RBI Recruitment 2026: 10ਵੀਂ ਪਾਸ ਨੌਜਵਾਨਾਂ ਲਈ 572 ਅਹੁਦਿਆਂ 'ਤੇ ਨੌਕਰੀ ਦਾ ਮੌਕਾ

ਗ੍ਰੈਜੂਏਟ ਨਹੀਂ ਕਰ ਸਕਣਗੇ ਅਪਲਾਈ

ਨਵੀਂ ਦਿੱਲੀ: ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਦੇਸ਼ ਭਰ ਦੇ ਆਪਣੇ ਵੱਖ-ਵੱਖ ਦਫ਼ਤਰਾਂ ਵਿੱਚ ਆਫਿਸ ਅਟੈਂਡੈਂਟ (Office Attendant) ਦੀਆਂ 572 ਅਸਾਮੀਆਂ ਲਈ ਭਰਤੀ ਦਾ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਇਸ ਭਰਤੀ ਦੀ ਖ਼ਾਸ ਗੱਲ ਇਹ ਹੈ ਕਿ ਇਹ ਵਿਸ਼ੇਸ਼ ਤੌਰ 'ਤੇ 10ਵੀਂ ਪਾਸ ਉਮੀਦਵਾਰਾਂ ਲਈ ਹੈ ਅਤੇ ਉੱਚ ਸਿੱਖਿਆ (ਗ੍ਰੈਜੂਏਸ਼ਨ ਜਾਂ ਇਸ ਤੋਂ ਵੱਧ) ਪ੍ਰਾਪਤ ਉਮੀਦਵਾਰ ਇਸ ਲਈ ਯੋਗ ਨਹੀਂ ਮੰਨੇ ਜਾਣਗੇ।

ਮਹੱਤਵਪੂਰਨ ਤਾਰੀਖਾਂ

ਅਰਜ਼ੀਆਂ ਸ਼ੁਰੂ: 15 ਜਨਵਰੀ, 2026

ਅਪਲਾਈ ਕਰਨ ਦੀ ਆਖਰੀ ਮਿਤੀ: 4 ਫਰਵਰੀ, 2026

ਪ੍ਰੀਖਿਆ ਦੀ ਮਿਤੀ: 28 ਫਰਵਰੀ ਅਤੇ 1 ਮਾਰਚ, 2026 (ਪ੍ਰਸਤਾਵਿਤ)

ਯੋਗਤਾ ਅਤੇ ਉਮਰ ਸੀਮਾ

ਵਿੱਦਿਅਕ ਯੋਗਤਾ: ਉਮੀਦਵਾਰ ਦਾ 10ਵੀਂ ਪਾਸ ਹੋਣਾ ਲਾਜ਼ਮੀ ਹੈ। 1 ਜਨਵਰੀ, 2026 ਤੱਕ ਉਮੀਦਵਾਰ 'ਅੰਡਰਗ੍ਰੈਜੁਏਟ' ਹੋਣਾ ਚਾਹੀਦਾ ਹੈ। ਗ੍ਰੈਜੂਏਟ ਨੌਜਵਾਨ ਅਪਲਾਈ ਨਹੀਂ ਕਰ ਸਕਦੇ।

ਉਮਰ ਸੀਮਾ: 18 ਤੋਂ 25 ਸਾਲ (ਉਮੀਦਵਾਰ ਦਾ ਜਨਮ 02/02/1996 ਤੋਂ 01/02/2003 ਦੇ ਵਿਚਕਾਰ ਹੋਣਾ ਚਾਹੀਦਾ ਹੈ)।

ਛੋਟ: SC/ST ਉਮੀਦਵਾਰਾਂ ਨੂੰ 5 ਸਾਲ ਅਤੇ OBC ਨੂੰ 3 ਸਾਲ ਦੀ ਉਮਰ ਵਿੱਚ ਛੋਟ ਮਿਲੇਗੀ।

ਅਹੁਦਿਆਂ ਦਾ ਵੇਰਵਾ (ਸ਼੍ਰੇਣੀ ਅਨੁਸਾਰ)

ਕੁੱਲ 572 ਅਸਾਮੀਆਂ ਵਿੱਚੋਂ ਵੇਰਵਾ ਇਸ ਤਰ੍ਹਾਂ ਹੈ:

ਅਣ-ਰਾਖਵੀਆਂ (General): 291

OBC: 83

SC: 89

ST: 58

EWS: 51

ਪ੍ਰੀਖਿਆ ਦਾ ਪੈਟਰਨ (ਸਿਲੈਕਸ਼ਨ ਪ੍ਰਕਿਰਿਆ)

