ਗੁਫਾ ਵਿਚ ਰਹਿ ਰਹੀ ਰੂਸੀ ਔਰਤ ਨੇ ਕਿਹਾ, ਸਾਨੂੰ ਗੰਦਗੀ ਵਿੱਚ ਸੁੱਟ ਦਿੱਤਾ

"ਇਹ ਸਭ ਝੂਠ ਹੈ, ": ਗੁਫਾ ਤੋਂ ਕੱਢੀ ਗਈ ਰੂਸੀ ਔਰਤ ਨੀਨਾ ਕੁਟੀਨਾ ਨੇ ਜਤਾਇਆ ਗੁੱਸਾ

ਕਰਨਾਟਕ ਦੇ ਗੋਕਰਨ ਵਿਖੇ ਇਕ ਗੁਫਾ ਵਿਚ ਰਹਿ ਰਹੀ ਰੂਸੀ ਔਰਤ ਨੀਨਾ ਕੁਟੀਨਾ ਨੂੰ ਉਸਦੇ ਪਰਿਵਾਰ ਸਮੇਤ ਬਾਹਰ ਕੱਢੇ ਜਾਣ ਤੋਂ ਬਾਅਦ ਉਸਨੇ ਕਈ ਸਖਤ ਬਿਆਨ ਦਿੰਦੇ ਹੋਏ ਆਪਣਾ ਗੁੱਸਾ ਪ੍ਰਗਟਾਇਆ ਹੈ। ਨੀਨਾ ਨੇ ਦਾਅਵਾ ਕੀਤਾ ਕਿ ਟੀਵੀ ਅਤੇ ਮੀਡੀਆ ਵਿੱਚ ਉਸਦੀ ਜ਼ਿੰਦਗੀ ਬਾਰੇ ਗਲਤ ਜਾਣਕਾਰੀ ਦੱਸੀ ਜਾ ਰਹੀ ਹੈ ਅਤੇ ਜੋ ਵੀ ਦਿਖਾਇਆ ਜਾ ਰਿਹਾ ਹੈ, ਉਹ “ਸਭ ਝੂਠ ਹੈ”।

ਉਸਨੇ ਕਿਹਾ ਕਿ "ਸਾਡੀ ਜ਼ਿੰਦਗੀ ਬਹੁਤ ਸਾਫ਼ ਤੇ ਖੁਸ਼ਹਾਲ ਸੀ। ਮੈਂ ਆਪਣੀਆਂ ਧੀਆਂ ਨੂੰ ਜੰਗਲ ਵਿੱਚ ਮਰਨ ਲਈ ਨਹੀਂ ਲਿਆਂਦੀ। ਉਹ ਝਰਨੇ ਵਿੱਚ ਤੈਰਦੀਆਂ, ਪੇਂਟਿੰਗ ਸਿੱਖਦੀਆਂ, ਖੁਸ਼ ਰਹਿੰਦੀਆਂ।" ਨੀਨਾ ਮੁਤਾਬਕ, ਉਹ ਖੁਦ ਕਲਾ ਅਤੇ ਰੂਸੀ ਸਾਹਿਤ ਵਿੱਚ ਪੜ੍ਹੀ ਹੋਈ ਹੈ ਅਤੇ ਆਪਣੀਆਂ ਧੀਆਂ ਨੂੰ ਵੀ ਪੜ੍ਹਾਉਂਦੀ ਹੈ।

ਉਸਨੇ ਮੌਜੂਦਾ ਪਰਿਸਥਿਤੀ ਉੱਤੇ ਨਾਅਰਾਜ਼ਗੀ ਜਤਾਉਂਦਿਆਂ ਕਿਹਾ ਕਿ, "ਸਾਨੂੰ ਗੰਦਗੀ ਅਤੇ ਅਣਆਰਾਮਦਾਇਕ ਜਗ੍ਹਾ 'ਤੇ ਰੱਖਿਆ ਗਿਆ ਹੈ, ਜਿੱਥੇ ਸਿਰਫ ਸਾਦੇ ਚੌਲ ਮਿਲਦੇ ਹਨ। ਸਾਡਾ ਬਹੁਤ ਸਾਮਾਨ ਖੋ ਗਿਆ, ਇੱਥੋਂ ਤੱਕ ਕਿ ਸਾਡੇ ਪੁੱਤਰ ਦੀਆਂ ਅਸਥੀਆਂ ਵੀ ਗੁੰਮ ਹੋ ਗਈਆਂ, ਜੋ 9 ਮਹੀਨੇ ਪਹਿਲਾਂ ਮਰਿਆ ਸੀ।"

