Acidity ਤੋਂ ਮਿਲੇਗੀ ਤੁਰੰਤ ਰਾਹਤ: AIIMS ਦੇ ਮਾਹਿਰ Doctor ਨੇ ਦੱਸੇ ਕੁਦਰਤੀ ਤਰੀਕੇ

ਬਸ ਆਪਣੀ Diet 'ਚ ਕਰੋ ਇਹ ਮਾਮੂਲੀ ਬਦਲਾਅ

ਐਸਿਡਿਟੀ (Acidity) ਇੱਕ ਅਜਿਹੀ ਆਮ ਸਮੱਸਿਆ ਹੈ ਜੋ ਕਿਸੇ ਵੀ ਵਿਅਕਤੀ ਦੀ ਰੋਜ਼ਾਨਾ ਜ਼ਿੰਦਗੀ ਅਤੇ ਨੀਂਦ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਅਕਸਰ ਲੋਕ ਇਸ ਤੋਂ ਛੁਟਕਾਰਾ ਪਾਉਣ ਲਈ ਤੁਰੰਤ ਦਵਾਈਆਂ (Antacids) ਦਾ ਸਹਾਰਾ ਲੈਂਦੇ ਹਨ, ਪਰ AIIMS, ਹਾਰਵਰਡ ਅਤੇ ਸਟੈਨਫੋਰਡ ਵਰਗੇ ਵੱਕਾਰੀ ਸੰਸਥਾਨਾਂ ਤੋਂ ਸਿਖਲਾਈ ਪ੍ਰਾਪਤ ਗੈਸਟ੍ਰੋਐਂਟਰੌਲੋਜਿਸਟ (Gastroenterologist) ਡਾ. ਸੌਰਭ ਸੇਠੀ ਨੇ ਇਸ ਦਾ ਸਥਾਈ ਅਤੇ ਹੈਰਾਨੀਜਨਕ ਕੁਦਰਤੀ ਹੱਲ ਦੱਸਿਆ ਹੈ। ਉਨ੍ਹਾਂ ਅਨੁਸਾਰ ਰਸੋਈ ਵਿੱਚ ਮੌਜੂਦ ਕੁਝ ਖ਼ਾਸ ਚੀਜ਼ਾਂ ਦੀ ਵਰਤੋਂ ਕਰਕੇ ਪੇਟ ਦੀ ਜਲਣ ਅਤੇ ਗੈਸ ਤੋਂ ਹਮੇਸ਼ਾ ਲਈ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।

ਡਾ. ਸੇਠੀ ਨੇ ਆਪਣੀ Instagram Post ਰਾਹੀਂ ਦੱਸਿਆ ਕਿ ਸੌਂਫ (Fennel Seeds) ਐਸਿਡਿਟੀ ਲਈ ਇੱਕ ਰਾਮਬਾਣ ਇਲਾਜ ਹੈ। ਸੌਂਫ ਵਿੱਚ ਮੌਜੂਦ 'Anethole' ਨਾਮਕ ਮਿਸ਼ਰਣ ਪੇਟ ਦੀ ਪਰਤ ਨੂੰ ਠੰਡਾ ਰੱਖਦਾ ਹੈ ਅਤੇ ਇਸ ਦੇ Anti-ulcer ਗੁਣ ਪਾਚਨ ਪ੍ਰਣਾਲੀ ਨੂੰ ਦਰੁਸਤ ਕਰਦੇ ਹਨ। ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਗੈਸ ਦੀ ਸਮੱਸਿਆ ਤੋਂ ਜ਼ਿਆਦਾ ਪਰੇਸ਼ਾਨ ਹੋ, ਤਾਂ ਅਦਰਕ ਵਾਲੀ ਚਾਹ (Ginger Tea) ਦਾ ਸੇਵਨ ਬਹੁਤ ਲਾਭਦਾਇਕ ਸਾਬਤ ਹੋ ਸਕਦਾ ਹੈ। ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਐਸਿਡਿਟੀ ਦੌਰਾਨ ਅੰਡੇ (Eggs) ਖਾਧੇ ਜਾ ਸਕਦੇ ਹਨ, ਜੋ ਕਿ ਇੱਕ ਸੁਰੱਖਿਅਤ ਵਿਕਲਪ ਹੈ।

ਖ਼ੁਰਾਕ ਵਿੱਚ ਫ਼ਲਾਂ ਦੀ ਅਹਿਮੀਅਤ 'ਤੇ ਜ਼ੋਰ ਦਿੰਦੇ ਹੋਏ ਡਾਕਟਰ ਨੇ ਤਰਬੂਜ (Watermelon) ਨੂੰ ਸਭ ਤੋਂ ਉੱਤਮ ਦੱਸਿਆ। ਤਰਬੂਜ ਵਿੱਚ 90% ਪਾਣੀ ਹੁੰਦਾ ਹੈ ਜੋ ਸਰੀਰ ਨੂੰ Hydrate ਰੱਖਣ ਦੇ ਨਾਲ-ਨਾਲ ਪੇਟ ਵਿੱਚ ਵਾਧੂ ਐਸਿਡ ਨੂੰ ਬਣਨ ਤੋਂ ਰੋਕਦਾ ਹੈ। ਇਸ ਦੇ ਨਾਲ ਹੀ ਭਿੱਜੇ ਹੋਏ ਬਦਾਮ (Soaked Almonds) ਅਜਿਹੇ ਸੁੱਕੇ ਮੇਵੇ ਹਨ ਜੋ ਪੇਟ ਦੀ ਸਿਹਤ ਲਈ ਸਭ ਤੋਂ ਵਧੀਆ ਮੰਨੇ ਜਾਂਦੇ ਹਨ। ਜੇਕਰ ਤੁਸੀਂ ਆਪਣੀ ਜੀਵਨਸ਼ੈਲੀ (Lifestyle) ਵਿੱਚ ਇਹ ਛੋਟੇ ਬਦਲਾਅ ਕਰਦੇ ਹੋ, ਤਾਂ ਤੁਹਾਨੂੰ ਦਵਾਈਆਂ ਦੀ ਲੋੜ ਨਹੀਂ ਪਵੇਗੀ ਅਤੇ ਪੇਟ ਹਮੇਸ਼ਾ ਹਲਕਾ ਮਹਿਸੂਸ ਕਰੇਗਾ।