ਕਾਮਨਵੈਲਥ ਪਾਵਰਲਿਫਟਰ ਅਜੈ ਗੋਗਨਾ ਦਾ ਡਾਲਰਾਂ ਦੇ ਹਾਰ ਪਾ ਕੇ ਵਿਸ਼ੇਸ਼ ਸਨਮਾਨ

ਜਲੰਧਰ, (ਹਮਦਰਦ ਨਿਊਜ਼ ਸਰਵਿਸ) : ਜਲੰਧਰ ਦੇ ਕਸਬਾ ਗੁਰਾਇਆ ਦੇ ਮਿਲਨ ਪੈਲੇਸ ਵਿਖੇ ‘ਪੰਜਾਬ ਸਟੇਟ ਬੈਂਚ ਪ੍ਰੈੱਸ ਪਾਵਰਲਿਫਟਿੰਗ’ ਚੈਂਪੀਅਨਸ਼ਿਪ ਕਰਵਾਈ ਗਈ। ਇਸ ਦੌਰਾਨ ਭੁਲੱਥ ਦੇ ਅੰਤਰਰਾਸ਼ਟਰੀ ਕਾਮਨਵੈਲਥ ਪਾਵਰਲਿਫਟਰ ਅਜੈ ਗੋਗਨਾ ਸਪੁੱਤਰ ਪ੍ਰਵਾਸੀ ਪੱਤਰਕਾਰ ਰਾਜ ਗੋਗਨਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।

ਕਾਮਨਵੈਲਥ ਗੋਲ਼ਡ ਮੈਡਲਿਸਟ ਦਾ ਚੈਂਪੀਅਨਸ਼ਿਪ ਦੇ ਪ੍ਰਬੰਧਕਾਂ ਅਤੇ ਨਾਮੀਂ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪਾਵਰਲਿਫਟਰਾਂ ਅਤੇ ਉਚੇਚੇ ਤੌਰ ’ਤੇ ਪੁੱਜੇ ਇੰਡੀਆ ਪਾਵਰਲਿਫਟਿੰਗ ਦੇ ਉਪ- ਪ੍ਰਧਾਨ ਬਿਸਮ ਪਿਤਾਮਾ ਅਤੇ ਪਾਵਰਲਿਫਟਿੰਗ ਦੇ ਗੁਰੂ ਵਜੋਂ ਜਾਣੇ ਜਾਂਦੇ ਸ੍ਰੀ ਪੂਰਨ ਸਿੰਘ ਵੱਲੋ ਅਜੈ ਗੋਗਨਾ ਦੀ ਖੇਡ ਬਾਰੇ ਅਤੇ ਉਸ ਵੱਲੋਂ ਹਾਸਲ ਕੀਤੀਆਂ ਗਈਆਂ ਪ੍ਰਾਪਤੀਆਂ ਤੋਂ ਸਮੂਹ ਖਿਡਾਰੀਆਂ ਨੂੰ ਜਾਣੂ ਕਰਵਾਉਂਦੇ ਹੋਏ ਪਾਵਰਲਿਫਟਰ ਅਜੈ ਗੋਗਨਾ ਦੀ ਖ਼ੂਬ ਪ੍ਰਸ਼ੰਸਾ ਕੀਤੀ।

