ਹਮਾਸ ਦੇ ਇੱਕ ਹੋਰ ਕਮਾਂਡਰ ਦੀ ਮੌਤ

ਤੇਲ ਅਵੀਵ : ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਜੰਗ ਦਰਮਿਆਨ ਇਜ਼ਰਾਈਲ ਦਾ ਰੁਖ ਨਰਮ ਹੁੰਦਾ ਨਜ਼ਰ ਨਹੀਂ ਆ ਰਿਹਾ ਹੈ। ਇਕ ਪਾਸੇ ਮੰਗਲਵਾਰ ਨੂੰ ਇਜ਼ਰਾਈਲ ਦੇ ਵਿਦੇਸ਼ ਮੰਤਰੀ ਨੇ ਚਿਤਾਵਨੀ ਦਿੱਤੀ ਕਿ ਅਸੀਂ ਜੰਗ ਸ਼ੁਰੂ ਨਹੀਂ ਕੀਤੀ ਪਰ ਅਸੀਂ ਪਿੱਛੇ ਨਹੀਂ ਹਟਾਂਗੇ। ਇਸ ਦੌਰਾਨ ਇਜ਼ਰਾਇਲੀ ਰੱਖਿਆ ਬਲ ਨੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਹੈ ਕਿ ਉਸ ਨੇ ਹਮਾਸ ਦੇ ਇਕ ਹੋਰ ਪ੍ਰਮੁੱਖ ਕਮਾਂਡਰ ਅਯਮਨ ਨੋਫਾਲ ਨੂੰ ਖਤਮ ਕਰ ਦਿੱਤਾ ਹੈ। ਨੋਫਾਲ ਗਾਜ਼ਾ ਵਿੱਚ ਹਮਾਸ ਦੀ ਕੇਂਦਰੀ ਬ੍ਰਿਗੇਡ ਦਾ ਕਮਾਂਡਰ ਸੀ ਅਤੇ ਪਹਿਲਾਂ ਮਿਲਟਰੀ ਇੰਟੈਲੀਜੈਂਸ ਦਾ ਮੁਖੀ ਰਹਿ ਚੁੱਕਾ ਹੈ। ਨੋਫਾਲ ਨੇ ਇਜ਼ਰਾਈਲ ਦੇ ਆਮ ਲੋਕਾਂ ਦੇ ਖਿਲਾਫ ਕਈ ਹਮਲੇ ਕੀਤੇ ਸਨ। ਹਮਾਸ ਦਾ ਅਹਿਮ ਚਿਹਰਾ ਹੋਣ ਕਾਰਨ ਉਹ ਅਗਵਾ ਦੀਆਂ ਸਾਜ਼ਿਸ਼ਾਂ ਵਿੱਚ ਵੀ ਸ਼ਾਮਲ ਸੀ। ਇਜ਼ਰਾਇਲੀ ਫੌਜ ਨੇ ਅੱਗੇ ਕਿਹਾ ਹੈ ਕਿ ਉਹ ਹਮਾਸ ਨੂੰ ਖਤਮ ਕਰਨ ਤੋਂ ਪਹਿਲਾਂ ਨਹੀਂ ਰੁਕੇਗੀ।