ਪਤੀ ਡਰੋਰ ਦੀ ਆਪਬੀਤੀ

ਨੀਨਾ ਦੇ ਪਤੀ ਡਰੋਰ ਵੀ ਪਰਿਵਾਰ ਨੂੰ ਮਿਲਣ ਲਈ ਬੰਗਲੁਰੂ ਤੋਂ ਤੁਮਕੁਰੂ ਆਇਆ, ਪਰ ਉਨ੍ਹਾਂ ਨੂੰ ਅੰਦਰ ਜਾਣ ਦੀ ਇਜਾਜ਼ਤ ਨਹੀਂ ਮਿਲੀ। ਡਰੋਰ ਮੁਤਾਬਕ, ਅਧਿਕਾਰੀਆਂ ਨੇ ਉਸ ਨੂੰ FRRO (Foreigners Regional Registration Office) ਤੋਂ ਲਿਖਤੀ ਦਸਤਾਵੇਜ਼ ਲਿਆਉਣ ਦਾ ਹੁਕਮ ਦਿੱਤਾ। ਉਨ੍ਹਾਂ ਦਾ ਕਹਿਣਾ ਸੀ, "ਮੈਨੂੰ ਕੱਲ੍ਹ ਸਵੇਰੇ ਮੁੜ ਆ ਕੇ ਦਫ਼ਤਰ 'ਚ ਗੱਲ ਕਰਣੀ ਪਵੇਗੀ।"

ਨੀਨਾ ਨੇ ਆਪਣੀ ਲਾਈਫ਼ਸਟਾਈਲ ਦਾ ਕੀਤਾ ਬਚਾਅ

ਨੀਨਾ ਕੁਟੀਨਾ ਨੇ ਕਿਹਾ, "ਸਾਨੂੰ ਕੁਦਰਤ ਵਿੱਚ ਰਹਿਣ ਦਾ ਬਹੁਤ ਅਨੁਭਵ ਹੈ। ਅਸੀਂ ਗੁਫਾ ਵਿੱਚ ਖੁਸ਼ ਸੀ। ਮੈਂ ਗੈਸ 'ਤੇ ਭੋਜਨ ਬਣਾਉਂਦੀ ਸੀ, ਜੋ ਸੁਆਦੀ ਹੁੰਦਾ। ਸਾਡੀ ਜ਼ਿੰਦਗੀ ਦੇ ਬਾਰੇ ਜੋ ਵੀ ਮੀਡੀਆ ਦਿਖਾ ਰਿਹਾ ਹੈ, ਉਹ ਸਚ ਨਹੀਂ।"

ਸਾਰ: ਨੀਨਾ ਨੇ ਆਪਣੀ ਜੀਵਨਸ਼ੈਲੀ, ਸੋਚ ਅਤੇ ਮੀਡੀਆ ਰੋਪੋਟਿੰਗ ਉੱਤੇ ਇਤਰਾਜ਼ ਜਤਾਉਂਦੇ ਹੋਏ ਕਿਹਾ ਕਿ ਉਸਦੇ ਪਰਿਵਾਰ ਦੀ ਚੋਣ ਦਾ ਆਦਰ ਕੀਤਾ ਜਾਣਾ ਚਾਹੀਦਾ ਹੈ, ਨਾ ਕਿ ਉਸਨੂੰ ਵਿਵਾਦਤ ਤਰੀਕੇ ਨਾਲ ਪੇਸ਼ ਕੀਤਾ ਜਾਵੇ।