Indian Canadian: ਕੈਨੇਡਾ 'ਚ ਰਹਿੰਦਾ ਭਾਰਤੀ ਪਰਿਵਾਰ ਵਿਵਾਦਾਂ 'ਚ, ਗੋਰੇ ਨੇ ਵੀਡੀਓ ਬਣਾ ਕੇ ਸੁਣਾਈਆਂ ਖਰੀਆਂ-ਖਰੀਆਂ
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਛਿੜਿਆ ਵਿਵਾਦ
By : Annie Khokhar
Canadian Man Slams Indian Family For Playing Music On The Beach: ਇੱਕ ਕੈਨੇਡੀਅਨ ਵਿਅਕਤੀ ਨੇ ਸੋਸ਼ਲ ਮੀਡੀਆ 'ਤੇ ਬਹਿਸ ਛੇੜ ਦਿੱਤੀ ਹੈ ਜਦੋਂ ਉਸਨੇ ਇੱਕ ਭਾਰਤੀ ਪਰਿਵਾਰ ਦੀ ਬੀਚ 'ਤੇ ਉੱਚੀ ਆਵਾਜ਼ ਵਿੱਚ ਸੰਗੀਤ ਵਜਾਉਣ ਦੀ ਆਲੋਚਨਾ ਕੀਤੀ ਹੈ। ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਗਈ ਇੱਕ ਵੀਡੀਓ ਵਿੱਚ, @truenorthlooper ਨਾਮ ਨਾਲ ਜਾਣ ਵਾਲੇ ਇਸ ਵਿਅਕਤੀ ਨੇ ਆਪਣੇ ਆਪ ਨੂੰ ਵਨ ਮੈਨ ਬੈਂਡ ਦੱਸਿਆ ਹੈ। ਉਸਨੇ ਦਾਅਵਾ ਕੀਤਾ ਕਿ ਸ਼ਹਿਰ ਦੇ ਅਧਿਕਾਰੀਆਂ ਨੇ ਇੱਕ ਵਾਰ ਉਸਨੂੰ ਬੀਚ 'ਤੇ ਪ੍ਰਦਰਸ਼ਨ ਕਰਨ ਤੋਂ ਰੋਕਿਆ ਸੀ ਅਤੇ ਉਸਨੂੰ ਜੁਰਮਾਨਾ ਵੀ ਲਗਾਇਆ ਸੀ, ਪਰ ਹੁਣ ਉਹ ਦੂਜਿਆਂ ਨੂੰ "ਜੋ ਵੀ ਸੰਗੀਤ ਉਹ ਚਾਹੁੰਦੇ ਹਨ ਵਜਾਉਣ" ਦੀ ਆਗਿਆ ਦੇ ਰਹੇ ਹਨ। ਸ਼ਿਕਾਇਤ ਕਰਦੇ ਹੋਏ, ਉਹ ਇੱਕ ਪਿਕਨਿਕ ਸਪਾਟ ਦੇ ਸਾਹਮਣੇ ਰੁਕ ਗਿਆ ਜਿਸ 'ਤੇ ਬੈਗ ਰੱਖੇ ਹੋਏ ਸਨ ਅਤੇ ਇੱਕ ਸਪੀਕਰ 'ਤੇ ਪੰਜਾਬੀ ਗੀਤ ਚੱਲ ਰਿਹਾ ਸੀ।
ਇਹ ਚੰਗੀ ਗੱਲ ਹੈ ਕਿ ਲੋਕ ਬੀਚ 'ਤੇ ਆ ਕੇ ਜੋ ਉਨ੍ਹਾਂ ਦਾ ਦਿਲ ਕਰਦਾ ਹੈ ਉਹੀ ਕਰਦੇ ਹਨ। ਉਹ ਆਪਣਾ ਮਨਪਸੰਦ ਮਿਊਜ਼ਿਕ ਚਲਾਉਂਦੇ ਹਨ ਅਤੇ ਪਾਗਲਾਂ ਵਾਂਗ ਉੱਚੀ ਆਵਾਜ਼ ਛੱਡਦੇ ਹਨ। ਉਹ ਲੋਕ ਇੱਥੇ ਮੌਜੂਦ ਵੀ ਨਹੀਂ ਹਨ, ਪਰ ਉਹ ਚਾਹੁੰਦੇ ਹਨ ਕਿ ਉਨ੍ਹਾਂ ਦੇ 150 ਫੁੱਟ ਦੇ ਦਾਇਰੇ 'ਚ ਬੈਠੈ ਲੋਕਾਂ ਨੂੰ ਜ਼ਬਰਦਸਤੀ ਉਹ ਸੁਣਨਾ ਪਵੇ (ਉਸ ਨੇ ਵਿਅੰਗਾਤਮਕ ਢੰਗ ਨਾਲ ਇਹ ਕਿਹਾ)। ਉਸਨੇ ਬੀਚ 'ਤੇ ਗਿਟਾਰ ਵਜਾਉਣ ਲਈ ਜੁਰਮਾਨੇ ਲਗਾਉਣ ਲਈ ਅਧਿਕਾਰੀਆਂ ਦੀ ਵੀ ਆਲੋਚਨਾ ਕੀਤੀ।
