Street Dogs: ਤੇਲੰਗਾਨਾ 'ਚ ਅਵਾਰਾ ਕੁੱਤਿਆਂ ਨੂੰ ਫੜਨ ਤੇ ਲਾਈ ਗਈ ਰੋਕ, NGO ਦੀ ਅਪੀਲ ਤੇ ਹਾਈ ਕੋਰਟ ਦਾ ਵੱਡਾ ਫੈਸਲਾ
ਕੋਰਟ ਨੇ ਕਿਹਾ, "ਸੁਪਰੀਮ ਕੋਰਟ ਦੇ ਹੁਕਮਾਂ ਨੂੰ ਲਾਗੂ ਕਰਨ ਲਈ ਬੇਜ਼ੁਬਾਨ ਨਾਲ ਬੇਰਹਿਮੀ ਨਾ ਕਰੋ"
By : Annie Khokhar
Indian treet Dogs News: ਤੇਲੰਗਾਨਾ ਦੇ ਹੈਦਰਾਬਾਦ ਵਿੱਚ ਅਵਾਰਾ ਕੁੱਤਿਆਂ ਨੂੰ ਗੈਰ ਮਨੁੱਖੀ ਤਰੀਕੇ ਨਾਲ ਫੜਨ ਤੇ ਰੋਕ ਲਗਾਈ ਗਈ ਹੈ। ਤੇਲੰਗਾਨਾ ਹਾਈ ਕੋਰਟ ਨੇ ਇਹ ਫੈਸਲਾ ਸੁਣਾ ਕੇ ਮਿਸਾਲ ਪੇਸ਼ ਕੀਤੀ ਹੈ। ਇਹੀ ਨਹੀਂ ਹਾਈ ਕੋਰਟ ਨੇ ਕਮੇਟੀ ਨੂੰ ਸਖ਼ਤ ਨਿਰਦੇਸ਼ ਦਿੱਤੇ ਹਨ ਅਤੇ ਕਿਹਾ ਹੈ ਕਿ ਸੁਪਰੀਮ ਕੋਰਟ ਦੇ ਹੁਕਮਾਂ ਨੂੰ ਲਾਗੂ ਕਰਨ ਲਈ ਵਿਭਾਗ ਕੁੱਤਿਆਂ ਨਾਲ ਬੇਰਹਿਮੀ ਨਾਲ ਪੇਸ਼ ਨਹੀਂ ਆ ਸਕਦਾ।
ਦੱਸ ਦਈਏ ਕਿ ਕੁੱਤਿਆਂ ਨੂੰ ਗੋਦ ਲੈਣ ਅਤੇ ਉਹਨਾਂ ਨੂੰ ਘਰ ਦਿਵਾਉਣ ਵਾਲੀ ਇੱਕ ਗੈਰ-ਸਰਕਾਰੀ ਸੰਸਥਾ ਐਸੋਸੀਏਸ਼ਨ ਫਾਰ ਐਨੀਮਲ ਸ਼ੈਲਟਰ ਐਂਡ ਰੈਸਕਿਊ ਏਡ (AASRA) ਨੇ ਅਦਾਲਤ ਵਿੱਚ ਅਰਜ਼ੀ ਦਾਖਲ ਕੀਤੀ ਦੀ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਸੁਪਰੀਮ ਕੋਰਟ ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰਨ ਦੀ ਆੜ ਵਿੱਚ ਅਵਾਰਾ ਕੁੱਤਿਆਂ ਪ੍ਰਤੀ ਬੇਰਹਿਮੀ ਵਰਤੀ ਜਾ ਰਹੀ ਹੈ। NGO ਦੀ ਸੰਸਥਾਪਕ ਗੌਰੀ ਵੰਦਨਾ ਅਤੇ ਉਨ੍ਹਾਂ ਦੇ ਸਹਿਯੋਗੀ ਹਨੂਮਨਾਥ ਰਾਓ ਨੇ ਹੈਦਰਾਬਾਦ ਦੇ ਬਰਥ ਕੰਟਰੋਲ ਕੇਂਦਰ ਵਿੱਚ ਅਵਾਰਾ ਕੁੱਤਿਆਂ ਨਾਲ ਕੀਤੇ ਗਏ ਇਲਾਜ ਦੇ ਸਬੂਤ ਤੇਲੰਗਾਨਾ ਹਾਈ ਕੋਰਟ ਵਿੱਚ ਪੇਸ਼ ਕੀਤੇ। ਇਸ ਤੋਂ ਬਾਅਦ, ਹਾਈ ਕੋਰਟ ਨੇ ਅਵਾਰਾ ਕੁੱਤਿਆਂ ਨੂੰ ਫੜਨ 'ਤੇ ਸ਼ਰਤੀਆ ਰੋਕ ਲਗਾ ਦਿੱਤੀ।
ਹਾਈ ਕੋਰਟ ਨੇ ਕਿਹਾ, "ਅਵਾਰਾ ਕੁੱਤਿਆਂ ਨਾਲ ਬੇਰਹਿਮੀ ਬਰਦਾਸ਼ਤ ਨਹੀਂ"
