ਮੈਂ ਬਹੁਤ ਜ਼ਿਆਦਾ ਭਾਵੁਕ ਹੋ ਜਾਂਦਾ ਹਾਂ, ਇਹ ਮੇਰੀ ਸਮੱਸਿਆ ਹੈ : ਸੰਨੀ ਦਿਓਲ

ਨਵੀਂ ਦਿੱਲੀ : ਗੋਆ ਵਿੱਚ ਹੋਏ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ ਇੰਡੀਆ (IFFI) ਵਿੱਚ, ਸੰਨੀ ਦਿਓਲ ਉਨ੍ਹਾਂ ਬਹੁਤ ਸਾਰੇ ਮਸ਼ਹੂਰ ਹਸਤੀਆਂ ਵਿੱਚੋਂ ਇੱਕ ਸੀ ਜੋ ਹਾਜ਼ਰ ਹੋਏ ਸਨ। ਅਭਿਨੇਤਾ ਨੇ ਫਿਲਮ ਨਿਰਮਾਤਾਵਾਂ ਅਨਿਲ ਸ਼ਰਮਾ ਅਤੇ ਰਾਜਕੁਮਾਰ ਸੰਤੋਸ਼ੀ ਦੇ ਨਾਲ ਇਸ ਸਮਾਗਮ ਵਿੱਚ ਸ਼ਿਰਕਤ ਕੀਤੀ।

ਇਵੈਂਟ ਦੌਰਾਨ, ਸੰਨੀ ਦਿਓਲ ਨੇ ਆਪਣੀ ਨਵੀ ਰਿਲੀਜ਼ Film ਗਦਰ 2 ਦੀ ਸਫਲਤਾ, ਉਸਦੇ ਕਿਰਦਾਰ ਤਾਰਾ ਸਿੰਘ ਅਤੇ ਹੋਰ ਬਾਰੇ ਗੱਲ ਕੀਤੀ। ਫਿਲਮ ਨਿਰਮਾਤਾ ਰਾਜਕੁਮਾਰ ਸੰਤੋਸ਼ੀ ਵੱਲੋਂ ਉਸ ਦੀ ਤਾਰੀਫ ਕਰਨ ਤੋਂ ਬਾਅਦ ਸੰਨੀ ਦਿਓਲ ਸਮਾਗਮ ਵਿੱਚ ਆਪਣੇ ਫਿਲਮੀ ਸਫਰ ਬਾਰੇ ਗੱਲ ਕਰਦੇ ਹੋਏ ਭਾਵੁਕ ਹੋ ਗਏ।

ਰਾਜਕੁਮਾਰ ਸੰਤੋਸ਼ੀ ਨੇ ਕਿਹਾ, "ਮੇਰਾ ਮੰਨਣਾ ਹੈ ਕਿ ਇੰਡਸਟਰੀ ਨੇ ਸੰਨੀ ਦੀ ਪ੍ਰਤਿਭਾ ਨਾਲ ਨਿਆਂ ਨਹੀਂ ਕੀਤਾ ਹੈ। ਪਰ ਰੱਬ ਨੇ ਨਿਆਂ ਕੀਤਾ ਹੈ। ਰਾਜਕੁਮਾਰ ਸੰਤੋਸ਼ੀ ਦੀ ਟਿੱਪਣੀ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ, ਸੰਨੀ ਦਿਓਲ ਨੇ ਕਿਹਾ, "ਮੈਂ ਬਹੁਤ ਜ਼ਿਆਦਾ ਭਾਵੁਕ ਹੋ ਜਾਂਦਾ ਹਾਂ, ਇਹ ਮੇਰੀ ਸਮੱਸਿਆ ਹੈ"।

ਸੰਨੀ ਦਿਓਲ ਨੇ ਹੁਣ ਤੱਕ ਕੀਤੀਆਂ ਭੂਮਿਕਾਵਾਂ ਬਾਰੇ ਗੱਲ ਕਰਦੇ ਹੋਏ ਕਿਹਾ, "ਮੈਨੂੰ ਯਾਦ ਹੈ ਜਦੋਂ ਮੈਂ ਫੌਜ, ਜਲ ਸੈਨਾ ਅਤੇ ਹਵਾਈ ਸੈਨਾ ਦੇ ਲੋਕਾਂ ਨੂੰ ਮਿਲਿਆ ਸੀ … ਉਹਨਾਂ ਦਾ ਮੇਰੀਆਂ ਫਿਲਮਾਂ ਵਿੱਚ ਵਿਸ਼ਵਾਸ ਸੀ, ਇਹੀ ਹੈ ਜਿੱਥੇ ਮੇਰੇ ਵਿਚ ਸਕਾਰਾਤਮਕਤਾ ਆਈ। ਜਿਵੇਂ ਕਿ ਮੈਂ ਪਿਛਲੇ ਇੰਟਰਵਿਊਆਂ ਵਿੱਚ ਕਿਹਾ ਹੈ ਕਿ ਮੁਝੇ ਲਗਾ ਕੀ ਰਬ ਮੇਰੇ ਅੰਦਰ ਆ ਗਿਆ ਹੈ "

ਫਿਲਮਾਂ ਦੀ ਗਦਰ ਸੀਰੀਜ਼ ਦੇ ਆਪਣੇ ਕਿਰਦਾਰ ਤਾਰਾ ਸਿੰਘ ਬਾਰੇ ਸੰਨੀ ਦਿਓਲ ਨੇ ਕਿਹਾ, "ਜੋ ਤਾਰਾ ਸਿੰਘ ਹੈ, ਹਰ ਕੋਈ ਤਾਰਾ ਸਿੰਘ ਵਰਗਾ ਬਣਨਾ ਚਾਹੁੰਦਾ ਹੈ। ਪਤਨੀ ਚਾਹੇਗੀ ਕਿ ਉਸਦਾ ਪਤੀ ਤਾਰਾ ਵਰਗਾ ਹੋਵੇ। ਪਤੀ ਚਾਹੇਗਾ ਕਿ ਪਤਨੀ ਸਕੀਨਾ ਵਰਗੀ ਹੋਵੇ। ਆਪਣੀ ਫਿਲਮ ਦੀ ਸ਼ਾਨਦਾਰ ਸਫਲਤਾ ਬਾਰੇ ਉਨ੍ਹਾਂ ਕਿਹਾ, "ਗਦਰ ਜਿਸ ਤਰ੍ਹਾਂ ਸਫਲ ਹੋਈ, ਮੈਂ ਕਦੇ ਉਮੀਦ ਨਹੀਂ ਕੀਤੀ ਸੀ।