ਮਿਆਂਮਾਰ ਤੇ ਬੈਂਕਾਕ ‘ਚ ਭਿਆਨਕ ਭੂਚਾਲ, ਮੌਤਾਂ ਦੀ ਗਿਣਤੀ 100 ਤੋਂ ਪਾਰ

ਕਈ ਮੰਜ਼ਿਲਾਂ ਵਾਲੀ ਇਮਾਰਤ ਪਲਭਿੰਨੇ ‘ਚ ਢਹਿ ਪਈ, ਲੋਕਾਂ ‘ਚ ਦਹਿਸ਼ਤ

ਮਿਆਂਮਾਰ ਅਤੇ ਬੈਂਕਾਕ ‘ਚ ਆਏ ਤਿੱਖੇ ਭੂਚਾਲ ਨੇ ਭਾਰੀ ਤਬਾਹੀ ਮਚਾਈ ਹੈ। ਤਾਜ਼ਾ ਰਿਪੋਰਟਾਂ ਮੁਤਾਬਕ, ਮਰਨ ਵਾਲਿਆਂ ਦੀ ਗਿਣਤੀ 100 ਤੋਂ ਵੱਧ ਚੁੱਕੀ ਹੈ। ਲੋਕ ਆਪਣੀ ਜਾਨ ਬਚਾਉਣ ਲਈ ਭੱਜਦੇ ਹੋਏ ਨਜ਼ਰ ਆਏ।

ਇੱਕ ਬਹੁ-ਮੰਜ਼ਿਲਾ ਇਮਾਰਤ, ਜਿਸ ਦੀ ਉਸਾਰੀ ਜਾਰੀ ਸੀ, ਭੂਚਾਲ ਦੇ ਝਟਕਿਆਂ ਨੂੰ ਸਹਿਣ ਵਿੱਚ ਅਸਮਰਥ ਰਹੀ ਅਤੇ ਪਲ ‘ਚ ਢਹਿ ਗਈ। ਇਸ ਹਾਦਸੇ ਦੀਆਂ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ ਵਿੱਚ ਤਬਾਹੀ ਅਤੇ ਲੋਕਾਂ ਦੀ ਘਬਰਾਹਟ ਦੇਖੀ ਜਾ ਸਕਦੀ ਹੈ।

ਭੂ-ਵਿਗਿਆਨੀਆਂ ਅਨੁਸਾਰ, ਭੂਚਾਲ ਦਾ ਕੇਂਦਰ ਮਿਆਂਮਾਰ ਦੇ ਦੱਖਣੀ ਤੱਟ ‘ਤੇ ਸਾਗਾਇੰਗ ਦੇ ਨੇੜੇ ਸੀ। ਜਰਮਨੀ ਦੇ GFZ ਭੂ-ਵਿਗਿਆਨ ਕੇਂਦਰ ਅਤੇ ਭੂ-ਵਿਗਿਆਨਕ ਸਰਵੇਖਣ ਮੁਤਾਬਕ, ਇਹ ਭੂਚਾਲ 10 ਕਿਲੋਮੀਟਰ (6.2 ਮੀਲ) ਦੀ ਡੂੰਘਾਈ ‘ਤੇ ਆਇਆ, ਜਿਸ ਕਰਕੇ ਇਸ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ।