ਦਿੱਲੀ ਦੇ ਕਰੋਲ ਬਾਗ ਮਾਲ ਵਿੱਚ ਭਿਆਨਕ ਅੱਗ

ਲਿਫਟ ਵਿੱਚ ਫਸਣ ਕਾਰਨ ਇੱਕ ਦੀ ਮੌਤ

ਦਿੱਲੀ ਦੇ ਕਰੋਲ ਬਾਗ ਵਿੱਚ ਕੱਲ੍ਹ ਸ਼ਾਮ ਇੱਕ ਵੱਡੇ ਮਾਲ ਵਿੱਚ ਭਿਆਨਕ ਅੱਗ ਲੱਗ ਗਈ। ਪੂਰੀ ਇਮਾਰਤ ਅੱਗ ਦੀ ਲਪੇਟ ਵਿੱਚ ਸੀ, ਜਿਸ ਵਿੱਚ ਬੇਸਮੈਂਟ, ਗਰਾਊਂਡ ਫਲੋਰ, ਪਹਿਲੀ, ਦੂਜੀ ਅਤੇ ਤੀਜੀ ਮੰਜ਼ਿਲ ਸਮੇਤ ਉੱਪਰਲੇ ਕੁਝ ਅਸਥਾਈ ਸੈੱਟਅੱਪ ਵੀ ਸ਼ਾਮਲ ਸਨ। ਅੱਗ ਲੱਗਣ ਦਾ ਕਾਰਨ ਅਜੇ ਤੱਕ ਸਪੱਸ਼ਟ ਨਹੀਂ ਹੋਇਆ ਹੈ।

#WATCH | Delhi: Firefighting operation underway after a fire broke out in Vishal Mega Mart at Karol Bagh area.

According to Delhi Police, Kumar Dhirender Pratap Singh (25) was found trapped in the lift. He was declared dead on arrival at a hospital. An FIR has been registered… pic.twitter.com/eCU2pf1Lxq

— ANI (@ANI) July 5, 2025

ਡਿਪਟੀ ਚੀਫ਼ ਫਾਇਰ ਅਫਸਰ ਐਮ. ਕੇ. ਚਟੋਪਾਧਿਆਏ ਨੇ ਦੱਸਿਆ ਕਿ ਅੱਗ ਮੁੱਖ ਤੌਰ 'ਤੇ ਤੀਜੀ ਮੰਜ਼ਿਲ 'ਤੇ ਲੱਗੀ ਸੀ, ਜਿੱਥੇ ਤੇਲ ਅਤੇ ਘਿਓ ਦਾ ਸਟੋਰ ਸੀ। ਇਸ ਦੌਰਾਨ ਬਿਜਲੀ ਕੱਟ ਗਈ ਸੀ, ਜਿਸ ਕਾਰਨ ਲਿਫਟ ਬੰਦ ਹੋ ਗਈ ਅਤੇ ਇੱਕ ਨੌਜਵਾਨ, ਕੁਮਾਰ ਧੀਰੇਂਦਰ ਪ੍ਰਤਾਪ ਸਿੰਘ (ਉਮਰ 25 ਸਾਲ), ਲਿਫਟ ਵਿੱਚ ਫਸ ਗਿਆ। ਉਸਨੂੰ ਬਾਹਰ ਕੱਢ ਕੇ ਹਸਪਤਾਲ ਭੇਜਿਆ ਗਿਆ, ਪਰ ਹਸਪਤਾਲ ਪਹੁੰਚਣ 'ਤੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ ਗਿਆ।

ਮਾਲ ਵਿੱਚ ਅੱਗ ਲੱਗਣ ਨਾਲ ਸੜਕਾਂ ਤੇ ਬਿਜਲੀ-ਪਾਣੀ ਦੀਆਂ ਸਹੂਲਤਾਂ ਪ੍ਰਭਾਵਿਤ ਹੋਈਆਂ ਹਨ। ਅੱਗ ਲੱਗਣ ਦੌਰਾਨ ਮਾਲ ਦੇ ਵਿਕਲਪਿਕ ਪੌੜੀਆਂ ਸਾਮਾਨ ਨਾਲ ਭਰੀਆਂ ਹੋਈਆਂ ਸਨ ਜਿਸ ਕਾਰਨ ਬਚਾਅ ਕਾਰਜ ਵਿੱਚ ਰੁਕਾਵਟ ਆਈ। ਮਾਲ ਵਿੱਚ ਮੌਜੂਦ ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ ਅਤੇ ਕਿਸੇ ਹੋਰ ਜਾਨਮਾਲ ਨੂੰ ਨੁਕਸਾਨ ਨਹੀਂ ਪਹੁੰਚਿਆ।

ਕਰੋਲ ਬਾਗ ਪੁਲਿਸ ਸਟੇਸ਼ਨ ਵਿੱਚ ਇਸ ਘਟਨਾ ਦੀ ਐਫਆਈਆਰ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਅੱਗ ਲੱਗਣ ਦੇ ਕਾਰਨ ਦੀ ਪੂਰੀ ਤਫ਼ਤੀਸ਼ ਜਾਰੀ ਹੈ।