ਏਲੋਨ ਮਸਕ ਹਰ ਮਿੰਟ ਕਮਾਉਂਦਾ ਹੈ 61.3 ਕਰੋੜ ਰੁਪਏ

ਨਵੀਂ ਦਿੱਲੀ : Elon Musk Networth : ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਐਲੋਨ ਮਸਕ ਨੇ ਇਸ ਸਾਲ ਹੁਣ ਤੱਕ 102 ਬਿਲੀਅਨ ਡਾਲਰ ਦੀ ਕਮਾਈ ਕੀਤੀ ਹੈ। ਟੇਸਲਾ ਦੇ ਸੀਈਓ ਐਲੋਨ ਮਸਕ ਮਾਈਕਰੋ ਬਲੌਗਿੰਗ ਕੰਪਨੀ ਐਕਸ (ਪਹਿਲਾਂ ਟਵਿੱਟਰ) ਦਾ ਵੀ ਮਾਲਕ ਹੈ ਅਤੇ ਇੱਕ ਹੋਰ ਕੰਪਨੀ ਸਪੇਸਐਕਸ ਹੈ। ਮਸਕ ਦੀ ਚਰਚਾ ਅੱਜ ਇਸ ਲਈ ਹੋ ਰਹੀ ਹੈ ਕਿਉਂਕਿ ਵੀਰਵਾਰ ਨੂੰ ਇਕ ਦਿਨ 'ਚ ਉਨ੍ਹਾਂ ਦੀ ਸੰਪੱਤੀ 'ਚ 10.6 ਅਰਬ ਡਾਲਰ ਦਾ ਵਾਧਾ ਹੋਇਆ ਹੈ। ਜੇਕਰ ਭਾਰਤੀ ਰੁਪਏ 'ਚ ਗੱਲ ਕਰੀਏ ਤਾਂ ਪਿਛਲੇ 24 ਘੰਟਿਆਂ 'ਚ ਐਲੋਨ ਮਸਕ ਦੀ ਜਾਇਦਾਦ 'ਚ ਹਰ ਮਿੰਟ 61.3 ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ।

ਇੱਕ ਦਿਨ ਵਿੱਚ 88205.94 ਕਰੋੜ ਰੁਪਏ ਦੀ ਕਮਾਈ

ਬਲੂਮਬਰਗ ਬਿਲੀਨੇਅਰਜ਼ ਇੰਡੈਕਸ ਦੇ ਅਨੁਸਾਰ, ਐਲੋਨ ਮਸਕ ਦੀ ਕੁੱਲ ਜਾਇਦਾਦ ਹੁਣ $239 ਬਿਲੀਅਨ ਹੈ। ਵੀਰਵਾਰ ਨੂੰ ਉਸਨੇ 10.6 ਬਿਲੀਅਨ ਡਾਲਰ ਦਾ ਮੁਨਾਫਾ ਕਮਾਇਆ। 10.6 ਬਿਲੀਅਨ ਡਾਲਰ ਯਾਨੀ 1060 ਕਰੋੜ ਡਾਲਰ। ਜੇਕਰ ਅਸੀਂ ਇਸ ਨੂੰ 83.21 ਰੁਪਏ ਪ੍ਰਤੀ ਡਾਲਰ ਦੀ ਦਰ ਨਾਲ ਵੇਖੀਏ, ਤਾਂ ਇਹ ਰਕਮ ਭਾਰਤੀ ਰੁਪਏ ਵਿੱਚ 88205.94 ਕਰੋੜ ਰੁਪਏ ਬਣਦੀ ਹੈ। ਜੇਕਰ ਅਸੀਂ ਇਸਨੂੰ 24X60 ਨਾਲ ਵੰਡੀਏ ਤਾਂ ਇਹ ਰਕਮ 61.25 ਕਰੋੜ ਰੁਪਏ ਹੋਵੇਗੀ।ਯਾਨੀ ਪਿਛਲੇ 24 ਘੰਟਿਆਂ 'ਚ ਐਲੋਨ ਮਸਕ ਨੇ ਹਰ ਮਿੰਟ 61.3 ਕਰੋੜ ਰੁਪਏ ਕਮਾਏ ਹਨ।