ISIS ਨੇ ਦਿੱਲੀ ਸਮੇਤ 18 ਥਾਵਾਂ 'ਤੇ ਧਮਾਕਿਆਂ ਦੀ ਬਣਾਈ ਸੀ ਯੋਜਨਾ

ਰਸਾਇਣਕ ਬੰਬਾਂ ਨਾਲ 26/11 ਤੋਂ ਵੀ ਵੱਡੇ ਹਮਲੇ ਦੀ ਕੀਤੀ ਸੀ ਤਿਆਰੀ

ਨਵੀਂ ਦਿੱਲੀ: ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਵੱਲੋਂ ਫੜੇ ਗਏ ਤਿੰਨ ਅੱਤਵਾਦੀਆਂ ਤੋਂ ਕਈ ਅਹਿਮ ਖੁਲਾਸੇ ਹੋਏ ਹਨ। ਮੁੱਖ ਦੋਸ਼ੀ ਸ਼ਾਹਨਵਾਜ਼ ਨੇ ਆਪਣੇ ਸਾਥੀਆਂ ਨਾਲ ਦਿੱਲੀ-ਐੱਨਸੀਆਰ ਸਮੇਤ ਉੱਤਰੀ ਭਾਰਤ 'ਚ 18 ਥਾਵਾਂ 'ਤੇ ਰੇਕੀ ਕੀਤੀ ਸੀ। ਉਸ ਨੂੰ ਸਰਹੱਦ ਪਾਰ ਤੋਂ ਵੱਡੇ ਧਮਾਕੇ ਕਰਕੇ ਤਬਾਹੀ ਮਚਾਉਣ ਦੀਆਂ ਹਦਾਇਤਾਂ ਸਨ। ਆਈਐਸ ਦੇ ਇਸ ਪੁਣੇ ਮਾਡਿਊਲ ਵਿੱਚ ਨੌਜਵਾਨਾਂ ਨੂੰ ਭਰਤੀ ਕਰਕੇ ਵਿਸਫੋਟਕ ਤਿਆਰ ਕਰਨ ਅਤੇ ਉਨ੍ਹਾਂ ਨੂੰ ਬਲਾਸਟ ਕਰਨ ਦੀ ਸਿਖਲਾਈ ਦਿੱਤੀ ਜਾ ਰਹੀ ਸੀ।

ਜਾਂਚ ਨਾਲ ਜੁੜੇ ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਇਸ ਅੱਤਵਾਦੀ ਮਾਡਿਊਲ ਨੇ ਨਾ ਸਿਰਫ ਕੈਮੀਕਲ ਦੀ ਵਰਤੋਂ ਕਰਕੇ ਬੰਬ ਬਣਾਇਆ, ਸਗੋਂ ਪੁਣੇ ਦੇ ਜੰਗਲਾਂ 'ਚ ਬਲਾਸਟ ਕਰਕੇ ਉਨ੍ਹਾਂ ਦੀ ਜਾਂਚ ਵੀ ਕੀਤੀ। ਉਨ੍ਹਾਂ ਦੇ ਨਿਸ਼ਾਨੇ 'ਤੇ ਦੇਸ਼ ਦੇ ਕਈ ਭੀੜ-ਭੜੱਕੇ ਵਾਲੇ ਟਿਕਾਣੇ ਤੋਂ ਵੱਡੀ ਮਾਤਰਾ 'ਚ ਤਰਲ ਰਸਾਇਣ ਬਰਾਮਦ ਕੀਤਾ ਗਿਆ ਹੈ, ਜਿਸ ਦੀ ਵਰਤੋਂ ਇੰਪ੍ਰੋਵਾਈਜ਼ਡ ਐਕਸਪਲੋਸਿਵ ਡਿਵਾਈਸ (ਆਈਈਡੀ) ਬਣਾਉਣ 'ਚ ਕੀਤੀ ਜਾਣੀ ਸੀ। ਸੇਲ ਦੇ ਅਧਿਕਾਰੀਆਂ ਮੁਤਾਬਕ ਉਨ੍ਹਾਂ ਕੋਲ ਆਈਈਡੀ ਬਣਾਉਣ ਦੀ ਮੁਹਾਰਤ ਹੈ। ਉਹ ਬੰਬ ਬਹੁਤ ਆਸਾਨੀ ਨਾਲ ਬਣਾਉਂਦੇ ਹਨ।

