ਫਿਲਮ ਦਾ ਪੰਜਵਾਂ ਦਿਨ ਹੈ ਅਤੇ ਸ਼ੁਰੂਆਤੀ ਅੰਕੜੇ ਆ ਗਏ ਹਨ। ਵੈੱਬ ਪੋਰਟਲ Sacknilk ਦੇ ਮੁਤਾਬਕ ਫਿਲਮ 30 ਲੱਖ ਰੁਪਏ ਤੱਕ ਕਮਾ ਸਕਦੀ ਹੈ। 5 ਦਿਨਾਂ 'ਚ ਇਸ ਦਾ ਕੁਲ ਕਲੈਕਸ਼ਨ ਕਰੀਬ 4.45 ਕਰੋੜ ਰੁਪਏ ਹੋ ਜਾਵੇਗਾ।