UNSC 'ਚ ਪਾਸ ਕੀਤਾ ਜੰਗਬੰਦੀ ਪ੍ਰਸਤਾਵ, ਅਮਰੀਕਾ 'ਤੇ ਇਜ਼ਰਾਈਲ ਹੋਇਆ ਗੁੱਸਾ

ਵੀਟੋ ਕਿਉਂ ਨਹੀਂ ਕੀਤਾ ਗਿਆ ?
ਤੇਲ ਅਵੀਵ : ਸੋਮਵਾਰ ਨੂੰ ਗਾਜ਼ਾ 'ਚ ਜੰਗਬੰਦੀ ਨੂੰ ਲੈ ਕੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ 'ਚ ਪ੍ਰਸਤਾਵ ਪਾਸ ਕੀਤਾ ਗਿਆ। ਇਜ਼ਰਾਈਲ ਦਾ ਸਦੀਵੀ ਸਹਿਯੋਗੀ ਅਮਰੀਕਾ ਵੋਟਿੰਗ ਦੌਰਾਨ ਗੈਰ ਹਾਜ਼ਰ ਰਿਹਾ। ਵੋਟਿੰਗ ਤੋਂ ਦੂਰ ਰਹਿਣ ਦੇ ਅਮਰੀਕਾ ਦੇ ਫੈਸਲੇ 'ਤੇ ਇਜ਼ਰਾਈਲ ਗੁੱਸੇ 'ਚ ਹੈ। ਇਜ਼ਰਾਈਲ ਚਾਹੁੰਦਾ ਸੀ ਕਿ ਅਮਰੀਕਾ ਇਸ ਪ੍ਰਸਤਾਵ ਨੂੰ ਵੀਟੋ ਕਰੇ। ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਿਹਾ ਕਿ ਅਮਰੀਕਾ ਨੇ ਅੱਜ ਸੰਯੁਕਤ ਰਾਸ਼ਟਰ ਵਿੱਚ ਆਪਣੇ ਸਿਧਾਂਤਾਂ ਨਾਲ ਸਮਝੌਤਾ ਕੀਤਾ।

ਕੁਝ ਦਿਨ ਪਹਿਲਾਂ ਹੀ ਯੂ.ਐਨ.ਐਸ.ਸੀ. ਵਿੱਚ ਅਮਰੀਕਾ ਨੇ ਜੰਗਬੰਦੀ ਬਾਰੇ ਇੱਕ ਮਤੇ ਦਾ ਸਮਰਥਨ ਕੀਤਾ ਸੀ ਜਿਸ ਵਿੱਚ ਜੰਗਬੰਦੀ ਲਈ ਬੰਧਕਾਂ ਦੀ ਰਿਹਾਈ ਦੀ ਗੱਲ ਕੀਤੀ ਗਈ ਸੀ। ਰੂਸ ਅਤੇ ਚੀਨ ਨੇ ਮਿਲ ਕੇ ਇਸ ਪ੍ਰਸਤਾਵ ਨੂੰ ਵੀਟੋ ਕਰ ਦਿੱਤਾ।

ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਨੇ ਕਿਹਾ, ਅੱਜ ਜਦੋਂ ਅਲਜੀਰੀਆ ਅਤੇ ਹੋਰ ਦੇਸ਼ ਮਿਲ ਕੇ ਪ੍ਰਸਤਾਵ ਲੈ ਕੇ ਆਏ ਤਾਂ ਰੂਸ ਅਤੇ ਚੀਨ ਵੀ ਉਨ੍ਹਾਂ ਨਾਲ ਸ਼ਾਮਲ ਹੋਏ। ਜਦਕਿ ਇਸ ਪ੍ਰਸਤਾਵ 'ਚ ਸਿਰਫ ਜੰਗਬੰਦੀ ਦਾ ਜ਼ਿਕਰ ਕੀਤਾ ਗਿਆ ਹੈ। ਬੰਧਕਾਂ ਦੀ ਰਿਹਾਈ ਦੀ ਕੋਈ ਗੱਲ ਨਹੀਂ ਹੈ। ਅਜਿਹੇ 'ਚ ਅਮਰੀਕਾ ਨੂੰ ਵੀਟੋ ਪਾਵਰ ਦੀ ਵਰਤੋਂ ਕਰਨੀ ਚਾਹੀਦੀ ਸੀ। ਅਫ਼ਸੋਸ ਦੀ ਗੱਲ ਹੈ ਕਿ ਅਮਰੀਕਾ ਨੇ ਆਪਣੀ ਨੀਤੀ ਤਿਆਗ ਦਿੱਤੀ ਅਤੇ ਵੋਟਿੰਗ ਤੋਂ ਪਰਹੇਜ਼ ਕੀਤਾ।