1978 ਚ ਕਤਲ ਕੀਤੀ ਪੀੜਤਾ ਦੀ ਕਈ ਦਹਾਕਿਆਂ ਬਾਅਦ ਹੋਈ ਸ਼ਨਾਖਤ

ਵੈਨਕੂਵਰ, 31 ਮਾਰਚ (ਮਲਕੀਤ ਸਿੰਘ) – ਕੈਨੇਡਾ ਦੇ ਕਿਊਬੈਕ ਸੂਬੇ ਵਿੱਚ ਦਹਾਕਿਆਂ ਪਹਿਲਾਂ ਮਿਲੀ ਇਕ ਕਤਲ ਪੀੜਤਾ ਦੀ ਪਛਾਣ ਹੁਣ ਓਨਟਾਰਿਓ ਦੀ ਲਾਪਤਾ ਮਹਿਲਾ ਵਜੋਂ ਕੀਤੀ ਗਈ ਹੈ।

ਪ੍ਰਾਪਤ ਜਾਣਕਾਰੀ ਮੁਤਾਬਕ ਪਾਮੇਲਾ ਹਾਰਵੇ ਦੇ 1978 ਵਿੱਚ ਗ੍ਰੇਟਰ ਸਡਬਰੀ (ਓਨਟਾਰਿਓ) ਤੋਂ ਲਾਪਤਾ ਹੋਣ ਦੀ ਰਿਪੋਰਟ ਦਰਜ ਕਰਵਾਈ ਗਈ ਸੀ।

ਪੁਲਿਸ ਅਨੁਸਾਰ ਜੈਨੇਟਿਕ ਟੈਸਟਿੰਗ ਦੀ ਮਦਦ ਨਾਲ ਇਹ ਪੁਸ਼ਟੀ ਕੀਤੀ ਗਈ ਹੈ ਕਿ 1979 ਵਿੱਚ ਕਿਊਬੈਕ ਵਿੱਚ ਮਿਲੀ ਕਤਲ ਪੀੜਤਾ ਦਰਅਸਲ ਉਹੀ ਮਹਿਲਾ ਸੀ, ਜੋ ਕੁਝ ਮਹੀਨੇ ਪਹਿਲਾਂ ਲਾਪਤਾ ਹੋਈ ਸੀ।

ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਮਾਮਲਾ ਲੰਬੇ ਸਮੇਂ ਤੱਕ ਅਣਸੁਲਝਿਆ ਰਿਹਾ, ਪਰ ਆਧੁਨਿਕ ਡੀਐਨਏ ਤਕਨਾਲੋਜੀ ਦੀ ਵਰਤੋਂ ਨਾਲ ਹੁਣ ਇਸਦੀ ਪਛਾਣ ਸੰਭਵ ਹੋ ਸਕੀ ਹੈ।

ਫੋਟੋ ਕੈਪਸ਼ਨ: ਦਹਾਕਿਆਂ ਪਹਿਲਾਂ ਲਾਪਤਾ ਹੋਈ ਪਾਮੇਲਾ ਹਾਰਵੇ ਦੀ ਤਸਵੀਰ