ਇਸ ਪੰਜਾਬ ਪੱਧਰ ਦੀ ਹੋਈ ਚੈਪੀਅਨਸ਼ਿਪ ਮੌਕੇ ਅਜੈ ਗੋਗਨਾ ਨੂੰ ਉਹਨਾਂ ਦੀ ਇਕ ਤਸਵੀਰ ਭੇਂਟ ਕੀਤੀ ਗਈ। ਜਿੰਨਾਂ ਵਿੱਚ ਉਹਨਾਂ ਦੀਆਂ ਪ੍ਰਾਪਤੀਆ ਨਸ਼ਰ ਸੰਨ। ਇਸ ਮੌਕੇ ਖਿਡਾਰੀਆਂ ਅਤੇ ਪ੍ਰਬੰਧਕਾਂ ਨੂੰ ਸੰਬੋਧਨ ਕਰਦਿਆਂ ਅੰਤਰਰਾਸ਼ਟਰੀ ਪਾਵਰਲਿਫਟਰ ਅਜੈ ਗੋਗਨਾ ਨੇ ਕਿਹਾ ਕਿ ਖੇਡਾਂ ਨਾਲ ਜੁੜਨਾ ਸਰੀਰਕ ਅਤੇ ਮਾਨਸਿਕ ਪੱਖੋਂ ਮਜ਼ਬੂਤ ਹੋਣਾ ਹੈ। ਖੇਡਾਂ ਨਸ਼ਿਆ ਨੂੰ ਮਾਤ ਪਾਉਣ ਵਿੱਚ ਸਹਾਈ ਹੁੰਦੀਆਂ ਹਨ।ਖੇਡਾਂ ਜ਼ਰੀਏ ਸਾਡੇ ਵਿੱਚ ਆਤਮ ਵਿਸ਼ਵਾਸ ਅਤੇ ਮਿਲਵਰਤਣ ਦੀ ਭਾਵਨਾ ਪੈਦਾ ਹੁੰਦੀ ਹੈ।

ਖਿਡਾਰੀ ਆਪਣੇ ਦੇਸ਼ ਦਾ ਸ਼ਰਮਾਇਆ ਹੁੰਦੇ ਹਨ। ਅਜੈ ਗੋਗਨਾ ਨੇ ਕਿਹਾ ਜਦੋ ਮੈਂ ਵਿਦੇਸ਼ਾ ਵਿੱਚ ਜਾ ਕੇ ਮੈਂ ਜਾ ਕੋਈ ਹੋਰ ਮੇਰਾ ਵੀਰ ਖਿਡਾਰੀ ਆਪਣੇ ਭਾਰਤ ਵਤਨ ਦਾ ਤਿਰੰਗਾ ਹਿੱਕ ਨਾਲ ਲਾ ਕੇ ਸਨਮਾਨ ਲੈਂਦਾ ਹੈ ਤਾਂ ਆਪਣੇ ਦੇਸ਼ ਦਾ ਆਪਣੀ ਜਨਮ ਭੂਮੀ ਅਤੇ ਮਾਤਾ ਪਿਤਾ ਦਾ ਨਾਂ ਰੋਸ਼ਨ ਹੁੰਦਾ ਹੈ। ਜ਼ਿਕਰਯੋਗ ਹੈ ਕਿ ਭੁਲੱਥ ਨਿਵਾਸੀ ਅਜੈ ਗੋਗਨਾ ਕੈਨੇਡਾ, ਜਾਪਾਨ, ਆਸਟ੍ਰੇਲੀਆ, ਦੁਬੱਈ,ਦੇਸ਼ਾਂ ਵਿੱਚ ਖੇਡ ਕੇ ਗੋਲ਼ਡ ਮੈਡਲ ਪ੍ਰਾਪਤ ਕਰਨ ਤੋ ਇਲਾਵਾਂ ਕਾਮਨਵੈਲਥ ਜੇਂਤੂ ਹਨ। ਗੋਗਨਾ ਦੀਆਂ ਪ੍ਰਾਪਤੀਆਂ ਵੱਲ ਜੇ ਝਾਤ ਮਾਰੀ ਜਾਵੇ ਤਾਂ ਉਹ 17 ਵਾਰ ਨੈਸ਼ਨਲ ਅਤੇ 5 ਵਾਰ ਇੰਟਰਨੈਸ਼ਨਲ ਪੱਧਰ ਤੇ ਗੋਲ਼ਡ ਮੈਡਲ, ਅਤੇ 17 ਟਾਇਮ ਨੈਸ਼ਨਲ ਗੋਲ਼ਡ ਮੈਡਲ ਜੇਂਤੂ ਹਨ।