ਉਸ ਨੇ ਅੱਗੇ ਕਿਹਾ ਕਿ ਰੱਬ ਨਾ ਕਰੇ, ਮੈਂ ਗਿਟਾਰ ਵਜਾ ਕੇ ਪੈਸੇ ਕਮਾਉਂਦਾ ਹਾਂ, ਉਹ ਕਰਨ ਦੀ ਇਜਾਜ਼ਤ ਨਹੀਂ ਹੈ। ਪਰ ਦੂਜੇ ਲੋਕਾਂ ਲਈ ਅਸੂਲ ਹੋਰ ਹਨ। ਉਹ ਬੀਚ 'ਤੇ ਆਉਂਦੇ ਹਨ ਅਤੇ ਉੱਚੀ ਆਵਾਜ਼ 'ਚ ਗਾਣੇ ਚਲਾਕੇ ਇੱਧਰ-ਉੱਧਰ ਚਲੇ ਜਾਂਦੇ ਹਨ, ਉਹ ਇਹ ਗਾਣੇ ਚਲਾ ਕੇ ਇੱਥੋਂ ਚਲੇ ਗਏ, ਉਨ੍ਹਾਂ ਨੂੂੰ ਗਾਣੇ ਸੁਣ ਵੀ ਨਹੀਂ ਰਹੇ, ਪਰ ਦੂਜਿਆਂ ਦੀ ਮਜਬੂਰੀ ਹੈ ਕਿ ਉਹ ਇਹ ਗਾਣੇ ਸੁਣਨ।
ਵੀਡੀਓ ਨੂੰ ਅਸਲ ਵਿੱਚ "ਬੈਰੀ ਸ਼ਹਿਰ ਦਾ ਚੰਗਾ, ਮਾੜਾ ਅਤੇ ਬਦਸੂਰਤ ਸੱਚ" ਸਿਰਲੇਖ ਨਾਲ ਸਾਂਝਾ ਕੀਤਾ ਗਿਆ ਸੀ। ਇੱਕ ਕੈਨੇਡੀਅਨ ਇੰਸਟਾਗ੍ਰਾਮ ਪੇਜ ਦੁਆਰਾ ਇਸਨੂੰ ਸਾਂਝਾ ਕਰਨ ਤੋਂ ਬਾਅਦ ਇਹ ਦੁਬਾਰਾ ਸਾਹਮਣੇ ਆਇਆ।
ਕਮੈਂਟ ਸੈਕਸ਼ਨ ਵਿੱਚ, ਉਪਭੋਗਤਾਵਾਂ ਦੀਆਂ ਮਿਲੀਆਂ-ਜੁਲੀਆਂ ਪ੍ਰਤੀਕਿਰਿਆਵਾਂ ਸਨ। ਕੁਝ ਉਸ ਨਾਲ ਸਹਿਮਤ ਸਨ, ਜਦਕਿ ਹੋਰ ਲੋਕਾਂ ਨੇ ਉਸਨੂੰ ਦੂਜਿਆਂ ਨਾਲ ਨਫ਼ਰਤ ਕਰਨਾ ਬੰਦ ਕਰਨ ਲਈ ਕਿਹਾ।
ਕਈ ਲੋਕਾਂ ਨੇ ਕਮੈਂਟ ਕਰਕੇ ਇਸ ਸ਼ਖ਼ਸ ਦੀ ਕਲਾਸ ਵੀ ਲਾਈ। ਇੱਕ ਯੂਜ਼ਰ ਨੇ ਲਿਖਿਆ, "ਜ਼ਿੰਦਗੀ ਇੰਨੀ ਲੰਬੀ ਨਹੀਂ ਹੈ ਕਿ ਕਿਸੇ ਨਾਲ ਨਫ਼ਰਤ ਜਾਂ ਈਰਖਾ ਕੀਤੀ ਜਾ ਸਕੇ... ਬਸ ਆਪਣੀ ਜ਼ਿੰਦਗੀ ਦੇ ਹਰ ਪਲ ਦਾ ਆਨੰਦ ਮਾਣੋ... ਜੀਓ ਅਤੇ ਜੀਣ ਦਿਓ।"
ਇੱਕ ਹੋਰ ਸ਼ਖ਼ਸ ਨੇ ਕਮੈਂਟ ਕੀਤਾ, "ਯਾਰ ਇਹ ਬਿਲਕੁਲ ਹਾਸੋਹੀਣਾ ਹੈ, ਮੈਨੂੰ ਲੱਗਦਾ ਹੈ ਕਿ ਅਜਿਹਾ ਕਰਨਾ ਬਿਲਕੁਲ ਠੀਕ ਹੈ। ਅੱਜਕੱਲ੍ਹ ਲੋਕ ਬਿਨਾਂ ਕਿਸੇ ਕਾਰਨ ਦੇ ਸੀਨ ਕ੍ਰਿਏਟ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ, ਸਿਰਫ਼ ਪ੍ਰਵਾਸੀਆਂ ਨੂੰ ਨੀਵਾਂ ਦਿਖਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਪਿਛਲੇ ਹਫ਼ਤੇ ਮੈਂ ਬੀਚ 'ਤੇ ਗਿਆ ਸੀ ਅਤੇ ਹਰ ਜਗ੍ਹਾ ਅੰਗਰੇਜ਼ੀ ਸੰਗੀਤ ਚੱਲ ਰਿਹਾ ਸੀ, ਪਰ ਅੰਦਾਜ਼ਾ ਲਗਾਓ ਕੀ, ਮੈਂ ਕਿਸੇ ਦੀ ਨਿੰਦਾ ਨਹੀਂ ਕੀਤੀ ਅਤੇ ਸਿਰਫ਼ ਆਪਣੇ ਕੰਮ ਨੂੰ ਧਿਆਨ ਵਿੱਚ ਰੱਖਿਆ।"
