IPL 2025: ਨਵੀਂ ਟੀਮ ਵਿੱਚ ਰਿਸ਼ਭ ਪੰਤ ਦੀ ਨਾਕਾਮੀ, ਸਟੰਪਿੰਗ ਤੋਂ ਖੁੰਝੇ
ਮੈਚ ਦੌਰਾਨ ਲਖਨਊ ਸੁਪਰ ਜਾਇੰਟਸ ਨੇ ਪਹਿਲਾਂ ਬੱਲੇਬਾਜ਼ੀ ਦੀ ਅਤੇ ਸ਼ੁਰੂਆਤ ਬਹੁਤ ਵਧੀਆ ਰਹੀ, ਪਰ ਰਿਸ਼ਭ ਪੰਤ 6 ਗੇਂਦਾਂ ‘ਤੇ ਵੀ ਖਾਤਾ ਨਾ ਖੋਲ੍ਹ ਸਕੇ। ਉਨ੍ਹਾਂ ਦੇ ਆਉਟ ਹੋਣ ਤੋਂ ਬਾਅਦ ਟੀਮ ਦਾ
By : Gill
6 ਗੇਂਦਾਂ ‘ਤੇ ਡਕ, ਸੰਜੀਵ ਗੋਇਨਕਾ ਨੇ ਦਿੱਤੀ ਨਸੀਹਤ
ਨਵੀਂ ਦਿੱਲੀ: ਆਈਪੀਐਲ 2025 ਦੀ ਮੈਗਾ ਨਿਲਾਮੀ ਵਿੱਚ ਲਖਨਊ ਸੁਪਰ ਜਾਇੰਟਸ (LSG) ਨੇ ਰਿਸ਼ਭ ਪੰਤ ‘ਤੇ ਵੱਡੀ ਰਕਮ ਖਰਚੀ ਅਤੇ 27 ਕਰੋੜ ਰੁਪਏ ਦੀ ਸਭ ਤੋਂ ਮਹਿੰਗੀ ਖਰੀਦ ਬਣਾਇਆ। ਪਹਿਲਾਂ ਦਿੱਲੀ ਕੈਪੀਟਲਜ਼ ਲਈ ਖੇਡਣ ਵਾਲੇ ਪੰਤ ਇਸ ਵਾਰ ਲਖਨਊ ਦੀ ਟੀਮ ਦੀ ਨਵੇਂ ਕਪਤਾਨ ਵਜੋਂ ਅਗਵਾਈ ਕਰ ਰਹੇ ਹਨ। ਹਾਲਾਂਕਿ, ਪਹਿਲੇ ਮੈਚ ਵਿੱਚ ਉਨ੍ਹਾਂ ਦੀ ਪ੍ਰਦਰਸ਼ਨ ਨਿਰਾਸ਼ਜਨਕ ਰਿਹਾ।
ਬੱਲੇਬਾਜ਼ੀ ‘ਚ ਨਾਕਾਮ
ਮੈਚ ਦੌਰਾਨ ਲਖਨਊ ਸੁਪਰ ਜਾਇੰਟਸ ਨੇ ਪਹਿਲਾਂ ਬੱਲੇਬਾਜ਼ੀ ਦੀ ਅਤੇ ਸ਼ੁਰੂਆਤ ਬਹੁਤ ਵਧੀਆ ਰਹੀ, ਪਰ ਰਿਸ਼ਭ ਪੰਤ 6 ਗੇਂਦਾਂ ‘ਤੇ ਵੀ ਖਾਤਾ ਨਾ ਖੋਲ੍ਹ ਸਕੇ। ਉਨ੍ਹਾਂ ਦੇ ਆਉਟ ਹੋਣ ਤੋਂ ਬਾਅਦ ਟੀਮ ਦਾ ਸਕੋਰ 225 ਦੇ ਆਸ-ਪਾਸ ਜਾ ਸਕਦਾ ਸੀ, ਪਰ 209 ‘ਤੇ ਹੀ ਰੁਕ ਗਿਆ। ਕਪਤਾਨੀ ਸੰਭਾਲਣ ਤੋਂ ਬਾਅਦ ਇਹ ਪਹਿਲੀ ਵਾਰ ਸੀ, ਜਦ ਪੰਤ ਜ਼ੀਰੋ ‘ਤੇ ਆਉਟ ਹੋ ਕੇ ਪੈਵੀਲਿਅਨ ਵਾਪਸ ਗਏ।
ਕਪਤਾਨੀ ਦੀ ਰਣਨੀਤੀ ਵੀ ਫੇਲ