ਅੱਤਵਾਦੀ ਮਾਡਿਊਲ ਵਿਚ ਭਰਤੀ ਕੁਝ ਸ਼ੱਕੀ ਵਿਅਕਤੀਆਂ ਨੂੰ ਹਿਰਾਸਤ ਵਿਚ ਲੈ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੀ ਭੂਮਿਕਾ ਵੀ ਸ਼ੱਕ ਦੇ ਘੇਰੇ ਵਿਚ ਹੈ। ਪੁਲਿਸ ਨੂੰ ਸੂਚਨਾ ਮਿਲੀ ਹੈ ਕਿ ਉਨ੍ਹਾਂ ਨੂੰ ਵੀ ਧਮਾਕੇ ਲਈ ਕੁਝ ਟਾਸਕ ਦਿੱਤੇ ਗਏ ਸਨ। ਫਿਲਹਾਲ ਕਿਹੜੇ ਕੰਮ ਦਿੱਤੇ ਗਏ ਸਨ, ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਕਦੋਂ ਅਤੇ ਕਿਸਨੇ ਇਹਨਾਂ ਨੂੰ ਮੋਡੀਊਲ ਨਾਲ ਜੋੜਿਆ ? ਪੁਲਿਸ ਇਸ ਸਬੰਧੀ ਪੂਰੀ ਕੜੀ ਦੀ ਜਾਂਚ ਕਰ ਰਹੀ ਹੈ।

ਪੁਣੇ ਪੁਲਿਸ ਅਤੇ ਐਨਆਈਏ ਨੇ ਛਾਪੇਮਾਰੀ ਕੀਤੀ

ਕੁਝ ਦਿਨ ਪਹਿਲਾਂ ਪੁਣੇ ਪੁਲਿਸ ਅਤੇ ਐਨਆਈਏ ਦੀਆਂ ਟੀਮਾਂ ਨੇ ਅੱਤਵਾਦੀਆਂ ਦੀ ਭਾਲ ਵਿੱਚ ਮੱਧ ਦਿੱਲੀ ਅਤੇ ਦੱਖਣੀ ਪੂਰਬੀ ਦਿੱਲੀ ਦੇ ਕੁਝ ਇਲਾਕਿਆਂ ਵਿੱਚ ਛਾਪੇਮਾਰੀ ਕੀਤੀ ਸੀ। ਪਿਛਲੇ ਕੁਝ ਦਿਨਾਂ ਤੋਂ ਐਨਆਈਏ ਦਿੱਲੀ-ਐਨਸੀਆਰ, ਪੰਜਾਬ, ਹਰਿਆਣਾ, ਰਾਜਸਥਾਨ, ਯੂਪੀ ਸਮੇਤ ਕਈ ਰਾਜਾਂ ਵਿੱਚ ਲਗਾਤਾਰ ਛਾਪੇਮਾਰੀ ਕਰ ਰਹੀ ਹੈ। ਇਸ ਦੌਰਾਨ ਐਨਆਈਏ ਦੀਆਂ ਟੀਮਾਂ ਨੇ ਕੁਝ ਥਾਵਾਂ ਤੋਂ ਹਥਿਆਰ ਅਤੇ ਗੋਲਾ ਬਾਰੂਦ ਵੀ ਬਰਾਮਦ ਕੀਤਾ ਹੈ।

ਕਈ ਥਾਵਾਂ 'ਤੇ ਲਗਾਏ ਗਏ ਟ੍ਰੇਨਿੰਗ ਕੈਂਪ

ਸਪੈਸ਼ਲ ਸੀ.ਪੀ ਨੇ ਖੁਲਾਸਾ ਕੀਤਾ ਕਿ ਇਨ੍ਹਾਂ ਦੋਸ਼ੀਆਂ ਨੇ ਦੇਸ਼ ਦੇ ਵੱਖ-ਵੱਖ ਇਲਾਕਿਆਂ 'ਚ ਕਈ ਥਾਵਾਂ 'ਤੇ ਟ੍ਰੇਨਿੰਗ ਕੈਂਪ ਲਗਾਏ ਹੋਏ ਸਨ। ਇਨ੍ਹਾਂ ਕੈਂਪਾਂ ਵਿੱਚ ਜਿੱਥੇ ਉਹ ਭਰਤੀ ਕੀਤੇ ਗਏ ਲੋਕਾਂ ਨੂੰ ਸਿਖਲਾਈ ਦਿੰਦੇ ਸਨ, ਉੱਥੇ ਉਹ ਆਈਈਡੀ ਧਮਾਕਿਆਂ ਦੇ ਟਰਾਇਲ ਵੀ ਕਰਦੇ ਸਨ। ਇਸ ਤੋਂ ਬਾਅਦ ਉਹ ਸਰਹੱਦ ਪਾਰ ਬੈਠੇ ਆਪਣੇ ਆਕਾਵਾਂ ਨੂੰ ਇਸ ਦੀ ਸੂਚਨਾ ਦਿੰਦੇ ਸਨ। ਉਨ੍ਹਾਂ ਨੂੰ ਹਦਾਇਤ ਕੀਤੀ ਗਈ ਕਿ ਉਹ ਸਾਰਾ ਸਾਮਾਨ ਸਥਾਨਕ ਥਾਂ ਤੋਂ ਇਕੱਠਾ ਕਰ ਲੈਣ।