Film 'ਜਵਾਨ' ਨੇ ਹੁਣ ਕਿਸ ਫਿਲਮ ਨੂੰ ਪਛਾੜਿਆ ?

ਮੁੰਬਈ : ਸ਼ਾਹਰੁਖ ਖਾਨ ਦੀ 'ਜਵਾਨ' ਦਾ ਕ੍ਰੇਜ਼ ਸਿਨੇਮਾਘਰਾਂ 'ਚ ਅਜੇ ਰੁਕਦਾ ਨਜ਼ਰ ਨਹੀਂ ਆ ਰਿਹਾ ਹੈ। 7 ਸਤੰਬਰ ਨੂੰ ਰਿਲੀਜ਼ ਹੋਈ ਇਹ ਫਿਲਮ ਦਰਸ਼ਕਾਂ ਨੂੰ ਆਪਣੇ ਵੱਲ ਖਿੱਚਣ 'ਚ ਸਫਲ ਹੋ ਰਹੀ ਹੈ। ਸਿਰਫ ਰੋਮਾਂਸ ਹੀ ਨਹੀਂ ਸ਼ਾਹਰੁਖ ਹੁਣ ਐਕਸ਼ਨ ਦੇ ਵੀ ਬਾਦਸ਼ਾਹ ਬਣ ਗਏ ਹਨ। 'ਜਵਾਨ' ਤੋਂ ਪਹਿਲਾਂ ਉਸ ਨੇ 'ਪਠਾਨ' 'ਚ ਧਮਾਕੇਦਾਰ ਐਕਸ਼ਨ ਸੀਨ ਫਿਲਮਾਏ ਸਨ।

'ਜਵਾਨ' ਨੂੰ ਰਿਲੀਜ਼ ਹੋਏ 10 ਦਿਨ ਹੋ ਚੁੱਕੇ ਹਨ ਅਤੇ ਇਸ ਨੇ ਜ਼ੋਰ ਫੜਿਆ ਹੋਇਆ ਹੈ। ਘਰੇਲੂ ਬਾਕਸ ਆਫਿਸ 'ਤੇ ਹੀ ਨਹੀਂ ਸਗੋਂ ਦੁਨੀਆ ਭਰ 'ਚ ਵੀ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। 9ਵੇਂ ਦਿਨ ਦੇ ਅਧਿਕਾਰਤ ਅੰਕੜੇ ਆ ਗਏ ਹਨ, ਜਿਸ ਨੂੰ ਦੇਖਦੇ ਹੋਏ ਵੀਕੈਂਡ 'ਚ ਫਿਲਮ ਹੋਰ ਉਚਾਈਆਂ ਨੂੰ ਛੂਹਣ ਜਾ ਰਹੀ ਹੈ।

'ਜਵਾਨ' ਨੇ 9ਵੇਂ ਦਿਨ 735.02 ਕਰੋੜ ਰੁਪਏ ਦੀ ਕੁਲੈਕਸ਼ਨ ਕੀਤੀ ਹੈ। ਸ਼ਨੀਵਾਰ ਅਤੇ ਐਤਵਾਰ ਨੂੰ ਕਲੈਕਸ਼ਨ 'ਚ ਨਿਸ਼ਚਿਤ ਤੌਰ 'ਤੇ ਭਾਰੀ ਉਛਾਲ ਆਉਣ ਵਾਲਾ ਹੈ। ਇਸ ਮਾਮਲੇ 'ਚ 'ਜਵਾਨ' ਨੇ 'ਪਠਾਨ' ਨੂੰ ਪਿੱਛੇ ਛੱਡ ਦਿੱਤਾ ਹੈ। 'ਪਠਾਨ' ਨੇ 9ਵੇਂ ਦਿਨ ਕਰੀਬ 700 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਫਿਲਮ ਦਾ ਵਿਸ਼ਵਵਿਆਪੀ ਕਲੈਕਸ਼ਨ 10ਵੇਂ ਦਿਨ 725 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।
ਫਿਲਮ ਨੇ ਘਰੇਲੂ ਬਾਕਸ ਆਫਿਸ 'ਤੇ 9 ਦਿਨਾਂ 'ਚ 408.55 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ। ਵੀਕਐਂਡ ਤੱਕ ਸਭ ਕੁਝ ਤੈਅ ਹੈ ਪਰ ਅਸਲ ਪ੍ਰੀਖਿਆ ਸੋਮਵਾਰ ਨੂੰ ਹੋਵੇਗੀ।