ਸਿਰਫ਼ ਬੱਲੇਬਾਜ਼ੀ ਹੀ ਨਹੀਂ, ਕਪਤਾਨੀ ‘ਚ ਵੀ ਪੰਤ ਦੀ ਯੋਜਨਾ ਪ੍ਰਭਾਵਸ਼ਾਲੀ ਨਹੀਂ ਸੀ। ਉਨ੍ਹਾਂ ਨੇ ਸ਼ਾਰਦੁਲ ਠਾਕੁਰ ਨੂੰ ਕੇਵਲ 2 ਓਵਰ ਦਿੱਤੇ ਅਤੇ ਅਨੁਭਵੀ ਸਪਿਨਰ ਸ਼ਾਹਬਾਜ਼ ਅਹਿਮਦ ਨੂੰ ਆਖਰੀ ਓਵਰ ਲਈ ਰੱਖਿਆ। ਉਨ੍ਹਾਂ ਨੇ ਨੌਜਵਾਨ ਗੇਂਦਬਾਜ਼ਾਂ ‘ਤੇ ਵਿਸ਼ਵਾਸ ਦਿਖਾਇਆ, ਪਰ ਮੈਚ ਦੌਰਾਨ ਇਹ ਫੈਸਲੇ ਸਹੀ ਸਾਬਤ ਨਹੀਂ ਹੋਏ।
ਸਟੰਪਿੰਗ ‘ਚ ਗਲਤੀ—ਮੈਚ ਹਾਰਿਆ
ਮੈਚ ਦੇ ਆਖਰੀ ਓਵਰ ‘ਚ ਲਖਨਊ ਜਿੱਤ ਸਕਦੀ ਸੀ, ਪਰ ਪੰਤ ਸਟੰਪਿੰਗ ਦੇ ਮੌਕੇ ‘ਤੇ ਗਲਤੀ ਕਰ ਗਏ। ਮੋਹਿਤ ਸ਼ਰਮਾ ਨੇ ਅੱਗੇ ਵਧ ਕੇ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਕੀਤੀ, ਪਰ ਪੰਤ ਗੇਂਦ ਨੂੰ ਪਕੜ ਨਹੀਂ ਸਕੇ। ਜੇਕਰ ਉਹ ਗੇਂਦ ਨੂੰ ਸਮਭਾਲ ਕੇ ਸਟੰਪ ਕਰਦੇ ਤਾਂ ਲਖਨਊ ਟੀਮ ਮੈਚ ਜਿੱਤ ਸਕਦੀ ਸੀ।
ਸੰਜੀਵ ਗੋਇਨਕਾ ਨੇ ਦਿੱਤੀ ਸਲਾਹ
ਮੈਚ ਤੋਂ ਬਾਅਦ ਲਖਨਊ ਸੁਪਰ ਜਾਇੰਟਸ ਦੇ ਮਾਲਕ ਸੰਜੀਵ ਗੋਇਨਕਾ ਦੀ ਰਿਸ਼ਭ ਪੰਤ ਨਾਲ ਗੱਲਬਾਤ ਦੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ। ਪਿਛਲੇ ਸੀਜ਼ਨ ਵਿੱਚ ਉਨ੍ਹਾਂ ਨੂੰ ਕੇਐਲ ਰਾਹੁਲ ‘ਤੇ ਗੁੱਸਾ ਹੁੰਦੇ ਦੇਖਿਆ ਗਿਆ ਸੀ, ਪਰ ਇਸ ਵਾਰ ਗੋਇਨਕਾ ਨੇ ਸ਼ਾਂਤ ਢੰਗ ਨਾਲ ਪੰਤ ਨੂੰ ਗਲਤੀਆਂ ‘ਤੇ ਸਲਾਹ ਦਿੱਤੀ।
ਪਹਿਲੇ ਹੀ ਮੈਚ ਵਿੱਚ ਰਿਸ਼ਭ ਪੰਤ ਦੀ ਬੱਲੇਬਾਜ਼ੀ, ਕਪਤਾਨੀ ਅਤੇ ਵਿਕਟਕੀਪਿੰਗ ਤਿੰਨੋ ਹੀ ਮੋਰਚਿਆਂ ‘ਤੇ ਫੇਲ ਰਿਹਾ, ਜਿਸ ਨਾਲ ਲਖਨਊ ਟੀਮ ਨੂੰ ਨੁਕਸਾਨ ਝਲਣਾ ਪਿਆ। ਹੁਣ ਦੇਖਣਾ ਇਹ ਰਹੇਗਾ ਕਿ ਆਉਣ ਵਾਲੇ ਮੈਚਾਂ ‘ਚ ਪੰਤ ਆਪਣੇ ਪ੍ਰਦਰਸ਼ਨ ‘ਚ ਸੁਧਾਰ ਕਰ ਸਕਦੇ ਹਨ ਜਾਂ ਨਹੀਂ।
