ਕਾਨਪੁਰ ਨੇੜੇ ਸਾਬਰਮਤੀ ਐਕਸਪ੍ਰੈਸ ਪਟੜੀ ਤੋਂ ਉਤਰੀ

ਕਾਨਪੁਰ, 17 ਅਗਸਤ 2024 : ਵਾਰਾਣਸੀ ਤੋਂ ਅਹਿਮਦਾਬਾਦ ਜਾ ਰਹੀ 19168 ਸਾਬਰਮਤੀ ਐਕਸਪ੍ਰੈਸ ਰਾਤ ਕਰੀਬ 2:30 ਵਜੇ ਭੀਮਸੇਨ ਸਟੇਸ਼ਨ ਨੇੜੇ ਪਟੜੀ ਤੋਂ ਉਤਰ ਗਈ। ਕਿਸੇ ਤਰ੍ਹਾਂ ਦਾ ਕੋਈ ਜਾਨੀ ਜਾਂ ਮਾਲੀ ਨੁਕਸਾਨ ਨਹੀਂ ਹੋਇਆ ਹੈ ਅਤੇ ਨਾ ਹੀ ਕਿਸੇ ਦੇ ਜ਼ਖਮੀ ਹੋਣ ਦੀ ਕੋਈ ਖਬਰ ਹੈ। ਡਰਾਈਵਰ ਦੇ ਅਨੁਸਾਰ, ਪਹਿਲੀ ਨਜ਼ਰ ਵਿੱਚ ਪੱਥਰ ਇੰਜਣ ਨਾਲ ਟਕਰਾ ਗਿਆ, ਜਿਸ ਕਾਰਨ ਇੰਜਣ ਦਾ ਕੈਟਲ ਗਾਰਡ ਬੁਰੀ ਤਰ੍ਹਾਂ ਨੁਕਸਾਨਿਆ/ ਝੁਕ ਗਿਆ। ਕਾਨਪੁਰ ਸੈਂਟਰਲ ਤੋਂ ਰੇਲ ਹਾਦਸੇ ਵਾਲੀ ਰੇਲ ਗੱਡੀ ਨੂੰ ਮੌਕੇ 'ਤੇ ਭੇਜਿਆ ਗਿਆ ਹੈ। ਸੈਂਟਰਲ ਸਟੇਸ਼ਨ 'ਤੇ ਯਾਤਰੀ ਸੁਵਿਧਾ ਕੇਂਦਰ ਖੋਲ੍ਹਿਆ ਗਿਆ ਹੈ।

ਸਹਾਇਕ ਕਮਰਸ਼ੀਅਲ ਮੈਨੇਜਰ ਸੰਤੋਸ਼ ਕੁਮਾਰ ਤ੍ਰਿਪਾਠੀ ਨੇ ਦੱਸਿਆ ਕਿ ਦੁਰਘਟਨਾ ਰਾਹਤ ਗੱਡੀ ਦੇ ਨਾਲ-ਨਾਲ ਮੈਡੀਕਲ ਵਾਹਨ ਵੀ ਰਵਾਨਾ ਕਰ ਦਿੱਤਾ ਗਿਆ ਹੈ। ਸਾਬਰਮਤੀ ਟਰੇਨ ਦੇ ਪਟੜੀ ਤੋਂ ਉਤਰਨ ਦੀ ਉੱਚ ਪੱਧਰੀ ਜਾਂਚ ਦੇ ਹੁਕਮ ਦਿੱਤੇ ਗਏ ਹਨ। ਪ੍ਰਯਾਗਰਾਜ ਡਿਵੀਜ਼ਨ ਦੇ ਡੀਆਰਐਮ ਵੀ ਮੌਕੇ 'ਤੇ ਪਹੁੰਚ ਗਏ ਹਨ।

ਯਾਤਰੀਆਂ ਦੀ ਸਹੂਲਤ ਲਈ ਰੇਲਵੇ ਪ੍ਰਸ਼ਾਸਨ ਵੱਲੋਂ ਸਾਰੇ ਪ੍ਰਬੰਧ ਕਰ ਲਏ ਗਏ ਹਨ, ਜਿਨ੍ਹਾਂ ਨੂੰ ਬੱਸ ਰਾਹੀਂ ਕਾਨਪੁਰ ਭੇਜਿਆ ਜਾ ਰਿਹਾ ਹੈ। ਹਾਦਸੇ ਵਾਲੀ ਥਾਂ ਅਤੇ ਕੰਟਰੋਲ ਦਫਤਰ 'ਤੇ ਸੀਨੀਅਰ ਅਧਿਕਾਰੀ ਮੌਜੂਦ ਹਨ।

ਰੇਲਵੇ ਦੁਆਰਾ ਜਾਰੀ ਕੀਤੇ ਗਏ ਹੈਲਪਲਾਈਨ ਨੰਬਰ

ਪ੍ਰਯਾਗਰਾਜ 0532-2408128, 0532-2407353

ਕਾਨਪੁਰ 0512-2323018, 0512-2323015

ਮਿਰਜ਼ਾਪੁਰ 054422200097

ਇਟਾਵਾ 7525001249

ਟੁੰਡਲਾ 7392959702

ਅਹਿਮਦਾਬਾਦ 07922113977

ਬਨਾਰਸ ਸਿਟੀ 8303994411