ਸੁਨੀਲ ਜਾਖੜ ਦਾ ਅਕਾਲੀ ਦਲ 'ਤੇ ਪਲਟਵਾਰ

"ਹੁਣ ਜਵਾਬ ਕੰਮਾਂ ਨਾਲ ਮਿਲੇਗਾ, ਸ਼ਬਦਾਂ ਨਾਲ ਨਹੀਂ"

ਚੰਡੀਗੜ੍ਹ | 13 ਅਪ੍ਰੈਲ ੨੦੨੫ : ਪੰਜਾਬ ਭਾਜਪਾ ਦੇ ਪ੍ਰਧਾਨ ਸੁਨੀਲ ਜਾਖੜ ਨੇ ਅਕਾਲੀ ਦਲ 'ਤੇ ਵੱਡਾ ਹਮਲਾ ਕੀਤਾ ਹੈ। ਜਾਖੜ ਨੇ ਅਕਾਲੀ ਦਲ ਦੇ ਮੁੜ ਪ੍ਰਧਾਨ ਬਣੇ ਸੁਖਬੀਰ ਸਿੰਘ ਬਾਦਲ ਵੱਲੋਂ ਭਾਜਪਾ ਉਤੇ ਲਾਏ ਗਏ ਦੋਸ਼ਾਂ ਦਾ ਸਖ਼ਤ ਜਵਾਬ ਦਿੱਤਾ। ਉਨ੍ਹਾਂ ਕਿਹਾ ਕਿ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਫੈਸਲੇ 'ਤੇ ਸਵਾਲ ਚੁੱਕਣਾ ਸਿਰਫ਼ ਗ਼ਲਤ ਨਹੀਂ, ਸਗੋਂ ਕਰੋੜਾਂ ਸਿੱਖਾਂ ਦੀਆਂ ਭਾਵਨਾਵਾਂ ਨਾਲ ਖਿਲਵਾਰ ਹੈ।

ਜਾਖੜ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'X' (ਪਹਿਲਾਂ Twitter) 'ਤੇ 10 ਮਿੰਟ ਦਾ ਵੀਡੀਓ ਜਾਰੀ ਕਰਦੇ ਹੋਏ ਕਿਹਾ,

"ਅਕਾਲ ਤਖ਼ਤ ਸਾਹਿਬ ਨਾਲ ਟਕਰਾਉਣਾ ਅਪਰਾਧ ਹੈ। ਜੇ ਕੋਈ ਮੰਨਣ ਦੀ ਬਜਾਏ ਮਤਾ ਪਾਸ ਕਰੇ, ਤਾਂ ਉਹ ਅਹੰਕਾਰ ਨਹੀਂ ਤਾਂ ਹੋਰ ਕੀ ਹੈ?"

ਉਨ੍ਹਾਂ ਕਿਹਾ ਕਿ ਇਹ ਅਕਾਲੀ ਦਲ ਉਹ ਨਹੀਂ ਰਿਹਾ ਜੋ ਪੰਜਾਬੀਅਤ, ਪੰਥ ਅਤੇ ਸਿਧਾਂਤਾਂ ਦੀ ਰਾਖੀ ਕਰਦਾ ਸੀ।

ਉਨ੍ਹਾਂ ਆਖਿਆ,

"ਸਰਕਾਰਾਂ ਤਾਂ ਆਉਂਦੀਆਂ ਜਾਂਦੀਆਂ ਰਹਿੰਦੀਆਂ ਹਨ, ਪਰ ਸੰਪਰਦਾਇਕ ਪਾਰਟੀਆਂ ਦਾ ਕੰਮ ਸੇਵਾ ਹੋਣਾ ਚਾਹੀਦਾ ਹੈ, ਨਾ ਕਿ ਸਿਰਫ਼ ਰਾਜਨੀਤਿਕ ਲਾਭ।"

ਜਾਖੜ ਨੇ ਅਕਾਲੀ ਦਲ ਵੱਲੋਂ 'ਫਖ਼ਰ-ਏ-ਕੌਮ' ਪੁਰਸਕਾਰ ਵਾਪਸ ਲੈਣ ਦੇ ਅਕਾਲ ਤਖ਼ਤ ਦੇ ਹੁਕਮ 'ਤੇ ਮਤਾ ਪਾਸ ਕਰਨ ਦੀ ਨਿੰਦਾ ਕੀਤੀ। ਉਨ੍ਹਾਂ ਕਿਹਾ ਕਿ ਅਜਿਹਾ ਕਰਨਾ ਨਾ ਸਿਰਫ਼ ਅਣਾਦਰ ਹੈ, ਸਗੋਂ ਇਕ ਵਿਅਕਤੀਗਤ ਹੰਕਾਰ ਦੀ ਨਮਾਇੰਦਗੀ ਵੀ ਹੈ।

"ਹੁਣ ਜਵਾਬ ਕੰਮਾਂ ਵਿੱਚ ਦਿੱਤਾ ਜਾਵੇਗਾ"

ਆਖ਼ਰ ਵਿੱਚ ਜਾਖੜ ਨੇ ਸਪਸ਼ਟ ਕੀਤਾ:

"ਹੁਣ ਸਿਰਫ਼ ਬਿਆਨਾਂ ਦਾ ਸਮਾਂ ਨਹੀਂ। ਜਵਾਬ ਸ਼ਬਦਾਂ ਨਾਲ ਨਹੀਂ, ਕੰਮਾਂ ਨਾਲ ਦਿੱਤਾ ਜਾਵੇਗਾ। ਜਨਤਾ ਦੇਖ ਰਹੀ ਹੈ ਕਿ ਅਸਲ ਪੱਖ ਪੰਥ ਅਤੇ ਪੰਜਾਬ ਦੀ ਹਮਦਰਦੀ ਵਿੱਚ ਕੌਣ ਖੜਾ ਹੈ।"