ਚੋਣਾਂ : ਮਹੂਆ ਮੋਇਤਰਾ ਨੂੰ ਸ਼ਾਹੀ ਪਰਿਵਾਰ ਦੀ ਰਾਣੀ ਮਾਂ ਦੇਵੇਗੀ ਟੱਕਰ

ਕੋਲਕਾਤਾ : ਐਤਵਾਰ ਨੂੰ ਭਾਜਪਾ ਨੇ ਆਮ ਚੋਣਾਂ ਲਈ ਉਮੀਦਵਾਰਾਂ ਦੀ ਆਪਣੀ ਪੰਜਵੀਂ ਸੂਚੀ ਜਾਰੀ ਕੀਤੀ। ਇਸ ਵਿੱਚ 111 ਉਮੀਦਵਾਰਾਂ ਦੇ ਨਾਂ ਸ਼ਾਮਲ ਹਨ। ਇਸ ਦੇ ਨਾਲ ਪਾਰਟੀ ਨੇ 402 ਉਮੀਦਵਾਰ ਖੜ੍ਹੇ ਕੀਤੇ ਹਨ। ਭਾਜਪਾ ਨੇ ਸ਼ਾਹੀ ਪਰਿਵਾਰ ਦੀ ਰਾਣੀ ਮਾਂ ਅੰਮ੍ਰਿਤਾ ਰਾਏ ਨੂੰ ਪੱਛਮੀ ਬੰਗਾਲ ਦੀ ਕ੍ਰਿਸ਼ਨਾਨਗਰ ਸੀਟ ਤੋਂ ਉਮੀਦਵਾਰ ਬਣਾਇਆ ਹੈ। ਰਾਏ ਦਾ ਸਾਹਮਣਾ ਟੀਐਮਸੀ ਦੇ ਸ਼ਕਤੀਸ਼ਾਲੀ ਨੇਤਾ ਅਤੇ ਮੁਅੱਤਲ ਲੋਕ ਸਭਾ ਮੈਂਬਰ ਮਹੂਆ ਮੋਇਤਰਾ ਨਾਲ ਹੋਵੇਗਾ।

ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਪੱਛਮੀ ਬੰਗਾਲ ਦੇ ਕ੍ਰਿਸ਼ਨਾਨਗਰ ਹਲਕੇ ਤੋਂ ਤ੍ਰਿਣਮੂਲ ਕਾਂਗਰਸ ਦੀ ਆਗੂ ਮਹੂਆ ਮੋਇਤਰਾ ਵਿਰੁੱਧ ‘ਰਾਜਮਾਤਾ’ (ਮਹਾਰਾਣੀ ਮਾਂ) ਅੰਮ੍ਰਿਤਾ ਰਾਏ ਨੂੰ ਮੈਦਾਨ ਵਿੱਚ ਉਤਾਰਨ ਦੇ ਭਾਜਪਾ ਦੇ ਫੈਸਲੇ ਨੂੰ ਟਰੰਪ ਕਾਰਡ ਵਜੋਂ ਦੇਖਿਆ ਜਾ ਰਿਹਾ ਹੈ। ਐਤਵਾਰ ਨੂੰ ਭਾਜਪਾ ਨੇ ਆਪਣੇ ਉਮੀਦਵਾਰਾਂ ਦੀ ਪੰਜਵੀਂ ਸੂਚੀ ਵਿੱਚ ਅੰਮ੍ਰਿਤਾ ਰਾਏ ਦੇ ਨਾਂ ਦਾ ਐਲਾਨ ਕੀਤਾ। ਸ਼ਾਹੀ ਪਰਿਵਾਰ ਦੀ ਰਾਣੀ ਮਾਂ ਪਿਛਲੇ ਹਫ਼ਤੇ ਹੀ ਪਾਰਟੀ ਵਿੱਚ ਸ਼ਾਮਲ ਹੋਈ ਸੀ।

ਅੰਮ੍ਰਿਤਾ ਰਾਏ ਕ੍ਰਿਸ਼ਨਾਨਗਰ ਦੀ 'ਰਾਜਬਾੜੀ' ਦੀ ਰਾਣੀ ਮਾਂ ਹੈ। ਉਹ ਕ੍ਰਿਸ਼ਨਾਨਗਰ ਦੀ ਰਹਿਣ ਵਾਲੀ ਹੈ, ਜਿਸ ਉੱਤੇ 18ਵੀਂ ਸਦੀ ਵਿੱਚ ਮਹਾਰਾਜਾ ਕ੍ਰਿਸ਼ਨ ਚੰਦਰ ਰਾਏ ਨੇ ਸ਼ਾਸਨ ਕੀਤਾ ਸੀ।