ਜਾਣੋ ਪੰਜਾਬ ਦੇ ਮੌਸਮ ਦਾ ਹਾਲ, ਬਠਿੰਡਾ ਸੱਭ ਤੋਂ ਵੱਧ ਗਰਮ

ਬਠਿੰਡਾ 'ਚ ਤਾਪਮਾਨ 37 ਡਿਗਰੀ ਤੋਂ ਪਾਰ, ਆਉਣ ਵਾਲੇ ਦਿਨਾਂ 'ਚ ਹੋਰ ਵੀ ਵਧੇਗਾ: 7 ਅਪ੍ਰੈਲ ਤੋਂ ਗਰਮੀ ਦੀ ਲਹਿਰ ਲਈ ਅਲਰਟ ਜਾਰੀ

ਪੰਜਾਬ ਵਿੱਚ ਅਪਰੈਲ ਦੀ ਸ਼ੁਰੂਆਤ ਦੇ ਨਾਲ ਹੀ ਗਰਮੀ ਨੇ ਆਪਣਾ ਰੰਗ ਵਿਖਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਬਠਿੰਡਾ, ਪਟਿਆਲਾ, ਅਤੇ ਫਰੀਦਕੋਟ ਵਰਗੇ ਜ਼ਿਲ੍ਹਿਆਂ 'ਚ ਤਾਪਮਾਨ 37 ਡਿਗਰੀ ਸੈਲਸੀਅਸ ਤੋਂ ਪਾਰ ਹੋ ਗਿਆ ਹੈ। ਮੌਸਮ ਵਿਭਾਗ ਨੇ ਚੇਤਾਵਨੀ ਜਾਰੀ ਕੀਤੀ ਹੈ ਕਿ 7 ਤੋਂ 9 ਅਪ੍ਰੈਲ ਤੱਕ ਰਾਜ ਦੇ ਕਈ ਹਿੱਸਿਆਂ ਵਿੱਚ ਗਰਮੀ ਦੀ ਲਹਿਰ ਰਹੇਗੀ।

ਤਾਪਮਾਨ 'ਚ ਵਾਧਾ, ਆਮ ਤੋਂ 5 ਡਿਗਰੀ ਵੱਧ ਰਿਕਾਰਡ

ਮੌਸਮ ਵਿਭਾਗ ਦੇ ਅਨੁਸਾਰ, ਆਉਣ ਵਾਲੇ ਚਾਰ ਦਿਨਾਂ ਵਿੱਚ ਰਾਜ ਦੇ ਔਸਤ ਤਾਪਮਾਨ ਵਿੱਚ ਲਗਭਗ 5 ਡਿਗਰੀ ਸੈਲਸੀਅਸ ਦਾ ਵਾਧਾ ਹੋਣ ਦੀ ਸੰਭਾਵਨਾ ਹੈ। ਹੁਣੇ ਤਕ ਪੰਜਾਬ ਦਾ ਔਸਤ ਵੱਧ ਤੋਂ ਵੱਧ ਤਾਪਮਾਨ 0.4 ਡਿਗਰੀ ਵਧ ਚੁੱਕਾ ਹੈ, ਜੋ ਕਿ ਆਮ ਤੋਂ 2.4 ਡਿਗਰੀ ਵੱਧ ਹੈ। ਪਟਿਆਲਾ ਵਿੱਚ ਤਾਪਮਾਨ 37.2 ਡਿਗਰੀ ਤਕ ਪਹੁੰਚ ਗਿਆ ਹੈ, ਜੋ ਕਿ ਆਮ ਨਾਲੋਂ 5.6 ਡਿਗਰੀ ਵੱਧ ਹੈ।

ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ ਦੀ ਤਾਪਮਾਨ ਸਥਿਤੀ:

ਬਠਿੰਡਾ – 37.2°C

ਫਰੀਦਕੋਟ – 37.0°C

ਪਟਿਆਲਾ – 37.2°C

ਲੁਧਿਆਣਾ – 34.6°C

ਗੁਰਦਾਸਪੁਰ – 33°C

ਮੋਹਾਲੀ – 35°C

ਹੁਸ਼ਿਆਰਪੁਰ – 32.2°C

ਅੰਮ੍ਰਿਤਸਰ – 30.8°C

ਮੌਸਮ ਵਿਭਾਗ ਦੀ ਚੇਤਾਵਨੀ: ਹੀਟਵੇਵ ਲਈ ਤਿਆਰ ਰਹੋ

ਮਾਹਿਰਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਰਾਜਸਥਾਨ ਨਾਲ ਲੱਗਦੇ ਫਾਜ਼ਿਲਕਾ, ਮੁਕਤਸਰ, ਮਾਨਸਾ ਅਤੇ ਬਠਿੰਡਾ ਵਰਗੇ ਜ਼ਿਲ੍ਹਿਆਂ ਤੋਂ ਗਰਮੀ ਦੀ ਲਹਿਰ ਦੀ ਸ਼ੁਰੂਆਤ ਹੋ ਸਕਦੀ ਹੈ, ਜੋ ਕਿ ਹੌਲੀ-ਹੌਲੀ ਸੂਬੇ ਦੇ ਹੋਰ ਹਿੱਸਿਆਂ ਤੱਕ ਫੈਲ ਜਾਵੇਗੀ।

ਅੱਜ ਦਾ ਮੌਸਮ – ਸ਼ਹਿਰ ਵਾਰ ਤਾਜ਼ਾ ਅਨੁਮਾਨ

ਅੰਮ੍ਰਿਤਸਰ – ਧੁੱਪ ਨਾਲ ਹਲਕਾ ਬੱਦਲ, 15°C ਤੋਂ 31°C

ਜਲੰਧਰ – ਧੁੱਪ ਨਾਲ ਹਲਕਾ ਬੱਦਲ, 12°C ਤੋਂ 31°C

ਲੁਧਿਆਣਾ – ਧੁੱਪ ਨਾਲ ਹਲਕਾ ਬੱਦਲ, 14°C ਤੋਂ 35°C

ਪਟਿਆਲਾ – ਧੁੱਪ ਨਾਲ ਹਲਕਾ ਬੱਦਲ, 16°C ਤੋਂ 34°C

ਮੋਹਾਲੀ – ਧੁੱਪ ਨਾਲ ਹਲਕਾ ਬੱਦਲ, 16°C ਤੋਂ 33°C

ਮੌਸਮ ਵਿਭਾਗ ਵੱਲੋਂ ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। ਖ਼ਾਸ ਕਰਕੇ ਵੱਡੇ ਬਜ਼ੁਰਗ, ਬੱਚੇ ਅਤੇ ਖੇਤਾਂ ਵਿੱਚ ਕੰਮ ਕਰ ਰਹੇ ਲੋਕ ਧੁੱਪ ਤੋਂ ਬਚਾਅ ਲਈ ਸਾਵਧਾਨੀਆਂ ਵਰਤਣ।