ਮੈਨੂੰ ਜ਼ਹਿਰ ਦਿੱਤਾ ਗਿਆ, ਮੈ ਨਹੀਂ ਬਚਾਂਗਾ, ਮੁਖਤਾਰ ਅੰਸਾਰੀ ਦੀ ਆਡੀਓ ਵਾਇਰਲ

ਉਤਰ ਪ੍ਰਦੇਸ਼ : ਮੁਖਤਾਰ ਅੰਸਾਰੀ ਦੀ ਮੌਤ ਤੋਂ ਬਾਅਦ ਹੁਣ ਇਸ ਦਾ ਇੱਕ ਆਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਆਡੀਓ 'ਚ ਮੁਖਤਾਰ ਅੰਸਾਰੀ ਆਪਣੇ ਛੋਟੇ ਬੇਟੇ ਉਮਰ ਅੰਸਾਰੀ ਨਾਲ ਗੱਲ ਕਰ ਰਹੇ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਆਡੀਓ ਕੱਲ੍ਹ ਸਵੇਰ ਦੀ ਹੈ। ਯਾਨੀ ਮੁਖਤਾਰ ਅੰਸਾਰੀ ਦੀ ਮੌਤ ਤੋਂ ਕੁਝ ਘੰਟੇ ਪਹਿਲਾਂ ਹੀ ਪਿਤਾ-ਪੁੱਤਰ ਵਿਚਾਲੇ ਫੋਨ 'ਤੇ ਗੱਲਬਾਤ ਹੋਈ ਸੀ।

ਆਡੀਓ 'ਚ ਮੁਖਤਾਰ ਅੰਸਾਰੀ ਆਪਣੀ ਹਾਲਤ ਬਿਆਨ ਕਰ ਰਹੇ ਹਨ ਅਤੇ ਉਮਰ ਉਸ ਨੂੰ ਦਿਲਾਸਾ ਦੇ ਰਹੇ ਹਨ। ਮੁਖਤਾਰ ਅੰਸਾਰੀ ਕਹਿ ਰਿਹਾ ਹੈ ਕਿ ਜ਼ਹਿਰ ਦਿੱਤਾ ਗਿਆ ਹੈ। ਮੈਂ ਹੁਣ ਨਹੀਂ ਬਚਾਂਗਾ। ਇਸ 'ਤੇ ਉਮਰ ਨੇ ਕਿਹਾ ਚਿੰਤਾ ਨਾ ਕਰੋ। ਅਸੀਂ ਅਦਾਲਤ ਵਿੱਚ ਅਰਜ਼ੀ ਦਾਇਰ ਕੀਤੀ ਹੈ। ਤੁਹਾਨੂੰ ਪੇਸ਼ੀ ਦੇ ਸਮੇਂ ਜੱਜ ਨੂੰ ਇਹ ਗੱਲਾਂ ਵੀ ਵਾਰ-ਵਾਰ ਕਹਿਣੀਆਂ ਚਾਹੀਦੀਆਂ ਹਨ।

ਉਮਰ ਅੰਸਾਰੀ ਕਹਿੰਦਾ, 'ਪਾਪਾ, ਤੁਸੀਂ ਕਮਜ਼ੋਰ ਹੋ ਗਏ ਹੋ। ਤੁਸੀਂ ਬਹੁਤ ਜਲਦੀ ਠੀਕ ਹੋ ਜਾਓਗੇ। ਜੇ ਮੈਨੂੰ ਇਜਾਜ਼ਤ ਮਿਲ ਗਈ ਤਾਂ ਮੈਂ ਕੱਲ੍ਹ ਤੁਹਾਨੂੰ ਮਿਲਣ ਆਵਾਂਗਾ। ਪਰ ਅੱਲ੍ਹਾ ਬਹੁਤ ਵੱਡਾ ਹੈ। ਤੁਸੀਂ ਠੀਕ ਹੋ ਜਾਵੋਗੇ। ਅੱਗੋਂ ਉਮਰ ਇਹ ਵੀ ਕਹਿੰਦਾ ਹੈ ਕਿ ਪਾਪਾ ਤੁਹਾਡੀ ਆਵਾਜ਼ ਸੁਣ ਕੇ ਮੈਨੂੰ ਹਿੰਮਤ ਮਿਲੀ ਹੈ।