ਅਮਰੀਕਾ : ਭਾਰਤੀ ਮੂਲ ਦੇ ਕੰਪਿਊਟਰ ਇੰਜੀਨੀਅਰ ਨੇ ਵੱਕਾਰੀ ਪੁਰਸਕਾਰ ਜਿੱਤਿਆ

ਨਿਊਯਾਰਕ,26 ਫਰਵਰੀ (ਰਾਜ ਗੋਗਨਾ)- ਭਾਰਤੀ ਮੂਲ ਦੇ ਇੱਕ ਖੋਜਕਾਰ ਕੰਪਿਊਟਰ ਇੰਜੀਨੀਅਰ ਨੇ ਅਮਰੀਕਾ ਵਿੱਚ ਉਸ ਨੇ ਇੱਕ ਵੱਕਾਰੀ ਪੁਰਸਕਾਰ ਜਿੱਤਿਆ ਹੈ। ਐਡੀਥ ਅਤੇ ਪੀਟਰ ਓ’ਡੋਨੇਲ ਅਵਾਰਡ, ਟੈਕਸਾਸ ਦਾ ਸਰਵਉੱਚ ਅਕਾਦਮਿਕ ਪੁਰਸਕਾਰ ਹੈ। ਜੋ ਪ੍ਰੋਫੈਸਰ ਅਸ਼ੋਕ ਵੀਰਾਘਵਨ ਨੂੰ ਦਿੱਤਾ ਗਿਆ। ਇਹ ਪੁਰਸਕਾਰ ਹਰ ਸਾਲ ਟੈਕਸਾਸ ਅਕੈਡਮੀ ਆਫ਼ ਮੈਡੀਸਨ, ਇੰਜਨੀਅਰਿੰਗ, ਸਾਇੰਸ ਐਂਡ ਟੈਕਨਾਲੋਜੀ ਦੁਆਰਾ ਉਸ ਵਿਅਕਤੀ ਨੂੰ ਦਿੱਤਾ ਜਾਂਦਾ ਹੈ ਜਿਸ ਨੇ ਸ਼ਾਨਦਾਰ ਖੋਜ ਕੀਤੀ ਹੈ।ਅਸ਼ੋਕ ਵੀਰਾ ਰਾਘਵਨ ਹਿਊਸਟਨ ਵਿੱਚ ਰਾਈਸ ਯੂਨੀਵਰਸਿਟੀ ਦੇ ਜਾਰਜ ਆਰ ਬ੍ਰਾਊਨ ਸਕੂਲ ਵਿੱਚ ਇਲੈਕਟ੍ਰੀਕਲ ਅਤੇ ਕੰਪਿਊਟਰ ਇੰਜਨੀਅਰਿੰਗ ਵਿਭਾਗ ਵਿੱਚ ਜੋ ਪ੍ਰੋਫੈਸਰ ਹਨ।

ਵੀਰਰਾਘਵਨ ਨੂੰ ਇਮੇਜਿੰਗ ਟੈਕਨਾਲੋਜੀ ਵਿੱਚ ਉਨ੍ਹਾਂ ਦੀ ਖੋਜ ਲਈ ਇਸ ਪੁਰਸਕਾਰ ਲਈ ਚੁਣਿਆ ਗਿਆ ਸੀ। ਪੁਰਸਕਾਰ ਪ੍ਰਾਪਤ ਕਰਨ ਦੇ ਮੌਕੇ ’ਤੇ ਵੀਰਰਾਘਵਨ ਨੇ ਕਿਹਾ, ’ਮੈਂ ਪੁਰਸਕਾਰ ਪ੍ਰਾਪਤ ਕਰਕੇ ਬਹੁਤ ਖੁਸ਼ ਹਾਂ।ਮੌਜੂਦਾ ਇਮੇਜਿੰਗ ਤਕਨਾਲੋਜੀ ਵਿੱਚ ਬਹੁਤ ਸਾਰੀਆਂ ਸਮੱਸਿਆਵਾਂ ਹਨ। ਜਿੱਥੇ ਰੋਸ਼ਨੀ ਲਈ ਰੁਕਾਵਟਾਂ ਹਨ, ਅਸੀਂ ਉਹ ਨਹੀਂ ਦੇਖ ਸਕਦੇ ਜੋ ਅਸੀਂ ਚਾਹੁੰਦੇ ਹਾਂ. ਇਸ ਨੂੰ ਦੂਰ ਕਰਨ ਲਈ ਅਸੀਂ ਜੋ ਖੋਜ ਕੀਤੀ ਹੈ ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਨੇ ਇੱਕ ਹੱਲ ਲੱਭ ਲਿਆ ਹੈ। ਉਦਾਹਰਨ ਲਈ, ਕਾਰ ਚਲਾਉਂਦੇ ਸਮੇਂ, ਅਸੀਂ ਧੁੰਦ ਕਾਰਨ ਲੰਬੀ ਦੂਰੀ ਤੱਕ ਸੜਕ ਨਹੀਂ ਦੇਖ ਸਕਦੇ। ਵਿਜ਼ੀਬਿਲਟੀ ਸੰਬੰਧੀ ਅਜਿਹੀਆਂ ਸਮੱਸਿਆਵਾਂ ਪਹਿਲਾਂ ਮੌਜੂਦ ਨਹੀਂ ਹੋ ਸਕਦੀਆਂ ਹਨ, ਉਸ ਨੇ ਕਿਹਾ, ਮੈਂ ਆਪਣਾ ਬਚਪਨ ਚੇਨਈ, ਤਾਮਿਲਨਾਡੂ ਭਾਰਤ ਵਿੱਚ ਬਿਤਾਇਆ।

