ਟੋਰਾਂਟੋ ’ਚ ਸਿਰਫਿਰੇ ਡਰਾਈਵਰ ਨੇ 3 ਜਣਿਆਂ ਨੂੰ ਜਾਣ-ਬੁੱਝ ਕੇ ਮਾਰੀ ਟੱਕਰ, 1 ਹਲਾਕ
ਟੋਰਾਂਟੋ, 16 ਨਵੰਬਰ (ਵਿਸ਼ੇਸ਼ ਪ੍ਰਤੀਨਿਧ) : ਮੁਸਲਮਾਨ ਪਰਵਾਰ ਨੂੰ ਗੱਡੀ ਹੇਠ ਦਰੜ ਕੇ ਮਾਰਨ ਦੀ ਵਾਰਦਾਤ ਨਾਲ ਮਿਲਦੀ ਜੁਲਦੀ ਘਟਨਾ ਤਹਿਤ ਟੋਰਾਂਟੋ ਵਿਖੇ ਇਕ ਸ਼ਖਸ ਨੇ ਜਾਣ-ਬੁੱਝ ਕੇ ਤਿੰਨ ਜਣਿਆਂ ਨੂੰ ਗੱਡੀ ਨਾਲ ਜ਼ੋਰਦਾਰ ਟੱਕਰ ਮਾਰ ਦਿਤੀ ਜਿਸ ਦੇ ਸਿੱਟੇ ਵਜੋਂ ਇਕ ਔਰਤ ਦੀ ਮੌਤ ਹੋ ਗਈ ਜਦਕਿ ਦੋ ਹੋਰ ਜ਼ਖਮੀ ਹੋ ਗਏ। ਗੱਡੀ ਦੇ […]
By : Editor Editor
ਟੋਰਾਂਟੋ, 16 ਨਵੰਬਰ (ਵਿਸ਼ੇਸ਼ ਪ੍ਰਤੀਨਿਧ) : ਮੁਸਲਮਾਨ ਪਰਵਾਰ ਨੂੰ ਗੱਡੀ ਹੇਠ ਦਰੜ ਕੇ ਮਾਰਨ ਦੀ ਵਾਰਦਾਤ ਨਾਲ ਮਿਲਦੀ ਜੁਲਦੀ ਘਟਨਾ ਤਹਿਤ ਟੋਰਾਂਟੋ ਵਿਖੇ ਇਕ ਸ਼ਖਸ ਨੇ ਜਾਣ-ਬੁੱਝ ਕੇ ਤਿੰਨ ਜਣਿਆਂ ਨੂੰ ਗੱਡੀ ਨਾਲ ਜ਼ੋਰਦਾਰ ਟੱਕਰ ਮਾਰ ਦਿਤੀ ਜਿਸ ਦੇ ਸਿੱਟੇ ਵਜੋਂ ਇਕ ਔਰਤ ਦੀ ਮੌਤ ਹੋ ਗਈ ਜਦਕਿ ਦੋ ਹੋਰ ਜ਼ਖਮੀ ਹੋ ਗਏ। ਗੱਡੀ ਦੇ ਡਰਾਈਵਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਪਰ ਕਿਸੇ ਦੀ ਸ਼ਨਾਖਤ ਜਨਤਕ ਨਹੀਂ ਕੀਤੀ ਗਈ।
ਪੁਲਿਸ ਨੇ ਡਰਾਈਵਰ ਨੂੰ ਕੀਤਾ ਗ੍ਰਿਫ਼ਤਾਰ, 2 ਜਣੇ ਹਸਪਤਾਲ ਦਾਖਲ
ਦੂਜੇ ਪਾਸੇ ਇਕ ਮੁਸਲਮਾਨ ਟੈਕਸੀ ਡਰਾਈਵਰ ਦੀਆਂ ਅੱਖਾਂ ’ਤੇ ਖਤਰਨਾਕ ਸਪ੍ਰੇਅ ਕਰਨ ਦਾ ਮਾਮਲਾ ਵੀ ਸਾਹਮਣੇ ਆਇਆ ਹੈ। ਨੌਰਥ ਯਾਰਕ ਦੀ ਵਾਰਦਾਤ ਬਾਰੇ ਡਿਟੈਕਟਿਵ ਸਾਰਜੈਂਟ ਬਰੈਂਡਨ ਪ੍ਰਾਈਸ ਨੇ ਦੱਸਿਆ ਕਿ ਬੁੱਧਵਾਰ ਦੁਪਹਿਰ ਤਕਰੀਬਨ ਪੌਣੇ ਇਕ ਵਜੇ ਵਿਕਟੋਰੀਆ ਐਵੇਨਿਊ ਅਤੇ ਕਸਾਂਡਰਾ ਬੁਲੇਵਾਰਡ ਇਲਾਕੇ ਵਿਚ ਚਾਰ ਜਣਿਆਂ ਨੂੰ ਗੱਡੀ ਨਾਲ ਟੱਕਰ ਮਾਰਨ ਦੀ ਇਤਲਾਹ ਮਿਲੀ ਪਰ ਅਸਲ ਤਿੰਨ ਜਣਿਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਇਨ੍ਹਾਂ ਵਿਚ ਇਕ ਪੁਰਸ਼ ਅਤੇ ਦੋ ਔਰਤਾਂ ਸਨ। ਗੱਡੀ ਦੀ ਟੱਕਰ ਵੱਜਣ ਕਾਰਨ 60-65 ਸਾਲ ਦੀ ਔਰਤ ਦਮ ਤੋੜ ਗਈ ਜਦਕਿ ਇਕ ਬਜ਼ੁਰਗ ਔਰਤ ਅਤੇ ਪੁਰਸ਼ ਨੂੰ ਜ਼ਖਮੀ ਹਾਲਤ ਵਿਚ ਹਸਪਤਾਲ ਲਿਜਾਇਆ ਗਿਆ।
ਮੁਸਲਮਾਨ ਟੈਕਸੀ ਡਰਾਈਵਰ ਦੀਆਂ ਅੱਖਾਂ ’ਚ ਕੀਤਾ ਖਤਰਨਾਕ ਸਪ੍ਰੇਅ
ਬਰੈਂਡਨ ਪ੍ਰਾਈਸ ਨੇ ਕਿਹਾ ਕਿ ਗੱਡੀ ਦਾ ਡਰਾਈਵਰ ਸੰਭਾਵਤ ਤੌਰ ’ਤੇ ਪੀੜਤਾਂ ਨੂੰ ਚੰਗੀ ਤਰ੍ਹਾਂ ਜਾਣਦਾ ਸੀ ਜਿਸ ਦੇ ਮੱਦੇਨਜ਼ਰ ਆਮ ਲੋਕਾਂ ਦੀ ਸੁਰੱਖਿਆ ਵਾਸਤੇ ਕੋਈ ਖਤਰਾ ਪੈਦਾ ਨਹੀਂ ਹੁੰਦਾ।
