Film ਗਦਰ 2 ਬਣੀ 2023 ਦੀ ਦੂਜੀ ਸਭ ਤੋਂ ਵੱਡੀ ਫਿਲਮ

ਮੁੰਬਈ: ਸੰਨੀ ਦਿਓਲ ਦੀ Film ਗਦਰ 2 ਨੇ ਬਾਕਸ ਆਫਿਸ 'ਤੇ ਧਮਾਕੇਦਾਰ ਕਮਾਈ ਕੀਤੀ ਹੈ। ਹੁਣ ਫਿਲਮ ਨੇ ਕੇਰਲਾ ਸਟੋਰੀ ਨੂੰ ਵੀ ਮਾਤ ਦਿੱਤੀ ਹੈ। ਇਸ ਨਾਲ ਗਦਰ 2 ਸਾਲ 2023 ਦੀ ਦੂਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। ਹਾਲਾਂਕਿ ਫਿਲਮ ਅਜੇ ਪਠਾਨ ਤੋਂ ਪਿੱਛੇ ਹੈ, ਪਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਹ ਉਸ ਨੂੰ ਵੀ ਮਾਤ ਦੇਵੇਗੀ।

ਸੰਨੀ ਦਿਓਲ ਦੀ 'ਗਦਰ 2' ਨੇ ਬਾਕਸ ਆਫਿਸ 'ਤੇ ਹੰਗਾਮਾ ਮਚਾ ਦਿੱਤਾ ਹੈ। ਫਿਲਮ ਨੇ ਪੰਜ ਦਿਨਾਂ ਵਿੱਚ ਕੁੱਲ 228.98 ਕਰੋੜ ਰੁਪਏ ਕਮਾ ਲਏ। ਦੂਜੇ ਪਾਸੇ ਸ਼ੁਰੂਆਤੀ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਫਿਲਮ ਨੇ 6ਵੇਂ ਦਿਨ 34.50 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ, ਮਤਲਬ ਕਿ ਫਿਲਮ ਦੀ ਕੁੱਲ ਕਮਾਈ ਲਗਭਗ 263.48 ਕਰੋੜ ਰੁਪਏ ਰਹੀ ਹੈ।

ਦਿਨ 1: 40.10 ਕਰੋੜ
ਦਿਨ 2: 43.08 ਕਰੋੜ
ਦਿਨ 3: 51.70 ਕਰੋੜ ਦਿਨ
ਦਿਨ 4: 38.70 ਕਰੋੜ ਦਿਨ
ਦਿਨ 5: 55.40 ਕਰੋੜ
ਦਿਨ 6: 34.50 ਕਰੋੜ ਰੁਪਏ (ਸ਼ੁਰੂਆਤੀ ਮੀਡੀਆ ਰਿਪੋਰਟਾਂ)

ਗਦਰ 2 ਲਗਭਗ 263.48 ਕਰੋੜ ਰੁਪਏ ਦੇ ਕੁਲੈਕਸ਼ਨ ਨਾਲ ਸਾਲ 2023 ਦੀ ਦੂਜੀ ਸਭ ਤੋਂ ਵੱਡੀ ਬਾਲੀਵੁੱਡ ਫਿਲਮ ਬਣ ਗਈ ਹੈ। ਦੱਸ ਦੇਈਏ ਕਿ 'ਪਠਾਨ' (543.05 ਕਰੋੜ ਰੁਪਏ) ਪਹਿਲੇ ਨੰਬਰ 'ਤੇ ਹੈ। ਜਦੋਂ ਕਿ 'ਦਿ ਕੇਰਲਾ ਸਟੋਰੀ' (242.20 ਕਰੋੜ ਰੁਪਏ) ਤੀਜੇ ਨੰਬਰ 'ਤੇ ਖਿਸਕ ਗਈ ਹੈ। ਇਸ ਤੋਂ ਬਾਅਦ ਚੌਥੇ ਨੰਬਰ 'ਤੇ 'ਤੂ ਝੂਠੀ ਮੈਂ ਮੱਕੜ' (149.05 ਕਰੋੜ ਰੁਪਏ) ਅਤੇ ਪੰਜਵੇਂ ਨੰਬਰ 'ਤੇ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' (137.02 ਕਰੋੜ ਰੁਪਏ) ਹੈ। ਤੁਹਾਨੂੰ ਦੱਸ ਦੇਈਏ ਕਿ 'ਰੌਕੀ ਔਰ ਰਾਣੀ..' ਅਜੇ ਵੀ ਸਿਨੇਮਾਘਰਾਂ 'ਚ ਚੱਲ ਰਹੀ ਹੈ ਅਤੇ ਕਮਾਈ ਜਾਰੀ ਹੈ।