ਪਿਟਬੁੱਲ ਕੁੱਤੇ ਨੇ ਮਾਲਕ ਦੀ 4 ਸਾਲਾ ਬੱਚੀ ਦੀ ਲਈ ਜਾਨ
By : BikramjeetSingh Gill
ਕੈਲੀਫੋਰਨੀਆ : ਬਹੁਤ ਸਾਰੇ ਪਰਿਵਾਰ ਕੁੱਤੇ ਰੱਖਣ ਦੇ ਸ਼ੌਕੀਨ ਹਨ ਅਤੇ ਅਜਿਹੇ ਲੋਕ ਪੂਰੀ ਦੁਨੀਆ ਵਿੱਚ ਪਾਏ ਜਾਂਦੇ ਹਨ। ਕੁਝ ਕੁੱਤੇ ਬਹੁਤ ਖ਼ਤਰਨਾਕ ਹੁੰਦੇ ਹਨ, ਉਨ੍ਹਾਂ ਵਿੱਚੋਂ ਇੱਕ ਪਿਟਬੁੱਲ ਹੈ। ਬਹੁਤ ਸਾਰੇ ਦੇਸ਼ਾਂ ਵਿੱਚ, ਪਿਟਬੁਲਾਂ ਨੂੰ ਖਤਰਨਾਕ ਮੰਨਿਆ ਜਾਂਦਾ ਹੈ ਅਤੇ ਉਨ੍ਹਾਂ ਦੇ ਪ੍ਰਜਨਨ 'ਤੇ ਪਾਬੰਦੀ ਲਗਾਈ ਗਈ ਹੈ। ਹੁਣ ਇੱਕ ਪਿੱਟਬੁਲ ਨੇ ਚਾਰ ਸਾਲ ਦੀ ਬੱਚੀ ਦੀ ਜਾਨ ਲੈ ਲਈ ਹੈ। ਘਟਨਾ ਤੋਂ ਪਹਿਲਾਂ ਮਾਤਾ-ਪਿਤਾ ਲੋਕਾਂ ਨੂੰ ਪਿੱਟਬੁਲ ਗੋਦ ਲੈਣ ਲਈ ਪ੍ਰੇਰਿਤ ਕਰਦੇ ਸਨ।
ਮਾਮਲਾ ਅਮਰੀਕਾ ਦੇ ਕੈਲੀਫੋਰਨੀਆ ਦੇ ਵਿਸਾਲੀਆ ਦਾ ਹੈ। ਇੱਥੇ ਇੱਕ ਪਿੱਟਬੁਲ ਨੇ ਇੱਕ ਲੜਕੀ ਦੀ ਜਾਨ ਲੈ ਲਈ ਹੈ। ਹਮਲੇ ਵਿੱਚ ਚਾਰ ਸਾਲ ਦੀ ਬੱਚੀ ਇੰਨੀ ਜ਼ਖਮੀ ਹੋ ਗਈ ਕਿ ਹਸਪਤਾਲ ਵਿੱਚ ਉਸਦੀ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਬੱਚੀ ਨਹਾ ਕੇ ਤਲਾਅ ਤੋਂ ਬਾਹਰ ਆ ਰਹੀ ਸੀ। ਜਦੋਂ ਬੱਚੀ ਇਸ਼ਨਾਨ ਕਰ ਰਹੀ ਸੀ ਤਾਂ ਉਸ ਦਾ ਪਿਤਾ ਵੀ ਉਥੇ ਹੀ ਬੈਠਾ ਸੀ ਪਰ ਜਦੋਂ ਬੱਚੀ ਨਹਾ ਕੇ ਤੌਲੀਆ ਲੈਣ ਲਈ ਘਰ 'ਚ ਗਈ, ਇਸੇ ਦੌਰਾਨ ਪਾਲਤੂ ਜਾਨਵਰ ਨੇ ਬੱਚੀ 'ਤੇ ਹਮਲਾ ਕਰ ਦਿੱਤਾ।
ਬੱਚੀ ਦੇ ਮਾਤਾ-ਪਿਤਾ ਐਰਿਕ ਅਤੇ ਅਲੈਕਸਿਸ ਅਕਸਰ ਇਸ ਪਿਟਬੁੱਲ ਪਾਲਤੂ ਕੁੱਤੇ ਦੀ ਫੋਟੋ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੇ ਸਨ ਪਰ ਸ਼ਾਇਦ ਹੀ ਉਨ੍ਹਾਂ ਨੂੰ ਇਸ ਗੱਲ ਦਾ ਅੰਦਾਜ਼ਾ ਸੀ ਕਿ ਇਕ ਦਿਨ ਇਹ ਕੁੱਤਾ ਉਨ੍ਹਾਂ ਦੀ ਆਪਣੀ ਧੀ ਦੀ ਜਾਨ ਲੈ ਲਵੇਗਾ। ਦੱਸਿਆ ਜਾ ਰਿਹਾ ਹੈ ਕਿ ਜਦੋਂ ਪਿੱਟਬੁਲ ਨੇ ਹਮਲਾ ਕੀਤਾ ਤਾਂ ਬੱਚੀ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਈ, ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਪਰ ਉਸ ਦੀ ਜਾਨ ਨਹੀਂ ਬਚਾਈ ਜਾ ਸਕੀ।
ਮਿਰਰ ਦੀ ਰਿਪੋਰਟ ਮੁਤਾਬਕ ਇਹ ਕੁੱਤਾ ਲੜਕੀ 'ਤੇ ਹਮਲਾ ਕਰਨ ਤੋਂ ਬਾਅਦ ਕਿਤੇ ਗਾਇਬ ਹੋ ਗਿਆ ਹੈ। ਪਰਿਵਾਰ ਨੂੰ ਯਕੀਨ ਨਹੀਂ ਆ ਰਿਹਾ ਸੀ ਕਿ ਕੁੱਤੇ ਨੇ ਹਮਲਾ ਕਿਉਂ ਕੀਤਾ ਭਾਵੇਂ ਕਿ ਇਹ ਦੋ ਸਾਲਾਂ ਤੋਂ ਸਾਰਿਆਂ ਦੇ ਨਾਲ ਰਹਿ ਰਿਹਾ ਸੀ। ਪਰਿਵਾਰ ਦੇ ਇਕ ਮੈਂਬਰ ਨੇ ਦੱਸਿਆ ਕਿ ਲੜਕੀ ਅਤੇ ਕੁੱਤਾ ਹਮੇਸ਼ਾ ਇਕ-ਦੂਜੇ ਨਾਲ ਖੇਡਦੇ ਸਨ, ਹੁਣ ਇਸ ਘਟਨਾ ਤੋਂ ਬਾਅਦ ਪਰਿਵਾਰ ਸਦਮੇ ਵਿਚ ਹੈ ਅਤੇ ਹੁਣ ਕੋਈ ਹੋਰ ਕੁੱਤਾ ਨਹੀਂ ਰੱਖਣਾ ਚਾਹੁੰਦਾ। ਇਕ ਪਾਸੇ ਪਰਿਵਾਰ ਵਾਲਿਆਂ ਨੂੰ ਇਸ ਗੱਲ 'ਤੇ ਯਕੀਨ ਨਹੀਂ ਆ ਰਿਹਾ, ਉਥੇ ਹੀ ਦੂਜੇ ਪਾਸੇ ਲੋਕ ਹੁਣ ਇਸ ਪਰਿਵਾਰ ਲਈ ਫੰਡ ਇਕੱਠਾ ਕਰ ਰਹੇ ਹਨ।