ਇਹ ਖ਼ਬਰ ਵੀ ਪੜ੍ਹੋ

ਰੂਸ-ਯੂਕਰੇਨ ਜੰਗ ਤੋਂ ਇੱਕ ਬਹੁਤ ਹੀ ਮੰਦਭਾਗੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਇੱਥੇ ਧੋਖੇ ਨਾਲ ਯੂਕਰੇਨ ਜੰਗ ਲੜਨ ਲਈ ਭੇਜੇ ਗਏ ਇੱਕ ਭਾਰਤੀ ਦੀ ਮੌਤ ਹੋ ਗਈ ਹੈ।
ਰੂਸੀ ਕੰਪਨੀ ਨੇ ਉਸ ਨੂੰ ਧੋਖੇ ਨਾਲ ਜੰਗ ਲੜਨ ਲਈ ਭੇਜਿਆ ਸੀ। ਟਾਈਮਸ ਆਫ ਇੰਡੀਆ ਦੀ ਰਿਪੋਰਟ ਮੁਤਾਬਕ ਗੁਜਰਾਤ ਦੇ ਸੂਰਤ ਵਿਚ ਰਹਿਣ ਵਾਲੇ ਹੈਮਿਲ ਅਸ਼ਵਿਨਭਾਈ ਦੀ ਯੂਕਰੇਨ ਵਿਚ ਮੌਤ ਹੋ ਗਈ। ਮਰਨ ਤੋਂ ਕੁੱਝ ਘੰਟੇ ਪਹਿਲਾਂ ਉਸ ਨੇ ਘਰ ਵਾਲਿਆਂ ਨਾਲ ਕਰੀਬ 2 ਘੰਟੇ ਗੱਲਬਾਤ ਕੀਤੀ ਸੀ
ਇਸ ਬਾਰੇ ਅਤੁਲ ਮੰਗੁਕਿਆ ਨੇ ਦੱਸਿਆ ਕਿ 23 ਫਰਵਰੀ ਨੂੰ ਮੇਰੇ ਭਰਾ ਅਸ਼ਵਿਨ ਨੂੰ ਹੈਮਿਲ ਦੇ ਦੋਸਤ ਦਾ ਫੋਨ ਆਇਆ ਸੀ। ਉਸ ਨੇ ਹੈਮਿਲ ਦੇ ਮਾਰੇ ਜਾਣ ਦੀ ਜਾਣਕਾਰੀ ਦਿੱਤੀ ਸੀ। ਸਾਨੂੰ ਯਕੀਨ ਨਹੀਂ ਹੋਇਆ। ਅਸੀਂ ਪੁਛਗਿੱਛ ਕਰਵਾਈ। 25 ਫਰਵਰੀ ਨੂੰ ਪਤਾ ਲੱਗਾ ਕਿ ਹੈਮਿਲ ਰੂਸ-ਯੂਕਰੇਨ ਜੰਗ ਵਿਚ ਮਾਰਿਆ ਗਿਆ। ਅੱਜ ਉਸ ਦੀ ਸ਼ੋਗ ਸਭਾ ਰੱਖੀ ਗਈ ਹੈ।

ਅਤੁਲ ਮੰਗੋਕਿਆ ਨੇ ਕਿਹਾ ਕਿ ਹੈਮਿਲ 14 ਦਸੰਬਰ ਨੂੰ ਚੇਨਈ ਤੋਂ ਰੂਸ ਲਈ ਰਵਾਨਾ ਹੋਇਆ ਸੀ। ਉਸ ਨੂੰ ਸੋਸ਼ਲ ਮੀਡੀਆ ਦੇ ਜ਼ਰੀਏ ਰੂਸੀ ਸੈਨਾ ਵਿਚ ਹੈਲਪਰ ਦੀ ਨੌਕਰੀ ਦੇ ਬਾਰੇ ਵਿਚ ਜਾਣਕਾਰੀ ਮਿਲੀ ਸੀ ਰੂਸੀ ਕੰਪਨੀ ਦੇ ਏਜੰਟਾਂ ਦੇ ਕਹਿਣ ’ਤੇ ਉਹ ਰੂਸ ਚਲਾ ਗਿਆ। ਪਿਛਲੇ ਮਹੀਨੇ ਉਸ ਦੇ ਅਕਾਊਂਟ ਵਿਚ 2.3 ਲੱਖ ਰੁਪਏ ਦੀ ਸੈਲਰੀ ਕਰੈਡਿਟ ਹੋਈ ਸੀ।
ਅਤੁਲ ਨੇ ਦੱਸਿਆ ਕਿ ਹੈਮਿਲ ਹਰ ਦਿਨ ਘਰ ਵਾਲਿਆਂ ਨੂੰ ਫੋਨ ਕਰਦਾ ਸੀ। ਮਰਨ ਤੋਂ ਪਹਿਲਾਂ ਵੀ ਉਸ ਨੇ ਘਰ ਵਾਲਿਆਂ ਨਾਲ ਕਰੀਬ 2 ਘੰਟੇ ਗੱਲਬਾਤ ਕੀਤੀ ਸੀ। ਉਸ ਨੇ ਕਿਹਾ ਸੀ ਕਿ ਮੈਂ ਠੀਕ ਹਾਂ। ਗੱਲਬਾਤ ਤੋਂ ਕੁਝ ਘੰਟੇ ਬਾਅਦ ਹੀ ਉਸ ਦੀ ਮੌਤ ਹੋ ਗਈ।