ਜੈਪੁਰ ਦੇ ਕਈ ਹਸਪਤਾਲਾਂ ਨੂੰ ਬੰ-ਬ ਦੀ ਧਮਕੀ ਮਿਲੀ

ਜੈਪੁਰ : ਜੈਪੁਰ ਦੇ ਕਈ ਹਸਪਤਾਲਾਂ ਨੂੰ ਸ਼ਨੀਵਾਰ ਨੂੰ ਈਮੇਲ ਰਾਹੀਂ ਬੰਬ ਦੀ ਧਮਕੀ ਮਿਲੀ, ਜਿਨ੍ਹਾਂ ਹਸਪਤਾਲਾਂ ਨੂੰ ਬੰਬ ਦੀ ਧਮਕੀ ਮਿਲੀ ਸੀ, ਉਨ੍ਹਾਂ ਵਿੱਚ ਸੀਕੇ ਬਿਰਲਾ ਹਸਪਤਾਲ ਅਤੇ ਮੋਨੀਲੇਕ ਹਸਪਤਾਲ ਸ਼ਾਮਲ ਹਨ।

ਪੀਟੀਆਈ ਦੇ ਅਨੁਸਾਰ ਇਹ ਈਮੇਲ ਸਵੇਰੇ 7 ਵਜੇ ਦੇ ਕਰੀਬ ਮਿਲੀ। ਪੁਲਿਸ ਅਧਿਕਾਰੀਆਂ ਅਤੇ ਬੰਬ ਨਿਰੋਧਕ ਦਸਤੇ ਦੀਆਂ ਟੀਮਾਂ ਨੂੰ ਹਸਪਤਾਲਾਂ ਲਈ ਰਵਾਨਾ ਕੀਤਾ ਗਿਆ ਹੈ। ਈਮੇਲਾਂ ਵਿੱਚ, ਭੇਜਣ ਵਾਲੇ ਨੇ ਦਾਅਵਾ ਕੀਤਾ ਕਿ ਬੰਬ ਹਸਪਤਾਲ ਦੇ ਬਿਸਤਰਿਆਂ ਅਤੇ ਬਾਥਰੂਮਾਂ ਵਿੱਚ ਰੱਖੇ ਗਏ ਸਨ ਅਤੇ ਇਹ ਵੀ ਕਿਹਾ ਕਿ "ਅੱਤਵਾਦੀ ਚਿੰਗ ਅਤੇ ਪੰਥਵਾਦੀ" ਇਸ "ਕਤਲੇਆਮ" ਦੇ ਪਿੱਛੇ ਸਨ। ਖ਼ਬਰ ਲਿਖੇ ਜਾਣ ਤੱਕ ਜਾਂਚ ਜਾਰੀ ਸੀ। ਇਹ ਘਟਨਾ ਸ਼ਨੀਵਾਰ ਨੂੰ ਹਰਿਆਣਾ ਦੇ ਗੁਰੂਗ੍ਰਾਮ ਸਥਿਤ ਐਂਬੀਐਂਸ ਮਾਲ 'ਚ ਬੰਬ ਦੀ ਧਮਕੀ ਮਿਲਣ ਤੋਂ ਇਕ ਦਿਨ ਬਾਅਦ ਹੋਈ ਹੈ। ਤਲਾਸ਼ੀ ਦੌਰਾਨ ਕੋਈ ਵੀ ਸ਼ੱਕੀ ਚੀਜ਼ ਨਹੀਂ ਮਿਲੀ।