Breaking News : ਐਲਪੀਜੀ ਸਿਲੰਡਰ ਦੀ ਕੀਮਤ ਵਿੱਚ ਕਟੌਤੀ

ਵਪਾਰਕ ਸਿਲੰਡਰ 35 ਰੁਪਏ ਸਸਤਾ, ਘਰੇਲੂ ਗੈਸ ਦੀਆਂ ਕੀਮਤਾਂ ਸਥਿਰ

ਨਵੀਂ ਦਿੱਲੀ - ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਅੱਜ 1 ਅਗਸਤ 2025 ਤੋਂ ਵਪਾਰਕ ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਕਟੌਤੀ ਕਰਕੇ ਖਪਤਕਾਰਾਂ ਨੂੰ ਕੁਝ ਰਾਹਤ ਦਿੱਤੀ ਹੈ। 19 ਕਿਲੋਗ੍ਰਾਮ ਵਾਲੇ ਵਪਾਰਕ ਸਿਲੰਡਰ ਦੀ ਕੀਮਤ ਵਿੱਚ ਲਗਭਗ 35 ਰੁਪਏ ਦੀ ਕਮੀ ਕੀਤੀ ਗਈ ਹੈ। ਹਾਲਾਂਕਿ, ਘਰੇਲੂ ਵਰਤੋਂ ਵਾਲੇ 14 ਕਿਲੋਗ੍ਰਾਮ ਦੇ ਐਲਪੀਜੀ ਸਿਲੰਡਰ ਦੀ ਕੀਮਤ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।

ਵਪਾਰਕ ਐਲਪੀਜੀ ਸਿਲੰਡਰ ਦੀਆਂ ਨਵੀਆਂ ਕੀਮਤਾਂ

ਨਵੀਆਂ ਦਰਾਂ ਲਾਗੂ ਹੋਣ ਤੋਂ ਬਾਅਦ, ਦੇਸ਼ ਦੇ ਪ੍ਰਮੁੱਖ ਸ਼ਹਿਰਾਂ ਵਿੱਚ 19 ਕਿਲੋਗ੍ਰਾਮ ਦੇ ਵਪਾਰਕ ਐਲਪੀਜੀ ਸਿਲੰਡਰ ਦੀ ਕੀਮਤ ਇਸ ਤਰ੍ਹਾਂ ਹੈ:

ਦਿੱਲੀ: ਪਹਿਲਾਂ 1665 ਰੁਪਏ ਸੀ, ਹੁਣ 1631 ਰੁਪਏ ਵਿੱਚ ਮਿਲੇਗਾ। (34 ਰੁਪਏ ਦੀ ਕਟੌਤੀ)

ਕੋਲਕਾਤਾ: ਪਹਿਲਾਂ 1769 ਰੁਪਏ ਸੀ, ਹੁਣ 1734 ਰੁਪਏ ਵਿੱਚ ਮਿਲੇਗਾ। (35 ਰੁਪਏ ਦੀ ਕਟੌਤੀ)

ਮੁੰਬਈ: ਪਹਿਲਾਂ 1616 ਰੁਪਏ ਸੀ, ਹੁਣ 1582.50 ਰੁਪਏ ਵਿੱਚ ਮਿਲੇਗਾ। (33.50 ਰੁਪਏ ਦੀ ਕਟੌਤੀ)

ਚੇਨਈ: ਪਹਿਲਾਂ 1823.50 ਰੁਪਏ ਸੀ, ਹੁਣ 1789 ਰੁਪਏ ਵਿੱਚ ਮਿਲੇਗਾ।

ਘਰੇਲੂ ਗੈਸ ਸਿਲੰਡਰ ਦੀ ਕੀਮਤ ਸਥਿਰ

ਘਰੇਲੂ ਐਲਪੀਜੀ ਸਿਲੰਡਰ (14.2 ਕਿਲੋਗ੍ਰਾਮ) ਦੀ ਕੀਮਤ ਵਿੱਚ ਇਸ ਵਾਰ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਆਖਰੀ ਵਾਰ ਇਸਦੀ ਕੀਮਤ 8 ਅਪ੍ਰੈਲ 2025 ਨੂੰ 50 ਰੁਪਏ ਵਧਾਈ ਗਈ ਸੀ, ਜਿਸ ਤੋਂ ਬਾਅਦ ਦਿੱਲੀ ਵਿੱਚ ਇਸਦੀ ਕੀਮਤ 853 ਰੁਪਏ ਹੋ ਗਈ ਸੀ। ਇਸ ਤੋਂ ਪਹਿਲਾਂ 30 ਅਗਸਤ 2023 ਨੂੰ, ਇਸ ਵਿੱਚ 200 ਰੁਪਏ ਦੀ ਵੱਡੀ ਕਟੌਤੀ ਕੀਤੀ ਗਈ ਸੀ।

ਪ੍ਰਮੁੱਖ ਸ਼ਹਿਰਾਂ ਵਿੱਚ ਘਰੇਲੂ ਗੈਸ ਸਿਲੰਡਰ ਦੀਆਂ ਕੀਮਤਾਂ (14.2 ਕਿਲੋਗ੍ਰਾਮ)

ਪਟਨਾ: 942.5 ਰੁਪਏ

ਦਿੱਲੀ: 853.00 ਰੁਪਏ

ਲਖਨਊ: 890.5 ਰੁਪਏ

ਮੁੰਬਈ: 852.50 ਰੁਪਏ

ਲੁਧਿਆਣਾ: 880 ਰੁਪਏ

ਚੰਡੀਗੜ੍ਹ: 853.00 ਰੁਪਏ

ਇਸ ਤਰ੍ਹਾਂ, ਵਪਾਰਕ ਖੇਤਰ ਲਈ ਇਹ ਰਾਹਤ ਭਰੀ ਖ਼ਬਰ ਹੈ, ਜਦਕਿ ਘਰੇਲੂ ਖਪਤਕਾਰਾਂ ਨੂੰ ਆਪਣੀ ਰਸੋਈ ਗੈਸ ਲਈ ਪੁਰਾਣੀ ਕੀਮਤ ਹੀ ਅਦਾ ਕਰਨੀ ਪਵੇਗੀ।