ਸੰਨੀ ਦਿਓਲ ਦੀ ਗਦਰ-2, 400 ਕਰੋੜ ਦੇ ਕਲੱਬ 'ਚ ਸ਼ਾਮਲ

ਮੁੰਬਈ: ਅਕਸ਼ੇ ਕੁਮਾਰ ਸਟਾਰਰ ਫਿਲਮ OMG 2 ਅਤੇ ਸੰਨੀ ਦਿਓਲ ਦੀ ਫਿਲਮ ਗਦਰ 2 ਇੱਕੋ ਸਮੇਂ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈਆਂ ਸਨ। ਜਦੋਂ ਕਿ ਗਦਰ 2 ਇੱਕ ਸਖ਼ਤ ਐਕਸ਼ਨ ਥ੍ਰਿਲਰ ਹੈ, ਓਐਮਜੀ 2 ਸੈਕਸ ਸਿੱਖਿਆ ਦੇ ਮੁੱਦੇ 'ਤੇ ਰੌਸ਼ਨੀ ਪਾਉਂਦਾ ਹੈ।

ਫਿਲਮ 'ਗਦਰ 2' ਨੇ 11 ਦਿਨਾਂ 'ਚ ਕੁੱਲ 388.60 ਕਰੋੜ ਰੁਪਏ ਕਮਾ ਲਏ ਹਨ। ਦੂਜੇ ਪਾਸੇ, sacnilk ਦੀਆਂ ਸ਼ੁਰੂਆਤੀ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਫਿਲਮ ਨੇ 12ਵੇਂ ਦਿਨ 11.50 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ, ਮਤਲਬ ਕਿ ਫਿਲਮ ਦੀ ਕੁੱਲ ਕਮਾਈ 400.10 ਕਰੋੜ ਰੁਪਏ ਦੇ ਕਰੀਬ ਰਹੀ ਹੈ। ਦੂਜੇ ਪਾਸੇ ਗਦਰ 2, ਪਠਾਨ ਦਾ ਰਿਕਾਰਡ ਤੋੜ ਸਕੇਗੀ ਜਾਂ ਨਹੀਂ, ਇਹ ਤਾਂ ਸਮਾਂ ਹੀ ਦੱਸੇਗਾ।

ਇੱਕ ਪਾਸੇ ਜਿੱਥੇ ਗਦਰ 2 ਨੇ ਕਰੀਬ 400 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ, ਉੱਥੇ ਹੀ ਦੂਜੇ ਪਾਸੇ OMG 2 ਹੁਣ ਤੱਕ 150 ਕਰੋੜ ਰੁਪਏ ਦੀ ਕਮਾਈ ਵੀ ਨਹੀਂ ਕਰ ਸਕੀ ਹੈ। ਫਿਲਮ ਨੇ 11 ਦਿਨਾਂ 'ਚ ਕੁੱਲ 113.67 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਦੂਜੇ ਪਾਸੇ, sacnilk ਦੀ ਸ਼ੁਰੂਆਤੀ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਫਿਲਮ ਨੇ 12ਵੇਂ ਦਿਨ 3.20 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।ਯਾਨੀ ਫਿਲਮ ਦਾ ਕੁਲ ਕਲੈਕਸ਼ਨ ਕਰੀਬ 120.62 ਕਰੋੜ ਰੁਪਏ ਹੈ।