ਹਾਈ ਕੋਰਟ ਨੇ ਆਪਣੇ ਹੁਕਮ ਵਿੱਚ ਕਿਹਾ ਕਿ ਵਿਭਾਗ ਸੁਪਰੀਮ ਕੋਰਟ ਦੇ ਨਿਰਦੇਸ਼ਾਂ ਨੂੰ ਲਾਗੂ ਕਰਨ ਲਈ ਅਵਾਰਾ ਕੁੱਤਿਆਂ ਨਾਲ ਦੁਰਵਿਵਹਾਰ ਨਹੀਂ ਕਰ ਸਕਦਾ। ਪਹਿਲਾਂ ਉਨ੍ਹਾਂ ਦੀ ਗਿਣਤੀ ਕੀਤੀ ਜਾਣੀ ਚਾਹੀਦੀ ਹੈ... ਇਹ ਯਕੀਨੀ ਬਣਾਉਣ ਲਈ ਕਿ ਇਹ ਕੰਮ ਸਥਾਪਿਤ ਮਾਪਦੰਡਾਂ ਅਨੁਸਾਰ ਕੀਤਾ ਜਾਵੇ, ਇੱਕ ਨੋਡਲ ਅਫਸਰ ਨਿਯੁਕਤ ਕੀਤਾ ਜਾਵੇਗਾ ਅਤੇ ਅਵਾਰਾ ਕੁੱਤਿਆਂ ਨੂੰ ਤਬਦੀਲ ਕਰਨ ਤੋਂ ਪਹਿਲਾਂ ਢੁਕਵੇਂ ਸ਼ੈਲਟਰ ਹੋਮਜ਼ ਪ੍ਰਦਾਨ ਕੀਤੇ ਜਾਣਗੇ।
ਹਾਈ ਕੋਰਟ ਨੇ NGO ਨੂੰ ਇਹ ਨਿਰੀਖਣ ਕਰਨ ਦੀ ਵੀ ਇਜਾਜ਼ਤ ਦਿੱਤੀ ਕਿ ਕੀ ਪੂਰੀ ਪ੍ਰਕਿਰਿਆ ਦੀ ਸਹੀ ਢੰਗ ਨਾਲ ਪਾਲਣਾ ਕੀਤੀ ਜਾ ਰਹੀ ਹੈ। AASRA ਨੂੰ ਸਾਈਟ ਦਾ ਦੌਰਾ ਕਰਕੇ ਅਤੇ ਫੋਟੋਆਂ ਜਾਂ ਵੀਡੀਓ ਲੈ ਕੇ ਇਸਦੀ ਜਾਂਚ ਕਰਨ ਦਾ ਅਧਿਕਾਰ ਹੋਵੇਗਾ।
ਐਨਜੀਓ ਨੇ ਕੀ ਕਿਹਾ?
ਆਸਰਾ ਦੇ ਅਧਿਕਾਰੀ ਹਨੂਮੰਤ ਰਾਓ ਨੇ ਕਿਹਾ ਕਿ ਅੰਬਰਪੇਟ ਦੇ ਪਸ਼ੂ ਜਨਮ ਨਿਯੰਤਰਣ ਕੇਂਦਰ ਵਿੱਚ ਅਵਾਰਾ ਕੁੱਤਿਆਂ 'ਤੇ ਬੇਰਹਿਮੀ ਕੀਤੀ ਜਾਂਦੀ ਹੈ। ਐਸੋਸੀਏਸ਼ਨ ਅਵਾਰਾ ਕੁੱਤਿਆਂ ਨੂੰ ਸਨਮਾਨ ਨਾਲ ਤਬਦੀਲ ਕਰਨ ਲਈ ਲੜ ਰਹੀ ਹੈ। ਆਸਰਾ ਐਨਜੀਓ ਗੋਦ ਲੈਣ ਅਤੇ ਪਾਲਣ-ਪੋਸ਼ਣ ਪ੍ਰੋਗਰਾਮਾਂ ਰਾਹੀਂ ਬਚਾਏ ਗਏ ਜਾਨਵਰਾਂ ਲਈ ਸਥਾਈ ਆਸਰਾ ਸੁਰੱਖਿਅਤ ਕਰਨ ਲਈ ਕੰਮ ਕਰ ਰਹੀ ਹੈ।
ਆਸਰਾ ਜਾਨਵਰਾਂ ਦੀ ਬੇਰਹਿਮੀ, ਜ਼ਿੰਮੇਵਾਰ ਪਾਲਤੂ ਜਾਨਵਰਾਂ ਦੀ ਮਾਲਕੀ ਅਤੇ ਜਾਨਵਰਾਂ ਦੀ ਭਲਾਈ ਦੀ ਮਹੱਤਤਾ ਬਾਰੇ ਜਾਗਰੂਕਤਾ ਫੈਲਾਉਣ ਲਈ ਵਚਨਬੱਧ ਹੈ। ਵਿਦਿਅਕ ਪ੍ਰੋਗਰਾਮਾਂ ਅਤੇ ਭਾਈਚਾਰਕ ਪਹੁੰਚ ਰਾਹੀਂ, ਐਨਜੀਓ ਜਾਨਵਰਾਂ ਪ੍ਰਤੀ ਹਮਦਰਦੀ ਅਤੇ ਸਤਿਕਾਰ ਨੂੰ ਉਤਸ਼ਾਹਿਤ ਕਰਨ ਲਈ ਜਾਗਰੂਕਤਾ ਮੁਹਿੰਮਾਂ ਵੀ ਚਲਾਉਂਦੀ ਹੈ।
