ਗੁਰਨਾਮ ਭੁੱਲਰ ਦਾ ਹੋਇਆ ਵਿਆਹ: ਤਸਵੀਰਾਂ ਹੋਈਆਂ ਵਾਇਰਲ, ਫੈਨਜ਼ ਹੈਰਾਨ

ਚੰਡੀਗੜ੍ਹ, 20 ਨਵੰਬਰ: ਸ਼ੇਖਰ ਰਾਏ- ਪੰਜਾਬੀ ਗਾਇਕ ਤੇ ਐਕਟਰ ਗੁਰਨਾਮ ਭੁੱਲਰ ਨੇ ਵਿਆਹ ਕਰਵਾ ਲਿਆ ਹੈ। ਜੀ ਹਾਂ, ਇਸ ਖਬਰ ਨੇ ਉਸਦੇ ਸਾਰੇ ਫੈਨਜ਼ ਨੂੰ ਹੈਰਾਨ ਕਰ ਦਿੱਤਾ। ਜਦੋਂ ਸੋਸ਼ਲ ਮੀਡੀਆ ਉੱਪਰ ਗੁਰਨਾਮ ਭੁੱਲਰ ਦੇ ਵਿਆਹ ਦੀਆਂ ਤਸਵੀਰਾਂ ਵਾਇਰਲ ਹੋਣ ਲੱਗੀਆਂ ਤਾਂ ਉਸਦੇ ਫੈਨਜ਼ ਨੂੰ ਇਨ੍ਹਾਂ ਤਸਵੀਰਾਂ ਤੋਂ ਗੁਰਨਾਮ ਦੇ ਵਿਆਹ ਦਾ ਪਤਾ ਚੱਲਿਆ। ਹੁਣ ਹਰ ਕੋਈ ਗੁਰਨਾਮ ਨੂੰ ਉਸਦੇ ਵਿਆਹ ਲਈ ਵਧਾਈ ਦੇ ਰਿਹਾ ਹੈ ਪਰ ਹਰ ਕੋਈ ਜਾਨਣਾ ਚਾਹੁੰਦਾ ਹੈ ਕਿ ਗੁਰਨਾਮ ਭੁੱਲਰ ਨੇ ਇੰਨੀ ਚੁੱਪ-ਚਾਪ ਵਿਆਹ ਕਿਉਂ ਕੀਤਾ।
ਪੰਜਾਬੀ ਐਕਟਰ ਤੇ ਗਾਇਕ ਗੁਰਨਾਮ ਭੁੱਲਰ ਅੱਜ ਦੇ ਸਮੇਂ ਕਿਸ ਜਾਣ ਪਛਾਣ ਦਾ ਮੋਹਤਾਜ ਨਹੀਂ ਹੈ। ਜਿਥੇ ਗੁਰਨਾਮ ਨੇ ਆਪਣੀ ਗਾਇਕੀ ਅਤੇ ਗੀਤਾਂ ਨਾਲ ਲੋਕਾਂ ਦਾ ਦਿਲ ਜਿੱਤਿਆ ਉਥੇ ਹੀ ਉਸਦੀ ਅਦਾਕਾਰੀ ਨੂੰ ਵੀ ਲੋਕ ਬਹੁਤ ਪਿਆਰ ਕਰਦੇ ਹਨ। ਇੰਨਾ ਦਿਨੀ ਗੁਰਨਾਮ ਭੁੱਲਰ ਆਪਣੀ 24 ਨਵੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਫਿਲਮ ’ਪਰਿੰਦਾ ਪਾਰ ਗਿਆ’ ਨੂੰ ਲੈ ਕੇ ਕਾਫੀ ਚਰਚਾ ਵਿਚ ਚੱਲ ਰਿਹਾ ਸੀ ਕਿ ਗੁਰਨਾਮ ਦੇ ਫੈਨਜ਼ ਲਈ ਇਕ ਹੋਰ ਖੁਸ਼ਖਬਰੀ ਸਾਹਮਣੇ ਆ ਗਈ ਹੈ। ਜੀ ਹਾਂ ਅੱਜ ਗੁਰਨਾਮ ਭੁੱਲਰ ਵਿਆਹ ਦੇ ਬੰਧਨ ਵਿਚ ਬੱਝ ਚੱਕੇ ਹਨ। ਗੁਰਨਾਮ ਭੁੱਲਰ ਦੇ ਵਿਆਹ ਦੀਆਂ ਤਸਵੀਰਾਂ ਹੁਣ ਸੋਸ਼ਲ ਮੀਡੀਆ ਉੱਪਰ ਵਾਇਰਲ ਹੋ ਰਹੀਆਂ ਹਨ।
ਇਨ੍ਹਾਂ ਤਸਵੀਰਾਂ ਵਿਚ ਗੁਰਨਾਮ ਭੁੱਲਰ ਅਤੇ ਉਨ੍ਹਾਂ ਪਤਨੀ ਦਿਖਾਈ ਦਿਖਾਈ ਦੇ ਰਹੀ ਹੈ। ਜਿਥੇ ਦੋਵੇਂ ਸਾਰਿਆਂ ਵਿਚ ਬੈਠੇ ਦਿਖਾਈ ਦੇ ਰਹੇ ਹਨ। ਉਥੇ ਹੀ ਦੋਵਾਂ ਦੀਆਂ ਲਾਵਾਂ ਲੈਂਦਿਆਂ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆੲਆਂ ਹਨ।

