GST ਕਲੈਕਸ਼ਨ 1.70 ਲੱਖ ਕਰੋੜ ਦੇ ਪਾਰ, ਦੂਜੀ ਵਾਰ ਹੋਇਆ ਇਹ ਚਮਤਕਾਰ

ਨਵੀਂ ਦਿੱਲੀ : ਅਕਤੂਬਰ ਮਹੀਨੇ 'ਚ GST ਕਲੈਕਸ਼ਨ 1 ਲੱਖ 70 ਹਜ਼ਾਰ ਕਰੋੜ ਰੁਪਏ ਦੇ ਅੰਕੜੇ ਨੂੰ ਪਾਰ ਕਰ ਗਿਆ ਹੈ। ਵਿੱਤ ਮੰਤਰਾਲੇ ਨੇ ਕਿਹਾ ਕਿ ਅਕਤੂਬਰ 2023 'ਚ 1.72 ਲੱਖ ਕਰੋੜ ਰੁਪਏ ਦਾ ਵਸਤੂ ਅਤੇ ਸੇਵਾ ਟੈਕਸ (ਜੀਐੱਸਟੀ) ਕਲੈਕਸ਼ਨ ਹੋਇਆ ਹੈ। ਇਹ ਦੂਜੀ ਵਾਰ ਹੈ ਜਦੋਂ ਸੰਗ੍ਰਹਿ ਇਸ ਪੱਧਰ 'ਤੇ ਪਹੁੰਚਿਆ ਹੈ। ਸਾਲਾਨਾ ਆਧਾਰ 'ਤੇ ਅਕਤੂਬਰ ਦੇ ਜੀਐਸਟੀ ਕੁਲੈਕਸ਼ਨ ਵਿੱਚ 13% ਦਾ ਵਾਧਾ ਹੋਇਆ ਹੈ। ਇੱਕ ਸਾਲ ਪਹਿਲਾਂ, ਅਕਤੂਬਰ 2022 ਵਿੱਚ, ਜੀਐਸਟੀ ਕੁਲੈਕਸ਼ਨ 1.52 ਲੱਖ ਕਰੋੜ ਰੁਪਏ ਸੀ।

ਅਪ੍ਰੈਲ ਤੋਂ ਬਾਅਦ ਸਭ ਤੋਂ ਵੱਧ: ਵਿੱਤ ਮੰਤਰਾਲੇ ਨੇ ਬਿਆਨ ਵਿੱਚ ਕਿਹਾ, "ਅਕਤੂਬਰ, 2023 ਲਈ ਜੀਐਸਟੀ ਮਾਲੀਆ ਅਪ੍ਰੈਲ, 2023 ਤੋਂ ਬਾਅਦ ਦੂਜਾ ਸਭ ਤੋਂ ਉੱਚਾ ਅੰਕੜਾ ਹੈ।"ਅਪ੍ਰੈਲ 2023 ਵਿੱਚ ਜੀਐਸਟੀ ਕੁਲੈਕਸ਼ਨ 1.87 ਲੱਖ ਕਰੋੜ ਰੁਪਏ ਸੀ। ਵਿੱਤੀ ਸਾਲ 2023-24 ਵਿੱਚ ਔਸਤ ਮਾਸਿਕ ਜੀਐਸਟੀ ਕੁਲੈਕਸ਼ਨ 1.66 ਲੱਖ ਕਰੋੜ ਰੁਪਏ ਰਿਹਾ ਹੈ। ਇਹ ਪਿਛਲੇ ਸਾਲ ਨਾਲੋਂ 11 ਫੀਸਦੀ ਵੱਧ ਹੈ।

ਜੀਐਸਟੀ ਕੁਲੈਕਸ਼ਨ ₹172003 ਕਰੋੜ ਹੈ। ਇਸ ਵਿੱਚੋਂ ₹30062 ਕਰੋੜ CGST ਹੈ। ਜਦਕਿ, ₹38171 ਕਰੋੜ SGST ਹੈ। ਇਸ ਤੋਂ ਇਲਾਵਾ, ₹91,315 ਕਰੋੜ (ਮਾਲ ਦੇ ਆਯਾਤ 'ਤੇ ਇਕੱਠੇ ਕੀਤੇ ₹42,127 ਕਰੋੜ ਸਮੇਤ) IGST ਹੈ। ਇਸ ਦੇ ਨਾਲ ਹੀ, 12,456 ਕਰੋੜ ਰੁਪਏ ਦਾ ਸੈੱਸ ਹੈ (ਮਾਲ ਦੀ ਦਰਾਮਦ 'ਤੇ ਇਕੱਠੇ ਕੀਤੇ 1,294 ਕਰੋੜ ਰੁਪਏ ਸਮੇਤ)। ਕੇਂਦਰ ਸਰਕਾਰ ਨੇ IGST ਤੋਂ CGST ਤੱਕ 42,873 ਕਰੋੜ ਰੁਪਏ ਅਤੇ SGST ਨੂੰ 36,614 ਕਰੋੜ ਰੁਪਏ ਦਾ ਨਿਪਟਾਰਾ ਕੀਤਾ ਹੈ।