Ranveer Singh ਟਾਪ-4 ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਸਿਤਾਰਿਆਂ ਵਿੱਚ ਸ਼ਾਮਲ

ਨਵੀਂ ਦਿੱਲੀ, 11 ਅਪ੍ਰੈਲ: Ranveer Singh ਨੇ ਆਪਣੀਆਂ ਫਿਲਮਾਂ ‘ਧੁਰੰਧਰ’ ਅਤੇ ‘ਧੁਰੰਧਰ 2’ ਦੀ ਜ਼ਬਰਦਸਤ ਸਫਲਤਾ ਦੇ ਦਮ ‘ਤੇ ਬਾਲੀਵੁੱਡ ਦੇ ਵੱਡੇ ਸੁਪਰਸਟਾਰਜ਼ ਨੂੰ ਕੜੀ ਟੱਕਰ ਦੇ ਦਿੱਤੀ ਹੈ। ਇਹ ਅਦਾਕਾਰ ਹੁਣ ਹਿੰਦੀ ਸਿਨੇਮਾ ਦੇ ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਟਾਪ ਅਦਾਕਾਰਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ ਹੈ। 2010 ਵਿੱਚ Band Baaja Baaraat ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਰਣਵੀਰ ਸਿੰਘ ਨੇ ਸਿਰਫ਼ 16 ਸਾਲਾਂ ਵਿੱਚ ਇਹ ਵੱਡੀ ਉਪਲਬਧੀ ਹਾਸਲ ਕੀਤੀ ਹੈ। ਉਸ ਦੀਆਂ ਫਿਲਮਾਂ ਨੇ ਹੁਣ ਤੱਕ 6000 ਕਰੋੜ ਰੁਪਏ ਤੋਂ ਵੱਧ ਦਾ ਕਾਰੋਬਾਰ ਕਰ ਲਿਆ ਹੈ।

‘ਧੁਰੰਧਰ’ ਸੀਰੀਜ਼ ਨੇ ਬਦਲੀ ਕਿਸਮਤ

ਹਾਲੀਆ ਸਮੇਂ ਵਿੱਚ Dhurandhar ਅਤੇ Dhurandhar 2 ਦੀ ਵੱਡੀ ਸਫਲਤਾ ਨੇ ਰਣਵੀਰ ਦੇ ਕਰੀਅਰ ਨੂੰ ਨਵੀਆਂ ਉਚਾਈਆਂ ਦਿੱਤੀਆਂ ਹਨ। ‘ਧੁਰੰਧਰ’ ਨੇ ਦੁਨੀਆ ਭਰ ਵਿੱਚ 1300 ਕਰੋੜ ਤੋਂ ਵੱਧ ਕਮਾਈ ਕੀਤੀ, ਜਦਕਿ ‘ਧੁਰੰਧਰ 2’ ਦਾ ਕਲੇਕਸ਼ਨ 1700 ਕਰੋੜ ਦੇ ਪਾਰ ਪਹੁੰਚ ਗਿਆ ਹੈ।

ਟਾਪ ਕਮਾਈ ਕਰਨ ਵਾਲੇ ਅਦਾਕਾਰਾਂ ਦੀ ਸੂਚੀ ਵਿੱਚ ਚੌਥਾ ਸਥਾਨ

ਬਾਕਸ ਆਫਿਸ ਕਲੇਕਸ਼ਨ ਦੇ ਆਧਾਰ ‘ਤੇ Shah Rukh Khan ਪਹਿਲੇ ਨੰਬਰ ‘ਤੇ ਹਨ, Akshay Kumar ਦੂਜੇ ਨੰਬਰ ‘ਤੇ, Salman Khan ਤੀਜੇ ਨੰਬਰ ‘ਤੇ। ਹੁਣ ਚੌਥੇ ਸਥਾਨ ‘ਤੇ Ranveer Singh ਪਹੁੰਚ ਗਏ ਹਨ, ਜਿਨ੍ਹਾਂ ਨੇ Prabhas ਨੂੰ ਪਿੱਛੇ ਛੱਡ ਦਿੱਤਾ ਹੈ। ਰਣਵੀਰ ਸਿੰਘ ਨੇ ਆਪਣੇ ਕਰੀਅਰ ਦੀਆਂ 18 ਫਿਲਮਾਂ ਵਿੱਚੋਂ ਕਰੀਬ 10 ਹਿੱਟ ਦਿੱਤੀਆਂ ਹਨ, ਜਦਕਿ ਕੁਝ ਫਿਲਮਾਂ ਔਸਤ ਰਹੀਆਂ ਅਤੇ ਕੁਝ ਫਲੌਪ ਵੀ ਹੋਈਆਂ।

Rocky Aur Rani Kii Prem Kahaani ਤੋਂ ਪਹਿਲਾਂ ਉਸ ਦੀਆਂ ਤਿੰਨ ਫਿਲਮਾਂ ਲਗਾਤਾਰ ਫਲੌਪ ਰਹੀਆਂ ਸਨ। ‘ਧੁਰੰਧਰ 2’ ਦੀ ਸਫਲਤਾ ਤੋਂ ਬਾਅਦ ਰਣਵੀਰ ਸਿੰਘ ਇੱਕ ਵਾਰ ਫਿਰ ਬਾਕਸ ਆਫਿਸ ‘ਤੇ ਛਾ ਗਏ ਹਨ ਅਤੇ ਉਹ ਇੰਡਸਟਰੀ ਦੇ ਟਾਪ ਸਿਤਾਰਿਆਂ ਵਿੱਚ ਸ਼ਾਮਲ ਹੋ ਗਏ ਹਨ।