ਸ਼ੁਭ ਵੱਲੋਂ ਦਿੱਤੇ ਠੋਕਵੇਂ ਜਵਾਬ ਮਗਰੋਂ ਵੀ ਨਾ ਟਲੀ ਕੰਗਨਾ, ਪਾਤਾ ਨਵਾਂ ਪੰਗਾ

ਮੁੰਬਈ, 12 ਜਨਵਰੀ: ਸ਼ੇਖਰ ਰਾਏ- ਪੰਜਾਬੀ ਗਾਇਕ ਸ਼ੁਭ ਵੱਲੋਂ ਆਪਣੇ ਨਵੇਂ ਗੀਤ ਵਿਚ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨੂੰ ਡਿਸ ਕਰੇ ਜਾਣ ਤੋਂ ਬਾਅਦ ਵੀ ਕੰਗਨਾ ਉੱਪਰ ਕੋਈ ਖਾਸ ਅਸਰ ਦਿਖਾਈ ਨਹੀਂ ਦਿੱਤਾ। ਕੰਗਨਾ ਨੇ ਇਕ ਵਾਰੀ ਫਿਰ ਤੋਂ ਸੋਸ਼ਲ ਮੀਡੀਆ ਹੈਂਡਲ ਉੱਪਰ ਨਵਾਂ ਪੋਸਟ ਕਰਕੇ ਨਵਾਂ ਪੰਗਾ ਛੇੜ ਲਿਆ ਹੈ। ਇਸ ਵਾਰੀ ਕੀ ਕਿਹਾ ਕੰਗਨਾ ਨੇ ਆਓ ਤੁਹਾਨੂੰ ਵੀ ਦੱਸਦੇ ਹਾਂ।ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਇਸ ਸਮੇਂ ਆਪਣੀਆਂ ਫਿਲਮਾਂ ਕਰਕੇ ਘੱਟ ਅਤੇ ਕੰਟਰਵਰਸੀਆਂ ਕਰਕੇ ਜ਼ਿਆਦਾ ਮਸ਼ਹੂਰ ਹੈ। ਕਿਤੇ ਨਾ ਕਿਤੇ ਇਹੀ ਕਾਰਨ ਹੈ ਲੋਕਾਂ ਵਿਚ ਵੀ ਉਸਦੇ ਬਿਆਨਾ ਨੂੰ ਲੈਕੇ ਉਤਸੁਕਤਾ ਵੱਧ ਤੇ ਉਸਦੀਆਂ ਫਿਲਮਾਂ ਨੂੰ ਲੈ ਕੇ ਘੱਟ ਉਤਸੁਕਤਾ ਦੇਖਣ ਨੂੰ ਮਿਲ ਰਹੀ ਹੈ। ਆਪਣੇ ਆਪ ਨੂੰ ਇਕ ਦੇਸ਼ ਭਗਤ ਅਤੇ ਮਹਿਲਾ ਪ੍ਰਧਾਨ ਸ਼ੋਅ ਕਰਨ ਦੀ ਕੋਸ਼ੀਸ਼ ਵਿਚ ਕੰਗਨਾ ਕਈ ਬਾਰ ਅਜਿਹੀਆਂ ਟਿੱਪਣੀਆਂ ਕਰ ਜਾਂਦੀ ਹੈ ਕਿ ਨਵਾਂ ਵਿਵਾਦ ਸ਼ੁਰੂ ਹੋ ਜਾਂਦਾ ਹੈ।

ਹਾਲਹੀ ਵਿਚ ਪੰਜਾਬੀ ਗਾਇਕ ਸ਼ੁਭ ਨੇ ਵੀ ਆਪਣੇ ਗੀਤ ਵਿਚ ਕੰਗਨਾ ਨੂੰ ਠੋਕਵਾਂ ਜਵਾਬ ਦਿੱਤਾ ਹੈ। ਜਿਸ ਤੋਂ ਬਾਅਦ ਬਹੁਤ ਸਾਰੇ ਲੋਕਾਂ ਨੇ ਕੰਗਨਾ ਦੀਆਂ ਤਸਵੀਰਾਂ ਅਤੇ ਪੋਸਟਾਂ ਉੱਪਰ ਵੀ ਕੰਮੈਂਟ ਕੀਤੇ ਪਰ ਇਸ ਸਭ ਮਗਰੋਂ ਵੀ ਕੰਗਨਾ ਵਿਚ ਕੋਈ ਖਾਸ ਫਰਕ ਦਿਖਾਈ ਨਹੀਂ ਦਿੱਤਾ ਅਤੇ ਹੁਣ ਕੰਗਨਾ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਉੱਪਰ ਇਕ ਹੋਰ ਵਿਵਾਦਤ ਟਿੱਪਣੀ ਕਰਕੇ ਨਵੀਂ ਬਹਿਸ ਸ਼ੁਰੂ ਕਰ ਦਿੱਤੀ ਹੈ।ਕੰਗਨਾ ਰਣੌਤ ਨੇ ਹੁਣ ਹਾਲਹੀ ਵਿਚ ਰਿਲੀਜ਼ ਹੋਈ ਫਿਲਮ ’ਐਨੀਮਲ’ ਨੂੰ ਲੈ ਕੇ ਟਿੱਪਣੀ ਕੀਤੀ ਹੈ। ਹਾਲਾਂਕਿ ਉਸ ਨੇ ਜੋ ਕੁੱਝ ਵੀ ਲਿੱਖਿਆ ਉਸ ਵਿਚ ਸਿੱਧੇ ਤੌਰ ’ਤੇ ਫਿਲਮ ਦਾ ਨਾਮ ਲਈ ਲਿੱਖਿਆ। ਪਰ ਉਸ ਨੇ ਸੋਸ਼ਲ ਮੀਡੀਆ ’ਤੇ ਜੋ ਗੱਲਾਂ ਲਿਖੀਆਂ ਹਨ, ਉਹ ਫਿਲਮ ’ਐਨੀਮਲ’ ਦੇ ਸੀਨਜ਼ ਨਾਲ ਜੁੜੀਆਂ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲੋਕਾਂ ਨੂੰ ਆਪਣਾ ਕਰੀਅਰ ਬਦਲਣ ਦਾ ਵੱਡਾ ਸੰਕੇਤ ਵੀ ਦਿੱਤਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਐਕਸ ਹੈਂਡਲ ’ਤੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਇਕ ਸੋਸ਼ਲ ਮੀਡੀਆ ਯੂਜ਼ਰ ਨੇ ਕੰਗਨਾ ਰਣੌਤ ਦੀ ਫਿਲਮ ’ਤੇਜਸ’ ਦੀ ਤਾਰੀਫ ਕੀਤੀ ਹੈ ਅਤੇ ਲਿਖਿਆ ਹੈ- ਕੰਗਨਾ ਦੀ ਇਹ ਫਿਲਮ ਜ਼ਬਰਦਸਤ ਹੈ। ਸਮਝ ਨਹੀਂ ਆ ਰਹੀ ਕਿ ਇਹ ਫਿਲਮ ਚੰਗਾ ਕਾਰੋਬਾਰ ਕਿਉਂ ਨਹੀਂ ਕਰ ਸਕੀ। ਕਰਨ ਜੌਹਰ ਗੈਂਗ ਉਨ੍ਹਾਂ ਦਾ ਕਰੀਅਰ ਬਰਬਾਦ ਕਰ ਰਿਹਾ ਹੈ। ਇਸ ’ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕੰਗਨਾ ਰਣੌਤ ਨੇ ਰਣਬੀਰ ਕਪੂਰ ਦੀ ਫਿਲਮ ‘ਐਨੀਮਲ’ ’ਤੇ ਚੁਟਕੀ ਲਈ ਹੈ।