ਸੋਨੇ ਦੀ ਕੀਮਤ ਵਿੱਚ ਰਿਕਾਰਡ ਵਾਧਾ, ਅੱਜ ਦੀ ਕੀਮਤ ਵੇਖੋ

1 ਲੱਖ ਰੁਪਏ ਦੀ ਹੱਦ ਤੋਂ ਸਿਰਫ਼ 2,000 ਰੁਪਏ ਦੂਰ

ਨਵੀਂ ਦਿੱਲੀ : ਸੋਨੇ ਦੀ ਕੀਮਤ ਵਿੱਚ ਇੱਕ ਵਾਰ ਫਿਰ ਵੱਡੀ ਛਾਲ ਦਰਜ ਹੋਈ ਹੈ। 10 ਗ੍ਰਾਮ ਸੋਨੇ ਦੀ ਕੀਮਤ ਹੁਣ 98,000 ਰੁਪਏ ਤੋਂ ਪਾਰ ਹੋ ਚੁੱਕੀ ਹੈ ਅਤੇ ਇਹ 1 ਲੱਖ ਰੁਪਏ ਦੀ ਮਾਨਸਿਕ ਹੱਦ ਤੋਂ ਸਿਰਫ਼ 2,000 ਰੁਪਏ ਪਿੱਛੇ ਹੈ।

ਇੱਕ ਦਿਨ ਵਿੱਚ 1,650 ਰੁਪਏ ਦਾ ਉਛਾਲ

ਬੁੱਧਵਾਰ ਨੂੰ ਰਾਸ਼ਟਰੀ ਰਾਜਧਾਨੀ ਵਿੱਚ ਸੋਨੇ ਦੀ ਕੀਮਤ 1,650 ਰੁਪਏ ਵੱਧ ਕੇ 98,100 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਪਹੁੰਚ ਗਈ। ਇਹ ਸੋਨੇ ਦੀ ਅਜੇ ਤੱਕ ਦੀ ਸਭ ਤੋਂ ਉੱਚੀ ਕੀਮਤ ਹੈ। ਵਾਧੇ ਦਾ ਮੁੱਖ ਕਾਰਨ ਅਮਰੀਕਾ ਅਤੇ ਚੀਨ ਵਿਚਕਾਰ ਵਧ ਰਹੀ ਤਣਾਅ ਭਰੀ ਸਥਿਤੀ ਹੈ, ਜਿਸ ਕਾਰਨ ਨਿਵੇਸ਼ਕਾਂ ਨੇ ਸੋਨੇ ਵੱਲ ਰੁਝਾਨ ਵਧਾਇਆ ਹੈ।

ਚਾਂਦੀ ਦੀ ਚਮਕ ਵੀ ਕਾਇਮ

ਸੋਨੇ ਦੇ ਨਾਲ-ਨਾਲ ਚਾਂਦੀ ਦੀ ਕੀਮਤ ਵਿੱਚ ਵੀ ਵਾਧਾ ਹੋਇਆ ਹੈ। ਭਾਰਤੀ ਬਾਜ਼ਾਰ ਵਿੱਚ ਚਾਂਦੀ 1,00,100 ਰੁਪਏ ਪ੍ਰਤੀ ਕਿਲੋ ਦੇ ਦਰ 'ਤੇ ਮਿਲ ਰਹੀ ਹੈ।

ਅੰਤਰਰਾਸ਼ਟਰੀ ਬਾਜ਼ਾਰਾਂ ਦੀ ਭੂਮਿਕਾ

ਆਲ ਇੰਡੀਆ ਸਰਾਫਾ ਐਸੋਸੀਏਸ਼ਨ ਅਨੁਸਾਰ, 99.9% ਖ਼ਾਲਸ ਸੋਨਾ ਮੰਗਲਵਾਰ ਨੂੰ 96,450 ਰੁਪਏ 'ਤੇ ਬੰਦ ਹੋਇਆ ਸੀ। ਜਦਕਿ ਵਿਸ਼ਵ ਬਾਜ਼ਾਰ ਵਿੱਚ ਸਪਾਟ ਗੋਲਡ 3,318 ਡਾਲਰ ਪ੍ਰਤੀ ਔਂਸ ਦੇ ਰਿਕਾਰਡ ਪੱਧਰ 'ਤੇ ਜਾਣ ਤੋਂ ਬਾਅਦ 3,299.99 ਡਾਲਰ 'ਤੇ ਆ ਗਿਆ।

