UPSC Civil Services Exam 2025 results : ਅਨੁਜ ਅਗਨੀਹੋਤਰੀ ਨੇ ਕੀਤਾ ਟਾਪ; ਕੁੱਲ 958 ਉਮੀਦਵਾਰ ਸਫਲ

ਨਵੀਂ ਦਿੱਲੀ: 06 ਮਾਰਚ, 2026

ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ (UPSC) ਨੇ ਸਿਵਲ ਸੇਵਾਵਾਂ ਪ੍ਰੀਖਿਆ (CSE) 2025 ਦਾ ਅੰਤਿਮ ਨਤੀਜਾ ਅੱਜ ਅਧਿਕਾਰਤ ਤੌਰ 'ਤੇ ਜਾਰੀ ਕਰ ਦਿੱਤਾ ਹੈ। ਇਸ ਸਾਲ ਦੀ ਪ੍ਰੀਖਿਆ ਵਿੱਚ ਅਨੁਜ ਅਗਨੀਹੋਤਰੀ ਨੇ ਦੇਸ਼ ਭਰ ਵਿੱਚੋਂ ਪਹਿਲਾ ਸਥਾਨ ਹਾਸਲ ਕਰਕੇ ਮੱਲਾਂ ਮਾਰੀਆਂ ਹਨ। ਦੂਜੇ ਸਥਾਨ 'ਤੇ ਰਾਜੇਸ਼ਵਰੀ ਸੁਵੇ ਐਮ ਅਤੇ ਤੀਜੇ ਸਥਾਨ 'ਤੇ ਅਕਾਂਸ਼ ਢੁੱਲ ਰਹੇ ਹਨ। ਪ੍ਰੀਖਿਆ ਦੇ ਨਤੀਜੇ UPSC ਦੀ ਅਧਿਕਾਰਤ ਵੈੱਬਸਾਈਟ upsc.gov.in 'ਤੇ ਦੇਖੇ ਜਾ ਸਕਦੇ ਹਨ।

ਇਸ ਸਾਲ ਕਮਿਸ਼ਨ ਵੱਲੋਂ ਕੁੱਲ 958 ਉਮੀਦਵਾਰਾਂ ਦੀ ਵੱਖ-ਵੱਖ ਵੱਕਾਰੀ ਸੇਵਾਵਾਂ ਜਿਵੇਂ ਕਿ ਭਾਰਤੀ ਪ੍ਰਸ਼ਾਸਨਿਕ ਸੇਵਾ (IAS), ਭਾਰਤੀ ਪੁਲਿਸ ਸੇਵਾ (IPS), ਅਤੇ ਭਾਰਤੀ ਵਿਦੇਸ਼ ਸੇਵਾ (IFS) ਲਈ ਚੋਣ ਕੀਤੀ ਗਈ ਹੈ। ਨਤੀਜਿਆਂ ਦੀ ਸੂਚੀ ਵਿੱਚ ਪਹਿਲੇ 10 ਸਥਾਨ ਹਾਸਲ ਕਰਨ ਵਾਲੇ ਉਮੀਦਵਾਰਾਂ ਦੇ ਨਾਮ ਹੇਠ ਲਿਖੇ ਅਨੁਸਾਰ ਹਨ:

੧ ਅਨੁਜ ਅਗਨੀਹੋਤਰੀ

2 ਰਾਜੇਸ਼ਵਰੀ ਸੁਵੇ ਐਮ

3 ਅਕਾਂਸ਼ ਢੁੱਲ

4 ਰਾਘਵ ਝੁਨਝੁਨਵਾਲਾ

5 ਈਸ਼ਾਨ ਭਟਨਾਗਰ

6 ਜ਼ਿੰਨੀਆ ਅਰੋੜਾ

7 ਏ ਆਰ ਰਾਜਾ ਮੋਹਿਦੀਨ

8 ਪਾਸੀ

9 ਆਸਥਾ ਜੈਨ

10 ਦੀਪਤੀ ਪ੍ਰਿਯਾਂਕਾ

ਪ੍ਰੀਖਿਆ ਦਾ ਸਫ਼ਰ: ਲਿਖਤੀ (ਮੇਨ) ਪ੍ਰੀਖਿਆ ਅਗਸਤ 2025 ਵਿੱਚ ਹੋਈ ਸੀ, ਜਿਸ ਤੋਂ ਬਾਅਦ ਇੰਟਰਵਿਊ ਦਸੰਬਰ 2025 ਤੋਂ ਫਰਵਰੀ 2026 ਦੇ ਵਿਚਕਾਰ ਚੱਲੇ ਸਨ।

ਅੰਕਾਂ ਦਾ ਵੇਰਵਾ: ਉਮੀਦਵਾਰਾਂ ਦੇ ਵਿਅਕਤੀਗਤ ਅੰਕ ਨਤੀਜਾ ਐਲਾਨੇ ਜਾਣ ਦੇ 15 ਦਿਨਾਂ ਦੇ ਅੰਦਰ ਵੈੱਬਸਾਈਟ 'ਤੇ ਅਪਲੋਡ ਕਰ ਦਿੱਤੇ ਜਾਣਗੇ।

ਨਤੀਜਾ ਦੇਖਣ ਦਾ ਤਰੀਕਾ: ਉਮੀਦਵਾਰ ਵੈੱਬਸਾਈਟ 'ਤੇ ਜਾ ਕੇ PDF ਫਾਈਲ ਡਾਊਨਲੋਡ ਕਰ ਸਕਦੇ ਹਨ ਅਤੇ Ctrl+F ਦੀ ਵਰਤੋਂ ਕਰਕੇ ਆਪਣਾ ਨਾਮ ਜਾਂ ਰੋਲ ਨੰਬਰ ਚੈੱਕ ਕਰ ਸਕਦੇ ਹਨ।

ਕਮਿਸ਼ਨ ਅਨੁਸਾਰ, ਸਾਰੇ ਸਫਲ ਉਮੀਦਵਾਰਾਂ ਨੂੰ ਨਿਯੁਕਤੀ ਅਤੇ ਭਰਤੀ ਪ੍ਰਕਿਰਿਆ ਸੰਬੰਧੀ ਅਗਲੇ ਨਿਰਦੇਸ਼ ਜਲਦੀ ਹੀ ਭੇਜ ਦਿੱਤੇ ਜਾਣਗੇ।