ਇਕ ਚਾਰਜਿੰਗ ਨਾਲ 400km ਚੱਲੇਗੀ ਮਹਿੰਦਰਾ ਦੀ ਇਹ ਗੱਡੀ

ਗਾਹਕਾਂ ਦੀ ਮੰਗ ਨੂੰ ਦੇਖਦੇ ਹੋਏ ਮਹਿੰਦਰਾ ਕੰਪਨੀ XUV 3XO ਦਾ ਇਲੈਕਟ੍ਰਿਕ ਮਾਡਲ ਲਾਂਚ ਕਰਨ ਜਾ ਰਹੀ ਹੈ। ਹਾਲ ਹੀ 'ਚ ਇਸ ਕਾਰ ਨੂੰ ਟੈਸਟਿੰਗ ਦੌਰਾਨ ਦੇਖਿਆ ਗਿਆ ਸੀ। ਸੂਤਰ ਮੁਤਾਬਕ ਇਸ ਨੂੰ ਇਸ ਸਾਲ ਮਾਰਚ 'ਚ ਬਾਜ਼ਾਰ 'ਚ ਪੇਸ਼ ਕੀਤਾ ਜਾ ਸਕਦਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਕੰਪਨੀ ਦੀ ਸਭ ਤੋਂ ਸਸਤੀ EV ਹੋ ਸਕਦੀ ਹੈ। ਫਿਲਹਾਲ ਮਹਿੰਦਰਾ ਵੱਲੋਂ ਇਸ ਕਾਰ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲੀ ਹੈ।

ਸਰੋਤ ਦੇ ਅਨੁਸਾਰ, ਨਵੀਂ ਇਲੈਕਟ੍ਰਿਕ XUV 3XO ਵਿੱਚ 34.5 kWh ਦਾ ਬੈਟਰੀ ਪੈਕ ਮਿਲ ਸਕਦਾ ਹੈ। ਇਹ SUV ਫੁੱਲ ਚਾਰਜ ਹੋਣ 'ਤੇ 400 ਕਿਲੋਮੀਟਰ ਤੱਕ ਦੀ ਰੇਂਜ ਦੇ ਸਕਦੀ ਹੈ। ਇਸ ਵਿੱਚ ਡੀਸੀ ਫਾਸਟ ਚਾਰਜਿੰਗ ਦੀ ਸਹੂਲਤ ਵੀ ਹੋਵੇਗੀ। ਹਾਲ ਹੀ 'ਚ ਇਸ ਨੂੰ ਟੈਸਟਿੰਗ ਦੌਰਾਨ ਦੇਖਿਆ ਗਿਆ ਹੈ। XUV 3XO EV ਦੇ ਲੀਕ ਹੋਏ ਜਾਸੂਸੀ ਸ਼ਾਟਸ 'ਚ ਇਸ ਗੱਡੀ ਦਾ ਡਿਜ਼ਾਈਨ ਸਾਫ ਦੇਖਿਆ ਜਾ ਸਕਦਾ ਹੈ। ਫਰੰਟ 'ਤੇ, ਉਹੀ ਸਪਲਿਟ ਹੈੱਡਲੈਂਪ ਸੈੱਟਅੱਪ ਗੋਲ ਪ੍ਰੋਜੈਕਟਰ ਹੈੱਡਲਾਈਟਸ ਅਤੇ C-ਸਾਈਜ਼ LED DRL ਨਾਲ ਦੇਖਿਆ ਜਾ ਸਕਦਾ ਹੈ।