ਇਸ ਦੌਰਾਨ ਗੁਰਨਾਮ ਭੁੱਲਰ ਦਾ ਆਪਣੇ ਵਿਆਹ ਦੇ ਸਟੇਜ ਉੱਪਰ ਗੀਤ ਗਾਉਂਦਿਆਂ ਅਤੇ ਆਪਣੀ ਪਤਨੀ ਨੂੰ ਡੈਡੀਕੇਟ ਕਰਦਿਆਂ ਦਾ ਇਕ ਵੀਡੀਓ ਵੀ ਸਾਹਮਣੇ ਆਇਆ ਹੈ। ਜਿਸ ਵਿਚ ਗੁਰਨਾਮ ਆਪਣੀ ਸੂਰੀਲੀ ਆਵਾਜ਼ ਵਿਚ ਆਪਣੀ ਪਤਨੀ ਲਈ ਗੀਤ ਗਾਉਂਦੇ ਨਜ਼ਰ ਆ ਰਹੇ ਹਨ।

ਗੁਰਨਾਮ ਭੁੱਲਰ ਦੇ ਵਿਆਹ ਦੀ ਰੌਣਕ ਹੋਰ ਵੀ ਜ਼ਿਆਦਾ ਵਧਾਉਣ ਲਈ ਮਸ਼ਹੂਰ ਪੰਜਾਬੀ ਗਾਇਕ ਹਰਭਜਨ ਮਾਨ ਸਟੇਜ ਉੱਪਰ ਗਾਉਂਦੇ ਵੀ ਦਿਖਾਈ ਦਿੱਤੇ। ਜਿੰਨਾਂ ਦੀ ਗੁਰਨਾਮ ਭੁੱਲਰ ਨੇ ਵੀ ਕਾਫੀ ਤਰੀਫ ਕੀਤੀ ਉਹਨਾਂ ਕਿਹਾ ਕਿ ਭਾਜੀ ਨੇ ਆਪਣੀ ਗਾਇਕੀ ਨਾਲ ਸਾਡੇ ਵਿਆਹ ਨੂੰ ਵੀ ਮੇਲੇ ਵਿਚ ਤਬਦੀਲ ਕਰ ਦਿੱਤਾ।

ਗੁਰਨਾਮ ਭੁੱਲਰ ਦੇ ਵਿਆਹ ਦੀਆਂ ਇਹ ਤਸਵੀਰਾਂ ਤੇ ਵੀਡੀਓਜ਼ ਸੋਸ਼ਲ ਮੀਡੀਆ ਉੱਪਰ ਤੇਜ਼ੀ ਦੇ ਨਾਲ ਵਾਇਰਲ ਹੋ ਰਹੀਆਂ ਹਨ। ਹਾਲਾਂਕਿ ਇਨ੍ਹਾਂ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੋ ਰਿਹਾ ਹੈ। ਤੁਹਾਨੂੰ ਦੱਸ ਦਈਏ ਇਸ ਹੈਰਾਨੀ ਦਾ ਕਰਨਾ ਇਹ ਹੈ ਕਿਉਂਕੀ ਗੁਰਨਾਮ ਭੁੱਲਰ ਵੱਲੋਂ ਉਨ੍ਹਾਂ ਦੇ ਵਿਆਹ ਦੀ ਕੋਈ ਵੀ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਗਈ ਅਤੇ ਨਾ ਹੀ ਸੋਸ਼ਲ ਮੀਡੀਆ ਉੱਪਰ ਕੋਈ ਪੋਸਟ ਸਾਂਝੀ ਕੀਤੀ ਗਈ ਹੈ। ਗੁਰਨਾਮ ਭੁੱਲਰ ਦੇ ਵਿਆਹ ਦੌਰਾਨ ਜੋ ਤਸਵੀਰਾਂ ਸਾਹਮਣੇ ਆਈਆਂ ਉਹਨਾਂ ਵਿਚ ਇੰਡਸਟਰੀ ਦੇ ਬਹੁਤ ਕਲਾਕਾਰ ਵੀ ਫਿਲਹਾਲ ਦਿਖਾਈ ਨਹੀਂ ਦਿੱਤੇ। ਇਸ ਤੋਂ ਇਲਾਵਾ 24 ਨਵੰਬਰ ਨੂੰ ਗੁਰਨਾਮ ਭੁੱਲਰ ਆਪਣੀ ਫਿਲਮ ’ਪਰਿੰਦਰਾ ਪਾਰ ਗਿਆ’ ਦੇ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਲਈ ਆ ਰਹੇ ਹਨ। ਇਸ ਫਿਲਮ ਵਿਚ ਗੁਰਨਾਮ ਵੱਲੋਂ ਹੁਣ ਤੱਕ ਦੇ ਨਿਭਾਏ ਸਾਰੇ ਕਿਰਦਾਰਾਂ ਨਾਲੋ ਬਹੁਤ ਹੱਟਕੇ ਕਿਰਦਾਰ ਪੇਸ਼ ਕੀਤਾ ਗਿਆ ਹੈ। ਇਸ ਫਿਲਮ ਵਿਚ ਤੁਹਾਨੂੰ ਗੁਰਨਾਮ ਭੁੱਲਰ ਦੇ ਨਾਲ ਰੁਪੀ ਗਿੱਲ ਦੀ ਜੋੜੀ ਦਿਖਾਈ ਦੇਣ ਵਾਲੀ ਹੈ।