ਇੰਡੋਨੇਸ਼ੀਆ ‘ਚ ਤੇਜ਼ ਭੂਚਾਲ, ਲੋਕ ਦਹਿਸ਼ਤ ‘ਚ

ਜਕਾਰਤਾ, 18 ਮਾਰਚ 2025 – ਇੰਡੋਨੇਸ਼ੀਆ ਦੇ ਉੱਤਰੀ ਸੁਮਾਤਰਾ ਵਿੱਚ ਅੱਜ ਸਵੇਰੇ 3:53 ਵਜੇ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਨੈਸ਼ਨਲ ਸੈਂਟਰ ਫਾਰ ਸੀਸਮੋਲੋਜੀ ਦੇ ਅਨੁਸਾਰ, ਭੂਚਾਲ ਦੀ ਤੀਬਰਤਾ 5.5 ਸੀ ਅਤੇ ਇਸਦਾ ਕੇਂਦਰ ਧਰਤੀ ਤੋਂ 10 ਕਿਲੋਮੀਟਰ ਡੂੰਘਾਈ ‘ਤੇ ਸੀ। ਭਾਵੇਂ ਕੋਈ ਜਾਨੀ ਜਾਂ ਵੱਡਾ ਮਾਲੀ ਨੁਕਸਾਨ ਨਹੀਂ ਹੋਇਆ, ਪਰ ਲੋਕਾਂ ‘ਚ ਡਰ ਦਾ ਮਾਹੌਲ ਬਣ ਗਿਆ ਹੈ। ਸਰਕਾਰ ਨੇ ਵੀ ਅਲਰਟ ਜਾਰੀ ਕਰ ਦਿੱਤਾ ਹੈ।

EQ of M: 4.1, On: 17/03/2025 02:55:52 IST, Lat: 33.36 N, Long: 98.52 E, Depth: 10 Km, Location: Qinghai, China.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/NwaEugrjQY

— National Center for Seismology (@NCS_Earthquake) March 16, 2025

ਚੀਨ, ਇਥੋਪੀਆ ਅਤੇ ਅਮਰੀਕਾ ‘ਚ ਵੀ ਭੂਚਾਲ

ਇੰਡੋਨੇਸ਼ੀਆ ਤੋਂ ਇਲਾਵਾ, ਚੀਨ, ਇਥੋਪੀਆ ਅਤੇ ਅਮਰੀਕਾ ਵਿੱਚ ਵੀ ਪਿਛਲੇ ਦਿਨੀਂ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।

ਚੀਨ – ਕੱਲ੍ਹ ਕਿੰਗਹਾਈ ਸ਼ਹਿਰ ਵਿੱਚ 4.1 ਤੀਬਰਤਾ ਦਾ ਭੂਚਾਲ ਆਇਆ, ਜਿਸਦਾ ਕੇਂਦਰ 10 ਕਿਲੋਮੀਟਰ ਡੂੰਘਾਈ ‘ਤੇ ਸੀ।

ਇਥੋਪੀਆ – ਸੋਮਵਾਰ ਸਵੇਰੇ 12:23 ਵਜੇ 5.5 ਤੀਬਰਤਾ ਦਾ ਭੂਚਾਲ ਆਇਆ, ਜਿਸ ਤੋਂ ਬਾਅਦ 4.3 ਅਤੇ 5.1 ਤੀਬਰਤਾ ਦੇ ਹੋਰ ਦੋ ਭੂਚਾਲ ਵੀ ਆਏ।

ਕੈਲੀਫੋਰਨੀਆ (ਅਮਰੀਕਾ) – ਐਤਵਾਰ ਰਾਤ ਨੂੰ ਮਾਲੀਬੂ ‘ਚ 3.9 ਤੀਬਰਤਾ ਦਾ ਭੂਚਾਲ ਆਇਆ। ਇਸ ਦੇ ਝਟਕੇ ਲਾਸ ਏਂਜਲਸ, ਥਾਊਜ਼ੈਂਡ ਓਕਸ, ਵੈਂਚੁਰਾ ਅਤੇ ਹੋਰ ਇਲਾਕਿਆਂ ‘ਚ ਮਹਿਸੂਸ ਹੋਏ।

ਲਗਾਤਾਰ ਆ ਰਹੇ ਭੂਚਾਲ – ਵੱਡੀ ਆਫਤ ਦਾ ਸੰਕੇਤ?

ਤਾਜ਼ਾ ਭੂਚਾਲਾਂ ਦੀ ਲੜੀ ਨੇ ਵਿਗਿਆਨੀਆਂ ਦੀ ਚਿੰਤਾ ਵਧਾ ਦਿੱਤੀ ਹੈ। ਵੱਡੀ ਆਫਤ ਦੀ ਸੰਭਾਵਨਾ ਨੂੰ ਧਿਆਨ ‘ਚ ਰੱਖਦੇ ਹੋਏ, ਸਰਕਾਰਾਂ ਨੇ ਐਮਰਜੈਂਸੀ ਉਪਰਾਲੇ ਤੀਵਰ ਕਰ ਦਿੱਤੇ ਹਨ। ਮਾਹਿਰਾਂ ਮੁਤਾਬਕ, ਲੋਕਾਂ ਨੂੰ ਭੂਚਾਲ ਸੰਬੰਧੀ ਜਾਗਰੂਕ ਰਹਿਣਾ ਚਾਹੀਦਾ ਹੈ ਅਤੇ ਸੁਰੱਖਿਆ ਨਿਯਮਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ।