ਗਗਨਯਾਨ ਮਿਸ਼ਨ: ਇਸਰੋ ਨੇ ਪੁਲਾੜ ਵਿੱਚ ਦੁਬਾਰਾ ਇਤਿਹਾਸ ਰਚਿਆ, ਦੂਜੀ ਕੋਸ਼ਿਸ਼ ਵਿੱਚ ਸਫਲਤਾ

ਨਵੀਂ ਦਿੱਲੀ : ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਗਗਨਯਾਨ ਮਿਸ਼ਨ ਦੇ ਚਾਲਕ ਦਲ ਦੇ ਮਾਡਲ ਨੂੰ ਸਫਲਤਾਪੂਰਵਕ ਲਾਂਚ ਕੀਤਾ ਹੈ। ਪੁਲਾੜ ਏਜੰਸੀ ਨੂੰ ਦੂਜੀ ਕੋਸ਼ਿਸ਼ 'ਚ ਸਫਲਤਾ ਮਿਲੀ ਹੈ। ਅੱਜ ਸਵੇਰੇ ਕਰੀਬ 8:30 ਵਜੇ ਇਸ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਤਕਨੀਕੀ ਕਾਰਨਾਂ ਕਰਕੇ ਮੁਲਤਵੀ ਕਰਨਾ ਪਿਆ। ਹਾਲਾਂਕਿ 10 ਵਜੇ ਦੇ ਕਰੀਬ ਇਕ ਹੋਰ ਕੋਸ਼ਿਸ਼ ਕੀਤੀ ਗਈ ਅਤੇ ਇਸ ਵਾਰ ਇਸਰੋ ਨੂੰ ਸਫਲਤਾ ਮਿਲੀ। ਗਗਨਯਾਨ ਦਾ ਪਹਿਲਾ ਟੈਸਟ ਵਾਹਨ ਐਬੋਰਟ ਮਿਸ਼ਨ-1 (ਟੀਵੀ-ਡੀ1) ਸ਼੍ਰੀਹਰੀਕੋਟਾ, ਆਂਧਰਾ ਪ੍ਰਦੇਸ਼ ਤੋਂ ਲਾਂਚ ਕੀਤਾ ਗਿਆ ਸੀ।

ਦੂਜੇ ਟੈਸਟ ਤੋਂ ਪਹਿਲਾਂ, ਇਸਰੋ ਨੇ ਕਿਹਾ ਕਿ ਅਭਿਲਾਸ਼ੀ ਗਗਨਯਾਨ ਮਨੁੱਖੀ ਪੁਲਾੜ ਉਡਾਣ ਪ੍ਰੋਗਰਾਮ ਨਾਲ ਸਬੰਧਤ ਇੱਕ ਪੇਲੋਡ ਨਾਲ ਉਡਾਣ ਭਰ ਰਹੇ ਟੈਸਟ ਵਾਹਨ ਵਿੱਚ ਇੱਕ ਵਿਗਾੜ ਦਾ ਪਤਾ ਲਗਾਇਆ ਗਿਆ ਅਤੇ ਉਸ ਨੂੰ ਠੀਕ ਕੀਤਾ ਗਿਆ। ਇਸਰੋ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਲਿਖਿਆ, "ਅਧੂਰੇ ਲਾਂਚ ਦੇ ਕਾਰਨ ਦੀ ਪਛਾਣ ਕੀਤੀ ਗਈ ਹੈ ਅਤੇ ਸੁਧਾਰਿਆ ਗਿਆ ਹੈ।"

ਰਾਕੇਟ ਲਾਂਚ ਪਹਿਲਾਂ ਸਵੇਰੇ 8 ਵਜੇ ਤੈਅ ਕੀਤਾ ਗਿਆ ਸੀ, ਪਰ ਬਾਅਦ ਵਿੱਚ ਕੁੱਲ 45 ਮਿੰਟਾਂ ਵਿੱਚ ਦੋ ਵਾਰ ਮੁਲਤਵੀ ਕਰ ਦਿੱਤਾ ਗਿਆ। ਇਸਰੋ ਦੇ ਮੁਖੀ ਐੱਸ.ਸੋਮਨਾਥ ਨੇ ਫਿਰ ਕਿਹਾ ਕਿ ਕੁਝ ਗੜਬੜੀ ਦੇ ਕਾਰਨ ਲਾਂਚਿੰਗ ਪ੍ਰੋਗਰਾਮ ਦੇ ਮੁਤਾਬਕ ਨਹੀਂ ਹੋ ਸਕੀ। ਉਨ੍ਹਾਂ ਕਿਹਾ ਕਿ ਟੀ.ਵੀ.-ਡੀ1 ਰਾਕੇਟ ਦਾ ਇੰਜਣ ਨਿਰਧਾਰਤ ਪ੍ਰਕਿਰਿਆ ਅਨੁਸਾਰ ਚਾਲੂ ਨਹੀਂ ਹੋ ਸਕਿਆ।