SBI: ਜੇ ਤੁਹਾਡਾ ਬੈਂਕ ਖਾਤਾ SBI ਵਿੱਚ ਹੈ ਤਾਂ ਤੁਹਾਡੇ ਲਈ ਹੈ ਇਹ ਖ਼ਬਰ, ਜੇ ਆਧਾਰ ਕਾਰਡ ਅੱਪਡੇਟ ਨਾ ਕੀਤਾ ਤਾਂ....
ਕੀ ਬਲੌਕ ਹੋ ਜਾਵੇਗੀ ਤੁਹਾਡੀ YONO ਐਪ?
By : Annie Khokhar
SBI Account Aadhar Card Link: ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ, SBI (ਸਟੇਟ ਬੈਂਕ ਆਫ਼ ਇੰਡੀਆ) ਦੇ ਲੱਖਾਂ ਗਾਹਕਾਂ ਲਈ ਇੱਕ ਮਹੱਤਵਪੂਰਨ ਖ਼ਬਰ ਹੈ। ਜੇਕਰ ਤੁਸੀਂ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਗਾਹਕ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਜ਼ਰੂਰੀ ਹੈ। SBI ਗਾਹਕਾਂ ਨੂੰ ਉਨ੍ਹਾਂ ਦੇ ਵਟਸਐਪ 'ਤੇ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਨਾਮ 'ਤੇ ਇੱਕ ਮੈਸਜ ਮਿਲ ਰਿਹਾ ਹੈ। ਇਸ ਮੈਸਜ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਜੇਕਰ SBI ਗਾਹਕ ਆਪਣਾ ਆਧਾਰ ਅਪਡੇਟ ਨਹੀਂ ਕਰਦੇ ਹਨ, ਤਾਂ ਉਨ੍ਹਾਂ ਦਾ SBI YONO ਮੋਬਾਈਲ ਐਪ ਬਲਾਕ ਕਰ ਦਿੱਤਾ ਜਾਵੇਗਾ। ਇਸ ਸੁਨੇਹੇ ਦੇ ਨਾਲ ਇੱਕ APK ਫਾਈਲ ਵੀ ਭੇਜੀ ਜਾ ਰਹੀ ਹੈ, ਜੋ ਗਾਹਕਾਂ ਨੂੰ ਇਸ APK ਫਾਈਲ ਨੂੰ ਇੰਸਟਾਲ ਕਰਨ ਲਈ ਪ੍ਰੇਰਿਤ ਕਰ ਰਹੀ ਹੈ।
WhatsApp 'ਤੇ ਜਾਅਲੀ ਖਾਤਿਆਂ ਤੋਂ ਭੇਜੇ ਜਾ ਰਹੇ ਮੈਸਜ
ਜੇਕਰ ਤੁਹਾਨੂੰ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਨਾਮ 'ਤੇ ਅਜਿਹਾ ਮੈਸਜ ਮਿਲਿਆ ਹੈ, ਤਾਂ ਪਹਿਲਾਂ ਉਸ ਵਟਸਐਪ ਅਕਾਊਟ ਦੀ ਰਿਪੋਰਟ ਕਰੋ ਅਤੇ APK ਫਾਈਲ ਨੂੰ ਡਾਊਨਲੋਡ ਜਾਂ ਇੰਸਟਾਲ ਕਰਨ ਤੋਂ ਬਚੋ। ਹਾਂ, ਇਹ ਇੱਕ ਫਰਾਡ ਮੈਸਜ ਹੈ ਜੋ SBI ਗਾਹਕਾਂ ਦੇ WhatsApp ਖਾਤਿਆਂ 'ਤੇ ਭੇਜਿਆ ਜਾ ਰਿਹਾ ਹੈ, ਜਿਸ ਵਿੱਚ ਉਨ੍ਹਾਂ ਨੂੰ ਸਾਈਬਰ ਧੋਖਾਧੜੀ ਦਾ ਸ਼ਿਕਾਰ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਭਾਰਤੀ ਰਿਜ਼ਰਵ ਬੈਂਕ ਆਪਣੇ ਗਾਹਕਾਂ ਨੂੰ ਅਜਿਹਾ ਕੋਈ ਮੈਸਜ ਨਹੀਂ ਭੇਜ ਰਿਹਾ ਹੈ। ਇਹ ਇੱਕ ਜਾਅਲੀ WhatsApp ਖਾਤਾ ਹੈ ਜੋ ਗਾਹਕਾਂ ਨੂੰ ਐਪ ਨੂੰ ਬਲਾਕ ਕਰਨ ਦੀ ਧਮਕੀ ਦੇ ਕੇ APK ਫਾਈਲਾਂ ਡਾਊਨਲੋਡ ਅਤੇ ਇੰਸਟਾਲ ਕਰਨ ਲਈ ਦਬਾਅ ਪਾ ਰਿਹਾ ਹੈ।
ਸਟੇਟ ਬੈਂਕ ਆਫ਼ ਇੰਡੀਆ ਨੇ ਗਾਹਕਾਂ ਲਈ ਐਡਵਾਈਜ਼ਰੀ ਜਾਰੀ ਕੀਤੀ
ਸਟੇਟ ਬੈਂਕ ਆਫ਼ ਇੰਡੀਆ ਨੇ ਖੁਦ ਆਪਣੇ ਗਾਹਕਾਂ ਲਈ ਇੱਕ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਨ੍ਹਾਂ ਨੂੰ ਕਿਸੇ ਵੀ ਏਪੀਕੇ ਫਾਈਲ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। ਆਪਣੀ ਪੋਸਟ ਵਿੱਚ, ਸਟੇਟ ਬੈਂਕ ਆਫ਼ ਇੰਡੀਆ ਨੇ ਲਿਖਿਆ ਹੈ ਕਿ ਇੱਕ ਏਪੀਕੇ ਫਾਈਲ 'ਤੇ ਕਲਿੱਕ ਕਰਨ ਨਾਲ ਤੁਹਾਡੇ ਬੈਂਕ ਖਾਤੇ ਵਿੱਚ ਸਾਰੇ ਪੈਸੇ ਦੂਜੇ ਖਾਤਿਆਂ ਵਿੱਚ ਟ੍ਰਾਂਸਫਰ ਹੋ ਸਕਦੇ ਹਨ। ਐਸਬੀਆਈ ਨੇ ਕਿਸੇ ਵੀ ਏਪੀਕੇ ਫਾਈਲ 'ਤੇ ਕਲਿੱਕ ਕਰਨ, ਡਾਊਨਲੋਡ ਕਰਨ ਜਾਂ ਅਪਡੇਟ ਕਰਨ ਦੇ ਵਿਰੁੱਧ ਸਲਾਹ ਦਿੱਤੀ ਹੈ। ਐਸਬੀਆਈ ਨੇ ਸਿਰਫ਼ ਗੂਗਲ ਪਲੇ ਸਟੋਰ ਅਤੇ ਐਪਲ ਐਪ ਸਟੋਰ ਤੋਂ ਐਪਸ ਡਾਊਨਲੋਡ ਕਰਨ ਦੀ ਸਲਾਹ ਦਿੱਤੀ ਹੈ। ਐਸਬੀਆਈ ਤੋਂ ਇਲਾਵਾ, ਪੀਆਈਬੀ ਫੈਕਟ ਚੈੱਕ ਨੇ ਵੀ ਇਸ ਮੁੱਦੇ 'ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ।
