Shah Rukh Khan: ਸ਼ਾਹਰੁਖ ਖਾਨ ਨੇ ਫਿਰ ਵਧਾਇਆ ਮਾਣ, ਲੰਡਨ ਦੀ ਇਸ ਜਗ੍ਹਾ ਲੱਗੀ ਸ਼ਾਹਰੁਖ-ਕਾਜੋਲ ਦੀ ਮੂਰਤੀ
ਫਿਲਮ "ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ" ਦੇ 30 ਸਾਲ ਪੂਰੇ ਹੋਣ ਤੇ ਪਹੁੰਚੇ ਸੀ ਲੰਡਨ
By : Annie Khokhar
Shah Rukh Khan Kajol Statue In London: ਯਸ਼ ਰਾਜ ਫਿਲਮਜ਼ ਦੀ ਇਤਿਹਾਸਕ ਬਲਾਕਬਸਟਰ "ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ" ਦੀ 30ਵੀਂ ਵਰ੍ਹੇਗੰਢ ਨੂੰ ਮਨਾਉਣ ਲਈ, ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਅਤੇ ਕਾਜੋਲ ਨੇ ਲੰਡਨ ਪਹੁੰਚੇ। ਇੱਥੋਂ ਦੇ ਲੈਸਟਰ ਸਕੁਏਅਰ ਵਿੱਚ ਸ਼ਾਹਰੁਖ ਤੇ ਕਾਜੋਲ ਨੇ ਆਪਣੇ ਯਾਦਗਾਰੀ ਕਿਰਦਾਰ ਰਾਜ ਅਤੇ ਸਿਮਰਨ ਦੇ ਕਾਂਸੀ ਦੇ ਬੁੱਤਾਂ ਦਾ ਉਦਘਾਟਨ ਕੀਤਾ। ਇਹ ਪਹਿਲੀ ਵਾਰ ਹੈ ਜਦੋਂ ਕਿਸੇ ਭਾਰਤੀ ਫਿਲਮ ਨੂੰ ਲੈਸਟਰ ਸਕੁਏਅਰ ਵਿੱਚ ਇੱਕ ਬੁੱਤ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।
"ਬਾਲੀਵੁੱਡ ਦੇ ਕਿੰਗ" ਸ਼ਾਹਰੁਖ ਖਾਨ ਅਤੇ ਕਾਜੋਲ ਦੁਆਰਾ ਲਾਂਚ ਕੀਤਾ ਗਿਆ, ਇਹ ਬੁੱਤ ਫਿਲਮ ਦੇ ਮੁੱਖ ਕਿਰਦਾਰਾਂ, ਰਾਜ ਅਤੇ ਸਿਮਰਨ ਨੂੰ ਉਨ੍ਹਾਂ ਦੇ ਸਿਗਨੇਚਰ ਪੋਜ਼ ਵਿੱਚ ਦਰਸਾਉਂਦਾ ਹੈ। ਇਹ ਪਿਛਲੇ 30 ਸਾਲਾਂ ਵਿੱਚ ਦੱਖਣੀ ਏਸ਼ੀਆਈ ਭਾਈਚਾਰਿਆਂ 'ਤੇ ਫਿਲਮ ਦੇ ਡੂੰਘੇ ਸੱਭਿਆਚਾਰਕ ਪ੍ਰਭਾਵ ਦਾ ਜਸ਼ਨ ਮਨਾਉਂਦਾ ਹੈ।
>
ਇਹ ਬੁੱਤ, ਜੋ ਲੈਸਟਰ ਸਕੁਏਅਰ ਦੇ ਮਸ਼ਹੂਰ "ਸੀਨਜ਼ ਇਨ ਦ ਸਕੁਏਅਰ" ਟ੍ਰੇਲ ਵਿੱਚ ਸ਼ਾਮਲ ਹੋਵੇਗਾ, ਦਾ ਉਦਘਾਟਨ ਦੋਵੇਂ ਬਾਲੀਵੁੱਡ ਸਿਤਾਰਿਆਂ, ਯਸ਼ ਰਾਜ ਫਿਲਮਜ਼ ਦੇ ਸੀਈਓ ਅਕਸ਼ੈ ਵਿਧੀ ਅਤੇ ਹਾਰਟ ਆਫ ਲੰਡਨ ਬਿਜ਼ਨਸ ਅਲਾਇੰਸ ਦੇ ਮੁੱਖ ਕਾਰਜਕਾਰੀ ਰੋਜ਼ ਮੋਰਗਨ ਦੀ ਮੌਜੂਦਗੀ ਵਿੱਚ ਕੀਤਾ ਗਿਆ। ਇਸ ਸਮਾਗਮ ਨੇ ਭਾਰਤ ਅਤੇ ਯੂਕੇ ਵਿਚਕਾਰ ਡੂੰਘੇ ਸੱਭਿਆਚਾਰਕ ਸਬੰਧਾਂ ਦਾ ਵੀ ਜਸ਼ਨ ਮਨਾਇਆ।
