ਪੰਜਾਬ ਵਿਚ ਬਾਰਸ਼ ਕਾਰਨ ਬਦਲਿਆ ਮੌਸਮ, ਪੜ੍ਹੋ ਅੱਜ ਦਾ ਹਾਲ

ਪੰਜਾਬ 'ਚ ਮੀਂਹ ਤੋਂ ਬਾਅਦ ਤਾਪਮਾਨ ‘ਚ 6.5 ਡਿਗਰੀ ਦੀ ਗਿਰਾਵਟ, 16 ਅਪ੍ਰੈਲ ਤੋਂ ਗਰਮੀ ਦੀ ਲਹਿਰ ਦੀ ਚੇਤਾਵਨੀ

ਪਿਛਲੇ 24 ਘੰਟਿਆਂ ਦੌਰਾਨ ਪੰਜਾਬ ਦੇ ਕਈ ਹਿੱਸਿਆਂ ਵਿੱਚ ਹਲਕਾ ਮੀਂਹ ਅਤੇ ਬੱਦਲਵਾਈ ਮੌਸਮ ਰਿਹਾ, ਜਿਸ ਕਾਰਨ ਤਾਪਮਾਨ 'ਚ ਔਸਤ 6.5 ਡਿਗਰੀ ਸੈਲਸੀਅਸ ਦੀ ਕਮੀ ਦਰਜ ਕੀਤੀ ਗਈ। ਇਹ ਤਾਪਮਾਨ ਆਮ ਤੋਂ 2.7 ਡਿਗਰੀ ਘੱਟ ਰਿਹਾ।

ਦਿੱਲੀ 'ਚ ਮੌਸਮ ਖਰਾਬ ਹੋਣ ਕਾਰਨ ਘੱਟੋ-ਘੱਟ 7 ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਨੂੰ ਅੰਮ੍ਰਿਤਸਰ ਵੱਲ ਮੋੜਿਆ ਗਿਆ। ਇਨ੍ਹਾਂ ਵਿੱਚ ਕਾਠਮੰਡੂ, ਭੁਜ, ਕੋਚੀਨ, ਮੁੰਬਈ, ਬੈਂਕਾਕ ਆਦਿ ਸ਼ਹਿਰਾਂ ਤੋਂ ਆ ਰਹੀਆਂ ਉਡਾਣਾਂ ਸ਼ਾਮਲ ਹਨ।

ਮੌਸਮ ਵਿਭਾਗ ਅਨੁਸਾਰ:

ਅੱਜ ਵੀ ਕਈ ਜ਼ਿਲ੍ਹਿਆਂ ਵਿੱਚ ਮੀਂਹ ਪੈ ਸਕਦਾ ਹੈ।

ਮੋਹਾਲੀ ਛੱਡ ਕੇ, ਵਧੇਰੇ ਸ਼ਹਿਰਾਂ ‘ਚ ਹਲਕਾ ਮੀਂਹ ਅਤੇ ਤੇਜ਼ ਹਵਾਵਾਂ ਦੀ ਸੰਭਾਵਨਾ।

ਸਭ ਤੋਂ ਘੱਟ ਤਾਪਮਾਨ ਥੀਨ ਡੈਮ (ਪਠਾਨਕੋਟ) 'ਚ 16.7°C ਰਿਹਾ।

16 ਅਪ੍ਰੈਲ ਤੋਂ ਹੋਵੇਗੀ ਗਰਮੀ ਦੀ ਵਾਪਸੀ

ਮੌਸਮ ਵਿਭਾਗ ਨੇ 16 ਅਪ੍ਰੈਲ ਤੋਂ ਪੰਜਾਬ 'ਚ ਗਰਮੀ ਦੀ ਲਹਿਰ ਦੀ ਚੇਤਾਵਨੀ ਜਾਰੀ ਕੀਤੀ ਹੈ। ਪੀਲੇ ਅਲਰਟ ਹੇਠਾਂ ਕਿਹਾ ਗਿਆ ਹੈ ਕਿ ਜ਼ਿਆਦਾਤਰ ਸ਼ਹਿਰਾਂ ਵਿੱਚ ਤਾਪਮਾਨ 40 ਡਿਗਰੀ ਤੋਂ ਵੱਧ ਜਾਣ ਦੀ ਉਮੀਦ ਹੈ।

ਅੱਜ ਦੇ ਕੁਝ ਪ੍ਰਮੁੱਖ ਸ਼ਹਿਰਾਂ ਦਾ ਤਾਪਮਾਨ:

ਅੰਮ੍ਰਿਤਸਰ: 21°C – 37°C | ਮੀਂਹ ਦੀ ਸੰਭਾਵਨਾ

ਜਲੰਧਰ: 21°C – 36°C | ਮੀਂਹ ਅਤੇ ਹਵਾਵਾਂ

ਲੁਧਿਆਣਾ: 22°C – 37°C | ਮੀਂਹ ਅਤੇ ਹਵਾਵਾਂ

ਪਟਿਆਲਾ: 23°C – 40°C | ਮੀਂਹ ਅਤੇ ਹਵਾਵਾਂ

ਮੋਹਾਲੀ: 23°C – 37°C | ਅਸਮਾਨ ਸਾਫ਼