ਮਨੁੱਖ ਦੀ ਨੀਂਦ ਬਾਰੇ ਨਵੀਂ ਖੋਜ ਵਿਚ ਵੱਡਾ ਖੁਲਾਸਾ

ਹਰ ਸਾਲ ਘੱਟ ਰਹੇਗੀ ਮਨੁੱਖੀ ਨੀਂਦ, 2099 ਤੱਕ ਵਧੇਗਾ ਪ੍ਰਭਾਵ – ਨਵੀਂ ਰਿਪੋਰਟ ਵਿੱਚ ਵੱਡਾ ਖੁਲਾਸਾ

ਵਧਦੇ ਤਾਪਮਾਨ ਅਤੇ ਜਲਵਾਯੂ ਪਰਿਵਰਤਨ ਮਨੁੱਖੀ ਜੀਵਨ ‘ਤੇ ਨਕਾਰਾਤਮਕ ਪ੍ਰਭਾਵ ਪਾ ਰਹੇ ਹਨ। ਇੱਕ ਨਵੀਂ ਵਿਗਿਆਨਕ ਖੋਜ ਅਨੁਸਾਰ, 2099 ਤੱਕ ਮਨੁੱਖੀ ਨੀਂਦ 33.28 ਘੰਟੇ ਪ੍ਰਤੀ ਸਾਲ ਘੱਟ ਸਕਦੀ ਹੈ। ਇਹ ਖੋਜ ਨੇਚਰ ਕਮਿਊਨੀਕੇਸ਼ਨਜ਼ ਵਿੱਚ ਪ੍ਰਕਾਸ਼ਿਤ ਹੋਈ, ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਉੱਚ ਤਾਪਮਾਨ, ਨਮੀ ਅਤੇ ਮੌਸਮ ਵਿੱਚ ਵਧਦੇ ਬਦਲਾਵ ਨੀਂਦ ਦੀ ਗੁਣਵੱਤਾ ਨੂੰ ਪ੍ਰਭਾਵਿਤ ਕਰ ਰਹੇ ਹਨ।

ਖੋਜ ਦੇ ਮੁੱਖ ਬਿੰਦੂ:

10°C ਤਾਪਮਾਨ ਵੱਧਣ ਨਾਲ ਨੀਂਦ ਦੀ ਮਿਆਦ 20.1% ਤੱਕ ਘੱਟ ਸਕਦੀ ਹੈ।

ਔਰਤਾਂ, ਬਜ਼ੁਰਗ ਅਤੇ ਮੋਟਾਪੇ ਤੋਂ ਪੀੜਤ ਲੋਕ ਨੀਂਦ ਦੀ ਘਾਟ ਨਾਲ ਵਧੇਰੇ ਪ੍ਰਭਾਵਿਤ ਹੋ ਸਕਦੇ ਹਨ।

ਹਰ 3 ਵਿੱਚੋਂ 1 ਵਿਅਕਤੀ ਘੱਟ ਨੀਂਦ ਦੀ ਸਮੱਸਿਆ ਤੋਂ ਪੀੜਤ ਹੈ।

ਉੱਚ ਤਾਪਮਾਨ ਵਿੱਚ ਨੀਂਦ ਆਉਣ ਵਿੱਚ ਦੇਰੀ ਹੁੰਦੀ ਹੈ, ਅਤੇ ਵਿਅਕਤੀ ਜਲਦੀ ਜਾਗ ਪੈਂਦੇ ਹਨ।

ਠੰਡੇ ਮੌਸਮ ਜਾਂ ਮੀਂਹ ਪੈਣ ਦੌਰਾਨ ਨੀਂਦ ਚੰਗੀ ਆਉਂਦੀ ਹੈ।

214,445 ਵਿਅਕਤੀਆਂ ‘ਤੇ ਹੋਈ ਖੋਜ

ਇਹ ਅਧਿਐਨ ਚੀਨ ਵਿੱਚ 214,445 ਲੋਕਾਂ ‘ਤੇ ਕੀਤਾ ਗਿਆ, ਜਿਸ ਵਿੱਚ 2.3 ਕਰੋੜ ਦਿਨਾਂ ਦੇ ਨੀਂਦ ਦੇ ਅੰਕੜਿਆਂ ਦੀ ਜਾਂਚ ਕੀਤੀ ਗਈ। ਖੋਜਕਾਰਾਂ ਨੇ ਪਾਇਆ ਕਿ ਗਰਮ ਮੌਸਮ ਵਿੱਚ ਡੂੰਘੀ ਨੀਂਦ 2.82% ਤੱਕ ਘੱਟ ਜਾਂਦੀ ਹੈ, ਜਿਸ ਕਰਕੇ ਲੋਕ ਥਕਾਵਟ ਅਤੇ ਹੋਰ ਸਿਹਤ ਸੰਬੰਧੀ ਸਮੱਸਿਆਵਾਂ ਨਾਲ ਜੂਝ ਰਹੇ ਹਨ।

ਕੀ ਹੋ ਸਕਦੇ ਨੇ ਹਲ?

ਨੀਂਦ ਵਾਲੇ ਵਾਤਾਵਰਣ ਨੂੰ ਬਿਹਤਰ ਬਣਾਉਣ ਲਈ ਕੋਠਿਆਂ ਅਤੇ ਕਮਰਿਆਂ ਦੀ ਠੰਢਕ ‘ਤੇ ਧਿਆਨ ਦੇਣਾ।

ਰਾਤ ਦੇ ਸਮੇਂ ਗਰਮ ਹਵਾਵਾਂ ਤੋਂ ਬਚਣ ਲਈ ਵਧੀਆ ਹਵਾਦਾਰ ਦੀ ਸੁਵਿਧਾ।

ਸ਼ਰੀਰ ਦੇ ਤਾਪਮਾਨ ਨੂੰ ਕੰਟਰੋਲ ਵਿੱਚ ਰੱਖਣ ਲਈ ਹਲਕਾ ਅਤੇ ਆਰਾਮਦਾਇਕ ਵਿਲਕਾਪ (ਜਿਵੇਂ ਕਿ ਹਲਕੇ ਕੱਪੜੇ ਅਤੇ ਠੰਢਾ ਪਾਣੀ)।

ਇਹ ਅਧਿਐਨ ਸਾਵਧਾਨੀ ਵਰਤਣ ਦੀ ਲੋੜ ਦੱਸਦਾ ਹੈ, ਤਾਂ ਜੋ ਮਨੁੱਖੀ ਸਿਹਤ ‘ਤੇ ਜਲਵਾਯੂ ਪਰਿਵਰਤਨ ਦੇ ਮਾੜੇ ਪ੍ਰਭਾਵ ਨੂੰ ਘੱਟ ਕੀਤਾ ਜਾ ਸਕੇ।