ਜੰਮੂ-ਕਸ਼ਮੀਰ ‘ਚ ਹਾਈਬ੍ਰਿਡ ਅੱਤਵਾਦੀ ਗ੍ਰਿਫਤਾਰ

ਸ਼ੋਪੀਆ : ਜੰਮੂ-ਕਸ਼ਮੀਰ ਦੇ ਸ਼ੋਪੀਆ ਜ਼ਿਲੇ 'ਚ ਸੋਮਵਾਰ ਨੂੰ ਇਕ ਹਾਈਬ੍ਰਿਡ ਅੱਤਵਾਦੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਉਸ ਦੇ ਕਬਜ਼ੇ 'ਚੋਂ ਹਥਿਆਰ, ਗੋਲਾ ਬਾਰੂਦ ਅਤੇ ਹੋਰ ਇਤਰਾਜ਼ਯੋਗ ਸਮੱਗਰੀ ਬਰਾਮਦ ਕੀਤੀ ਗਈ। ਇਹ ਜਾਣਕਾਰੀ ਪੁਲਿਸ ਨੇ ਦਿੱਤੀ, ਇੱਕ ਪੁਲਿਸ ਅਧਿਕਾਰੀ ਨੇ ਦੱਸਿਆ, “ਸ਼ਾਮ 6 ਵਜੇ ਦੇ ਕਰੀਬ ਮਨੀਹਾਲ, ਅਲੂਰਾ, ਡੀਕੇ ਪੋਰਾ ਪਿੰਡਾਂ ਵਿੱਚ ਗਸ਼ਤ ਕਰਨ ਤੋਂ ਇਲਾਵਾ, ਸ਼ੋਪੀਆਂ ਪੁਲਿਸ, ਆਰਮੀ (34ਆਰਆਰ), ਐਸਓਜੀ ਪੀਸੀ ਇਮਾਮ ਸਾਹਿਬ ਅਤੇ ਸੀਆਰਪੀਐਫ ਦੀ 178 ਬਟਾਲੀਅਨ ਦੁਆਰਾ ਇੱਕ ਸੰਯੁਕਤ ਚੈਕ ਪੋਸਟ ਸਥਾਪਤ ਕੀਤੀ ਗਈ ਸੀ। ਇੱਕ ਵਿਅਕਤੀ ਨੂੰ ਪੈਦਲ ਨਾਕਾ ਪੁਆਇੰਟ ਵੱਲ ਆਉਂਦੇ ਦੇਖਿਆ ਗਿਆ।"

ਸਾਂਝੀ ਟੀਮ ਨੂੰ ਦੇਖ ਕੇ ਸ਼ੱਕੀ ਵਿਅਕਤੀ ਨੇ ਮੌਕੇ ਤੋਂ ਭੱਜਣ ਦੀ ਕੋਸ਼ਿਸ਼ ਕੀਤੀ ਪਰ ਚੌਕਸੀ ਟੀਮ ਨੇ ਉਸ ਨੂੰ ਕਾਬੂ ਕਰ ਲਿਆ। ਉਸ ਦੀ ਪਛਾਣ ਬਿਲਾਲ ਅਹਿਮਦ ਸ਼ਾਹ ਵਾਸੀ ਕਾਜ਼ੀਗੁੰਡ ਵਜੋਂ ਹੋਈ ਹੈ ਅਤੇ ਉਸ ਦੇ ਕਬਜ਼ੇ 'ਚੋਂ ਇਕ ਪਿਸਤੌਲ, ਇਕ ਮੈਗਜ਼ੀਨ, 14 ਜਿੰਦਾ ਕਾਰਤੂਸ, ਇਕ ਮੋਬਾਈਲ ਫੋਨ ਅਤੇ ਹੋਰ ਅਪਰਾਧਕ ਸਮੱਗਰੀ ਬਰਾਮਦ ਕੀਤੀ ਗਈ ਹੈ।