ਅੰਮ੍ਰਿਤਸਰ ਵਾਸੀ ਅਤਿਵਾਦੀ ਉਤਰ ਪ੍ਰਦੇਸ਼ ਵਿਚ ਕਾਬੂ

ਕੌਸ਼ਾਂਬੀ ਵਿੱਚ ਬੱਬਰ ਖਾਲਸਾ ਦਾ ਅੱਤਵਾਦੀ ਗ੍ਰਿਫ਼ਤਾਰ: ISI ਨਾਲ ਸੀ ਸੰਪਰਕ, ਹੈਂਡ ਗ੍ਰਨੇਡ ਅਤੇ ਵਿਸਫੋਟਕ ਬਰਾਮਦ

1. ਗ੍ਰਿਫ਼ਤਾਰੀ ਦੀ ਵੱਡੀ ਕਾਰਵਾਈ:

ਉੱਤਰ ਪ੍ਰਦੇਸ਼ ਦੇ ਕੌਸ਼ਾਂਬੀ 'ਚ ਬੱਬਰ ਖਾਲਸਾ ਇੰਟਰਨੈਸ਼ਨਲ (BKI) ਦੇ ਅੱਤਵਾਦੀ ਲਾਜ਼ਰ ਮਸੀਹ ਨੂੰ ਯੂਪੀ ਐਸਟੀਐਫ ਅਤੇ ਪੰਜਾਬ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ।

ਲਾਜ਼ਰ ਮਸੀਹ ਜਰਮਨੀ 'ਚ ਮੌਜੂਦ ਸਵਰਨ ਸਿੰਘ ਉਰਫ ਜੀਵਨ ਫੌਜੀ (BKI ਮੁਖੀ) ਲਈ ਕੰਮ ਕਰਦਾ ਸੀ।

ਉਹ ਪਾਕਿਸਤਾਨ ਦੀ ISI (Inter-Services Intelligence) ਨਾਲ ਵੀ ਸੰਪਰਕ ਵਿੱਚ ਸੀ।

2. ਗ੍ਰਿਫ਼ਤਾਰੀ ਦੌਰਾਨ ਬਰਾਮਦਗੀ: 3 ਹੈਂਡ ਗ੍ਰਨੇਡ, 2 ਡੈਟੋਨੇਟਰ, 1 ਵਿਦੇਸ਼ੀ ਪਿਸਤੌਲ ਅਤੇ 13 ਕਾਰਤੂਸ।

ਗਾਜ਼ੀਆਬਾਦ ਦਾ ਜਾਲੀ ਆਧਾਰ ਕਾਰਡ ਅਤੇ ਸਿਮ-ਕਾਰਡ ਤੋਂ ਬਿਨਾਂ ਮੋਬਾਈਲ ਫੋਨ।

3. ਅੱਤਵਾਦੀ ਦੀ ਪਿਛੋਕੜ:

ਲਾਜ਼ਰ ਮਸੀਹ ਅੰਮ੍ਰਿਤਸਰ ਦੇ ਕੁਰਲੀਆਣਾ ਪਿੰਡ ਦਾ ਰਹਿਣ ਵਾਲਾ ਹੈ।

2023 ਵਿੱਚ ਪੰਜਾਬ ਪੁਲਿਸ ਦੀ ਹਿਰਾਸਤ ਵਿੱਚੋਂ ਫਰਾਰ ਹੋ ਗਿਆ ਸੀ।

4. ਪੁੱਛਗਿੱਛ ਅਤੇ ਸੁਰੱਖਿਆ ਇੰਤਜ਼ਾਮ:

ਕੋਖਰਾਜ ਪੁਲਿਸ ਸਟੇਸ਼ਨ ਵਿੱਚ ਪੁੱਛਗਿੱਛ ਚੱਲ ਰਹੀ ਹੈ।

100 ਮੀਟਰ ਤੱਕ ਇਲਾਕਾ ਸੀਲ।

ਪੰਜਾਬ ਪੁਲਿਸ ਦੀਆਂ 6 ਗੱਡੀਆਂ ਮੌਕੇ 'ਤੇ ਮੌਜੂਦ।

ਹਰਿਆਣਾ ਤੋਂ 2 ਦਿਨ ਪਹਿਲਾਂ ਅੱਤਵਾਦੀ ਫੜਿਆ ਗਿਆ ਸੀ

ਗੁਜਰਾਤ ਏਟੀਐਸ ਨੇ ਫਰੀਦਾਬਾਦ (ਹਰਿਆਣਾ) ਤੋਂ ਅਬਦੁਲ ਰਹਿਮਾਨ ਨੂੰ ਗ੍ਰਿਫ਼ਤਾਰ ਕੀਤਾ।

ਉਸ ਕੋਲੋਂ 2 ਹੈਂਡ ਗ੍ਰਨੇਡ ਬਰਾਮਦ ਹੋਏ।

ਅਬਦੁਲ ਨੇ ਅਯੋਧਿਆ ਦੇ ਰਾਮ ਮੰਦਰ ਦੀ ਰੇਕੀ ਵੀ ਕੀਤੀ ਸੀ।

ਪੀਲੀਭੀਤ 'ਚ ਤਿੰਨ ਖਾਲਿਸਤਾਨੀ ਅੱਤਵਾਦੀ ਢੇਰ

23 ਦਸੰਬਰ 2023 ਨੂੰ ਪੀਲੀਭੀਤ 'ਚ KZF (ਖਾਲਿਸਤਾਨ ਜ਼ਿੰਦਾਬਾਦ ਫੋਰਸ) ਦੇ 3 ਅੱਤਵਾਦੀ ਮਾਰੇ ਗਏ।

2 AK-47, 2 ਗਲੌਕ ਪਿਸਤੌਲ ਅਤੇ ਵੱਡੀ ਮਾਤਰਾ ਵਿੱਚ ਗੋਲਾਬਾਰੂਦ ਬਰਾਮਦ।

ਬੱਬਰ ਖਾਲਸਾ ਬਾਰੇ ਜਾਣਕਾਰੀ:

1978 ਵਿੱਚ ਸਥਾਪਿਤ।

ਭਾਰਤ, ਕੈਨੇਡਾ, ਜਰਮਨੀ, ਬ੍ਰਿਟੇਨ ਵਲੋਂ ਅੱਤਵਾਦੀ ਸੰਗਠਨ ਘੋਸ਼ਿਤ।

ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਬੇਅੰਤ ਸਿੰਘ ਦੀ ਹਤਿਆ ਵਿੱਚ ਵੀ ਇਸ ਸੰਗਠਨ ਦੀ ਭੂਮਿਕਾ ਸੀ।

ਦਰਅਸਲ ਉੱਤਰ ਪ੍ਰਦੇਸ਼ ਦੇ ਕੌਸ਼ਾਂਬੀ ਵਿੱਚ ਬੱਬਰ ਖਾਲਸਾ ਇੰਟਰਨੈਸ਼ਨਲ (BKI) ਦੇ ਇੱਕ ਅੱਤਵਾਦੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਸਦੀ ਪਛਾਣ ਲਾਜ਼ਰ ਮਸੀਹ ਵਜੋਂ ਹੋਈ ਹੈ। ਯੂਪੀ ਐਸਟੀਐਫ ਦੇ ਅਨੁਸਾਰ, ਉਹ ਬੀਕੇਆਈ ਦੇ ਜਰਮਨੀ ਸਥਿਤ ਮਾਡਿਊਲ ਦੇ ਮੁਖੀ ਸਵਰਨ ਸਿੰਘ ਉਰਫ ਜੀਵਨ ਫੌਜੀ ਲਈ ਕੰਮ ਕਰਦਾ ਸੀ। ਉਹ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਆਈਐਸਆਈ ਨਾਲ ਵੀ ਸਿੱਧੇ ਸੰਪਰਕ ਵਿੱਚ ਸੀ।

ਯੂਪੀ ਐਸਟੀਐਫ ਅਤੇ ਪੰਜਾਬ ਪੁਲਿਸ ਨੇ ਵੀਰਵਾਰ ਸਵੇਰੇ 3:30 ਵਜੇ ਛਾਪਾ ਮਾਰਿਆ ਅਤੇ ਲਾਜ਼ਰ ਮਸੀਹ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਉਹ ਪੰਜਾਬ ਦੇ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਪਿੰਡ ਕੁਰਲੀਆਣਾ ਦਾ ਰਹਿਣ ਵਾਲਾ ਹੈ। ਪਿਛਲੇ ਸਾਲ 24 ਸਤੰਬਰ ਨੂੰ ਲਾਜ਼ਰ ਮਸੀਹ ਪੰਜਾਬ ਪੁਲਿਸ ਦੀ ਹਿਰਾਸਤ ਵਿੱਚੋਂ ਫਰਾਰ ਹੋ ਗਿਆ ਸੀ।