ਸ਼ੇਅਰ ਬਾਜ਼ਾਰ : ਸੈਂਸੈਕਸ 79000 ਤੋਂ ਹੇਠਾਂ

ਮੁੰਬਈ : ਸ਼ੇਅਰ ਬਾਜ਼ਾਰ 'ਚ ਆਈ ਸੁਨਾਮੀ ਵਿਚਾਲੇ ਸੈਂਸੈਕਸ 1125 ਅੰਕ ਡਿੱਗ ਕੇ 78598 ਦੇ ਪੱਧਰ 'ਤੇ ਆ ਗਿਆ ਹੈ। ਨਿਫਟੀ 372 ਅੰਕਾਂ ਦੀ ਵੱਡੀ ਗਿਰਾਵਟ ਹੈ। ਇਹ 24000 ਤੋਂ ਘੱਟ ਕੇ 23931 ਦੇ ਪੱਧਰ 'ਤੇ ਆ ਗਿਆ ਹੈ।

ਇਸ ਭੂਚਾਲ ਵਿੱਚ ਸਿਰਫ਼ ਮਹਿੰਦਰਾ ਐਂਡ ਮਹਿੰਦਰਾ, ਡਾ: ਰੈਡੀ ਲੈਬਜ਼, ਸਿਪਲਾ, ਟੇਕ ਮਹਿੰਦਰਾ ਅਤੇ ਇੰਡਸਇੰਡ ਬੈਂਕ ਹਰੇ ਰੰਗ ਵਿੱਚ ਹਨ। ਸਾਰੇ ਨਿਫਟੀ ਸੈਕਟਰਲ ਸੂਚਕਾਂਕ ਲਾਲ ਰੰਗ ਵਿੱਚ ਹਨ। ਨਿਫਟੀ ਆਇਲ ਐਂਡ ਗੈਸ 'ਚ ਸਭ ਤੋਂ ਵੱਡੀ ਗਿਰਾਵਟ 2.42 ਫੀਸਦੀ ਰਹੀ ਹੈ। ਨਿਫਟੀ ਮੀਡੀਆ ਇੰਡੈਕਸ 'ਚ ਵੀ ਇਸੇ ਤਰ੍ਹਾਂ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਬੈਂਕ ਨਿਫਟੀ, ਆਟੋ, ਫਾਈਨੈਂਸ਼ੀਅਲ ਸਰਵਿਸਿਜ਼, ਐੱਫਐੱਮਸੀਜੀ, ਆਈਟੀ, ਮੈਟਲ, ਫਾਰਮਾ, ਪੀਐੱਸਯੂ ਬੈਂਕ, ਰਿਐਲਟੀ, ਕੰਜ਼ਿਊਮਰ ਡਿਊਰੇਬਲਸ ਸਮੇਤ ਸਾਰੇ ਸੈਕਟਰਲ ਸੂਚਕਾਂਕ ਵਿੱਚ ਚਾਰੇ ਪਾਸੇ ਗਿਰਾਵਟ ਦਰਜ ਕੀਤੀ ਗਈ ਹੈ।