ਫਗਵਾੜਾ : ਓਵਰਟੇਕ ਕਰਦੇ ਸਮੇਂ ਨਾਲੇ 'ਚ ਡਿੱਗੀ ਕਾਰ

ਫਗਵਾੜਾ: ਫਗਵਾੜਾ, ਕਪੂਰਥਲਾ 'ਚ ਲੁਧਿਆਣਾ-ਜਲੰਧਰ ਹਾਈਵੇ 'ਤੇ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ (ਐੱਲ. ਪੀ. ਯੂ.) ਨੇੜੇ ਮੰਗਲਵਾਰ ਨੂੰ ਕਾਰ ਗੰਦੇ ਨਾਲੇ 'ਚ ਡਿੱਗ ਗਈ। ਇਸ ਹਾਦਸੇ 'ਚ ਦੋ ਲੋਕ ਜ਼ਖਮੀ ਹੋ ਗਏ ਹਨ। Police ਨੇ ਦੋਵਾਂ ਜ਼ਖਮੀਆਂ ਨੂੰ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਸਿਵਲ ਹਸਪਤਾਲ ਪਹੁੰਚਾਇਆ। ਨਾਲੇ ਵਿੱਚ ਡਿੱਗੀ ਕਾਰ ਹਿਮਾਚਲ ਦੇ ਮੰਡੀ ਜ਼ਿਲ੍ਹੇ ਦੀ ਐਚਪੀ-33ਡੀ-3510 ਨੰਬਰ ਦੀ ਸੀ।

ਮੌਕੇ 'ਤੇ ਮੌਜੂਦ ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਹਾਦਸਾ ਵਾਹਨਾਂ ਨੂੰ ਓਵਰਟੇਕ ਕਰਦੇ ਸਮੇਂ ਵਾਪਰਿਆ । ਓਵਰਟੇਕ ਕਰਦੇ ਸਮੇਂ ਟਰੱਕ ਨੇ ਕਾਰ ਨੂੰ ਆਪਣੀ ਸਾਈਡ ਤੋਂ ਟੱਕਰ ਮਾਰ ਦਿੱਤੀ। ਜਿਸ ਕਾਰਨ ਕਾਰ ਗੰਦੇ ਨਾਲੇ ਵਿੱਚ ਜਾ ਡਿੱਗੀ। ਟਰੱਕ ਡਰਾਈਵਰ ਕਾਰ ਨੂੰ ਸਾਈਡ ਮਾਰਨ ਤੋਂ ਬਾਅਦ ਨਹੀਂ ਰੁਕਿਆ ਸਗੋਂ ਟਰੱਕ ਨੂੰ ਮੌਕੇ ਤੋਂ ਭਜਾ ਕੇ ਫ਼ਰਾਰ ਹੋ ਗਿਆ।