ਵਿਅਪਾਰ ਜੰਗ ਕਾਰਨ ਵਾਧਾ ਹੋਣ ਦੀ ਸੰਭਾਵਨਾ

ਸੋਨੇ ਦੀ ਕੀਮਤ ਵਿੱਚ ਵਾਧੇ ਦੀ ਇੱਕ ਵੱਡੀ ਵਜ੍ਹਾ ਅਮਰੀਕਾ-ਚੀਨ ਵਿਚਕਾਰ ਵਧ ਰਹੀ ਵਪਾਰਕ ਟਕਰਾਅ ਹੈ। ਅਮਰੀਕਾ ਨੇ ਚੀਨ ਤੋਂ ਆਉਣ ਵਾਲੀਆਂ ਕੁਝ ਚੀਜ਼ਾਂ 'ਤੇ ਟੈਰਿਫ 245% ਤੱਕ ਵਧਾ ਦਿੱਤਾ ਹੈ। ਜਵਾਬ ਵਜੋਂ, ਚੀਨ ਨੇ ਵੀ ਸਖਤ ਰਵੱਈਆ ਅਖਤਿਆਰ ਕੀਤਾ ਹੈ ਅਤੇ ਵਪਾਰ ਜੰਗ ਲਈ ਤਿਆਰੀ ਜਤਾਈ ਹੈ। ਮਾਹਿਰਾਂ ਅਨੁਸਾਰ, ਅਜਿਹੀ ਸਥਿਤੀ ਵਿਚ ਸੋਨੇ ਦੀ ਕੀਮਤ ਹੋਰ ਵੀ ਵਧ ਸਕਦੀ ਹੈ।

ਸੋਨੇ ਦੀ ਕੀਮਤ ਕਿਵੇਂ ਨਿਰਧਾਰਤ ਹੁੰਦੀ ਹੈ?

ਸੋਨੇ ਦੀ ਵਿਸ਼ਵਵਿਆਪੀ ਕੀਮਤ ਲੰਡਨ ਬੁਲੀਅਨ ਮਾਰਕੀਟ ਐਸੋਸੀਏਸ਼ਨ (LBMA) ਨਿਰਧਾਰਤ ਕਰਦੀ ਹੈ। ਇੰਡੀਆ ਵਿੱਚ ਇੰਡੀਅਨ ਬੁਲੀਅਨ ਜਵੈਲਰਜ਼ ਐਸੋਸੀਏਸ਼ਨ (IBJA) ਦੁਆਰਾ ਅੰਤਰਰਾਸ਼ਟਰੀ ਕੀਮਤ ਵਿੱਚ ਆਯਾਤ ਸ਼ੁਲਕ ਅਤੇ ਹੋਰ ਟੈਕਸ ਸ਼ਾਮਲ ਕਰਕੇ ਦੇਸ਼ ਦੀਆਂ ਘਰੇਲੂ ਕੀਮਤਾਂ ਤੈਅ ਕੀਤੀਆਂ ਜਾਂਦੀਆਂ ਹਨ।

ਅਗਲੇ ਕਦਮ ਦੀ ਉਡੀਕ

ਨਿਵੇਸ਼ਕਾਂ ਦੀ ਨਜ਼ਰ ਹੁਣ ਸੋਨੇ ਦੇ 1 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਦੇ ਅੰਕੜੇ ਉੱਤੇ ਟਿਕੀ ਹੋਈ ਹੈ। ਜੇ ਹਾਲਾਤ ਅਜਿਹੇ ਹੀ ਰਹੇ, ਤਾਂ ਇਹ ਮਨੋਵੈਗਿਆਨਿਕ ਹੱਦ ਜਲਦੀ ਹੀ ਪਾਰ ਹੋ ਸਕਦੀ ਹੈ।