War Breaking - ਸਾਡੀਆਂ ਉਂਗਲਾਂ ਹੁਣ ਟਰਿੱਗਰ 'ਤੇ ਹਨ: ਇਸ ਧਿਰ ਨੇ America ਅਤੇ ਇਜ਼ਰਾਈਲ ਵਿਰੁੱਧ ਜੰਗ ਦਾ ਕੀਤਾ ਐਲਾਨ

ਸਨਾ, 28 ਮਾਰਚ: ਮੱਧ ਪੂਰਬ (Middle East) ਵਿੱਚ ਵਧਦੇ ਹੋਏ ਤਣਾਅ ਦੇ ਵਿਚਕਾਰ ਯਮਨ ਦੇ ਈਰਾਨ-ਸਮਰਥਿਤ ਹੂਤੀ (Houthi) ਸਮੂਹ ਨੇ ਹੁਣ ਸਿੱਧੇ ਤੌਰ 'ਤੇ ਜੰਗ ਵਿੱਚ ਕੁੱਦਣ ਦੀ ਤਿਆਰੀ ਕਰ ਲਈ ਹੈ। ਇੱਕ ਟੀਵੀ ਪ੍ਰੋਗਰਾਮ ਦੌਰਾਨ ਹੂਤੀ ਮਿਲਟਰੀ ਸਪੋਕਸਪਰਸਨ (Military Spokesperson) ਯਾਹੀਆ ਸਾਰੀ ਨੇ ਬੇਹੱਦ ਹਮਲਾਵਰ ਰੁਖ਼ ਅਖਤਿਆਰ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀਆਂ ਉਂਗਲਾਂ ਹੁਣ ਟਰਿੱਗਰ 'ਤੇ ਹਨ ਅਤੇ ਉਹ ਅਮਰੀਕਾ ਤੇ ਇਜ਼ਰਾਈਲ ਵਿਰੁੱਧ ਲੜਾਈ ਵਿੱਚ ਈਰਾਨ ਦਾ ਪੂਰਾ ਸਮਰਥਨ ਕਰਨਗੇ।

ਉਨ੍ਹਾਂ ਚੇਤਾਵਨੀ ਦਿੱਤੀ ਕਿ ਜੇਕਰ ਲਾਲ ਸਾਗਰ (Red Sea) ਦੀ ਵਰਤੋਂ ਈਰਾਨ ਜਾਂ ਉਸਦੇ ਸਹਿਯੋਗੀਆਂ ਵਿਰੁੱਧ ਕਿਸੇ ਵੀ ਹਮਲੇ ਲਈ ਕੀਤੀ ਗਈ, ਤਾਂ ਹੂਤੀ ਸਮੂਹ ਡਾਇਰੈਕਟ ਮਿਲਟਰੀ ਇੰਟਰਵੈਂਸ਼ਨ (Direct Military Intervention) ਯਾਨੀ ਸਿੱਧੀ ਫੌਜੀ ਦਖਲਅੰਦਾਜ਼ੀ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਹੂਤੀ ਨੇਤਾ ਅਬਦੁਲ ਮਲਿਕ ਅਲ-ਹੂਤੀ ਨੇ ਵੀ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਇਸ ਟਕਰਾਅ ਵਿੱਚ ਨਿਰਪੱਖ (Neutral) ਨਹੀਂ ਰਹਿਣਗੇ ਅਤੇ ਈਰਾਨ 'ਤੇ ਹੋਣ ਵਾਲੇ ਕਿਸੇ ਵੀ ਹਮਲੇ ਦਾ ਬਦਲਾ ਵਫ਼ਾਦਾਰੀ ਨਾਲ ਲਿਆ ਜਾਵੇਗਾ।

ਹੂਤੀ ਬਾਗ਼ੀਆਂ ਦੇ ਇਸ ਐਲਾਨ ਨਾਲ ਸਭ ਤੋਂ ਵੱਡਾ ਖ਼ਤਰਾ ਬਾਬ ਅਲ-ਮੰਡੇਬ (Bab al-Mandab) ਜਲਡਮਰੂ 'ਤੇ ਮੰਡਰਾ ਰਿਹਾ ਹੈ, ਜੋ ਕਿ ਇੱਕ ਬਹੁਤ ਹੀ ਮਹੱਤਵਪੂਰਨ ਸਟ੍ਰੈਟੇਜਿਕ ਲੋਕੇਸ਼ਨ (Strategic Location) ਹੈ। ਇਹ ਜਲਡਮਰੂ ਲਾਲ ਸਾਗਰ ਨੂੰ ਅਰਬ ਸਾਗਰ ਨਾਲ ਜੋੜਦਾ ਹੈ ਅਤੇ ਗਲੋਬਲ ਟ੍ਰੇਡ (Global Trade) ਦਾ ਲਗਭਗ 12 ਫੀਸਦੀ ਹਿੱਸਾ ਇਸੇ ਰਸਤੇ ਰਾਹੀਂ ਲੰਘਦਾ ਹੈ। ਏਸ਼ੀਆ ਤੋਂ ਯੂਰਪ ਜਾਣ ਵਾਲੇ ਜਹਾਜ਼ਾਂ ਲਈ ਇਹ ਰੂਟ ਬੇਹੱਦ ਅਹਿਮ ਹੈ। ਜਿਸ ਤਰ੍ਹਾਂ ਪੂਰਬ ਵਿੱਚ ਹੋਰਮੁਜ਼ (Hormuz) ਜਲਡਮਰੂ ਈਰਾਨ ਲਈ ਇੱਕ ਤਾਕਤਵਰ ਹਥਿਆਰ ਹੈ, ਉਸੇ ਤਰ੍ਹਾਂ ਪੱਛਮ ਵਿੱਚ ਬਾਬ ਅਲ-ਮੰਡੇਬ ਹੂਤੀ ਵਿਦਰੋਹੀਆਂ ਨੂੰ ਮਜ਼ਬੂਤ ਸਥਿਤੀ ਪ੍ਰਦਾਨ ਕਰਦਾ ਹੈ। ਜੇਕਰ ਇਸ ਸਮੁੰਦਰੀ ਰਸਤੇ ਵਿੱਚ ਕੋਈ ਰੁਕਾਵਟ ਪਾਈ ਜਾਂਦੀ ਹੈ, ਤਾਂ ਵਰਲਡਵਾਈਡ ਸ਼ਿਪਿੰਗ (Worldwide Shipping) ਅਤੇ ਤੇਲ ਦੀ ਸਪਲਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਵੇਗੀ, ਜਿਸ ਨਾਲ ਸੰਸਾਰ ਦੀ ਆਰਥਿਕਤਾ (Economy) ਨੂੰ ਵੱਡਾ ਝਟਕਾ ਲੱਗ ਸਕਦਾ ਹੈ। ਕਾਬਿਲੇਗੌਰ ਹੈ ਕਿ ਗਾਜ਼ਾ ਵਾਰ (Gaza War) ਦੌਰਾਨ ਵੀ ਇਨ੍ਹਾਂ ਬਾਗ਼ੀਆਂ ਨੇ ਇਜ਼ਰਾਈਲੀ ਜਹਾਜ਼ਾਂ 'ਤੇ ਹਮਲੇ ਕਰਕੇ ਵਿਸ਼ਵ ਵਪਾਰ ਨੂੰ ਪ੍ਰਭਾਵਿਤ ਕੀਤਾ ਸੀ ਅਤੇ ਹੁਣ ਉਹ ਦੁਬਾਰਾ ਅਜਿਹੀ ਧਮਕੀ ਦੇ ਰਹੇ ਹਨ।