ਕੰਗਨਾ ਰਣੌਤ ਨੇ ਸੋਸ਼ਲ ਮੀਡੀਆ ’ਤੇ ਲਿਖਿਆ- ਮੇਰੀਆਂ ਫਿਲਮਾਂ ਨੂੰ ਲੈ ਕੇ ਜੋ ਨਕਾਰਾਤਮਕਤਾ ਫੈਲਾਈ ਜਾ ਰਹੀ ਹੈ, ਉਹ ਬਹੁਤ ਜ਼ਿਆਦਾ ਹੈ। ਮੈਂ ਅਜੇ ਵੀ ਸਖ਼ਤ ਮਿਹਨਤ ਕਰ ਰਹੀ ਹਾਂ, ਪਰ ਦਰਸ਼ਕ ਅਜਿਹੀਆਂ ਫ਼ਿਲਮਾਂ ਨੂੰ ਉਤਸ਼ਾਹਿਤ ਕਰ ਰਹੇ ਹਨ, ਜਿਨ੍ਹਾਂ ਵਿੱਚ ਔਰਤਾਂ ਨੂੰ ਸੈਕਸ ਆਬਜੈਕਟ ਵਜੋਂ ਦਰਸਾਇਆ ਗਿਆ ਹੈ। ਔਰਤਾਂ ਨੂੰ ਕੁੱਟਿਆ ਜਾਂਦਾ ਹੈ ਅਤੇ ਜੁੱਤੀਆਂ ਚੱਟਣ ਲਈ ਕਿਹਾ ਜਾਂਦਾ ਹੈ। ਇਹ ਉਸ ਵਿਅਕਤੀ ਲਈ ਬਹੁਤ ਨਿਰਾਸ਼ਾਜਨਕ ਹੈ ਜਿਸ ਨੇ ਆਪਣੇ ਆਪ ਨੂੰ ਮਹਿਲਾ ਸਸ਼ਕਤੀਕਰਨ ਵਾਲੀਆਂ ਫਿਲਮਾਂ ਲਈ ਸਮਰਪਿਤ ਕੀਤਾ ਹੈ।

ਇਸ ਦੇ ਨਾਲ ਹੀ ਕੰਗਨਾ ਰਣੌਤ ਨੇ ਖੁਲਾਸਾ ਕੀਤਾ ਕਿ ਉਹ ਆਉਣ ਵਾਲੇ ਸਾਲਾਂ ਵਿੱਚ ਆਪਣਾ ਕਰੀਅਰ ਬਦਲ ਸਕਦੀ ਹੈ। ਉਸ ਨੇ ਲਿਖਿਆ- ਮੈਂ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਵਧੀਆ ਸਾਲ ਕਿਸੇ ਸਾਰਥਕ ਕੰਮ ਲਈ ਦੇਣਾ ਚਾਹੁੰਦੀ ਹਾਂ। ਜਿੱਥੇ ਇੱਕ ਯੂਜ਼ਰ ਨੇ ਕੰਗਨਾ ਰਣੌਤ ਨੂੰ ਪੁੱਛਿਆ ਕਿ ਕੀ ਉਹ ਸਾਲ 2024 ਵਿੱਚ ਚੋਣਾਂ ਲੜਨ ਜਾ ਰਹੀ ਹੈ, ਤਾਂ ਕੰਗਨਾ ਰਣੌਤ ਨੇ ਇਸ ਦਾ ਜਵਾਬ ਦਿੱਤਾ ਅਤੇ ਲਿਖਿਆ- ਨਹੀਂ, ਕਿਰਪਾ ਕਰਕੇ ਜ਼ਿਆਦਾ ਨਾ ਸੋਚੋ। ਮੈਂ ਰੈਸਟੋਰੈਂਟ ਦੇ ਕਾਰੋਬਾਰ ਵਿੱਚ ਵੀ ਜਾ ਰਿਹਾ ਹਾਂ। ਖੈਰ, ਰਾਜਨੀਤੀ ਵਪਾਰ ਨਹੀਂ ਸਗੋਂ ਲੋਕ ਸੇਵਾ ਹੈ।