ਚੋਣ ਦੋ ਪੜਾਵਾਂ ਵਿੱਚ ਹੋਵੇਗੀ: ਆਨਲਾਈਨ ਲਿਖਤੀ ਪ੍ਰੀਖਿਆ ਅਤੇ ਖੇਤਰੀ ਭਾਸ਼ਾ ਪ੍ਰੀਖਿਆ (LPT)।

ਲਿਖਤੀ ਪ੍ਰੀਖਿਆ ਵਿੱਚ ਕੁੱਲ 120 ਪ੍ਰਸ਼ਨ ਹੋਣਗੇ ਜੋ 120 ਅੰਕਾਂ ਦੇ ਹੋਣਗੇ। ਇਸ ਪ੍ਰੀਖਿਆ ਨੂੰ ਪੂਰਾ ਕਰਨ ਲਈ ਉਮੀਦਵਾਰਾਂ ਨੂੰ 90 ਮਿੰਟ ਦਾ ਸਮਾਂ ਦਿੱਤਾ ਜਾਵੇਗਾ। ਪ੍ਰੀਖਿਆ ਦੇ ਮੁੱਖ ਵਿਸ਼ੇ ਇਸ ਤਰ੍ਹਾਂ ਹਨ:

ਤਰਕ (Reasoning): 30 ਪ੍ਰਸ਼ਨ

ਆਮ ਅੰਗਰੇਜ਼ੀ (General English): 30 ਪ੍ਰਸ਼ਨ

ਆਮ ਜਾਗਰੂਕਤਾ (General Awareness): 30 ਪ੍ਰਸ਼ਨ

ਸੰਖਿਆਤਮਕ ਯੋਗਤਾ (Numerical Ability): 30 ਪ੍ਰਸ਼ਨ

ਤਨਖਾਹ (Salary)

ਚੁਣੇ ਗਏ ਉਮੀਦਵਾਰਾਂ ਨੂੰ ਸ਼ਾਨਦਾਰ ਤਨਖਾਹ ਮਿਲੇਗੀ। ਸ਼ੁਰੂਆਤੀ ਮੂਲ ਤਨਖਾਹ ₹24,250 ਪ੍ਰਤੀ ਮਹੀਨਾ ਹੋਵੇਗੀ। ਸਾਰੇ ਭੱਤਿਆਂ ਨੂੰ ਮਿਲਾ ਕੇ (HRA ਤੋਂ ਬਿਨਾਂ), ਸ਼ੁਰੂਆਤੀ ਮਾਸਿਕ ਕੁੱਲ ਤਨਖਾਹ ਲਗਭਗ ₹46,029 ਹੋਵੇਗੀ। ਜੇਕਰ ਉਮੀਦਵਾਰ ਬੈਂਕ ਦੀ ਰਿਹਾਇਸ਼ ਵਿੱਚ ਨਹੀਂ ਰਹਿ ਰਿਹਾ, ਤਾਂ ਉਸਨੂੰ 15% ਵਾਧੂ ਹਾਊਸ ਰੈਂਟ ਅਲਾਉਂਸ (HRA) ਦਿੱਤਾ ਜਾਵੇਗਾ।

ਕਿਸ ਸ਼ਹਿਰ ਵਿੱਚ ਕਿੰਨੀਆਂ ਅਸਾਮੀਆਂ?

ਕਾਨਪੁਰ ਅਤੇ ਲਖਨਊ: 125

ਕੋਲਕਾਤਾ: 90

ਨਵੀਂ ਦਿੱਲੀ: 61

ਗੁਹਾਟੀ: 52

ਜੈਪੁਰ: 42

ਪਟਨਾ: 37

ਭੁਵਨੇਸ਼ਵਰ: 36

ਹੈਦਰਾਬਾਦ: 36

ਮੁੰਬਈ: 33

ਅਹਿਮਦਾਬਾਦ: 29

ਬੰਗਲੁਰੂ: 16

ਚੇਨਈ: 9

ਭੋਪਾਲ: 4

ਚੰਡੀਗੜ੍ਹ: 2

ਅਪਲਾਈ ਕਿਵੇਂ ਕਰੀਏ: ਚਾਹਵਾਨ ਉਮੀਦਵਾਰ RBI ਦੀ ਅਧਿਕਾਰਤ ਵੈੱਬਸਾਈਟ opportunities.rbi.org.in 'ਤੇ ਜਾ ਕੇ 4 ਫਰਵਰੀ, 2026 ਤੱਕ ਆਨਲਾਈਨ ਫਾਰਮ ਭਰ ਸਕਦੇ ਹਨ।