ਮੁੰਬਈ ਇੰਡੀਅਨਜ਼ ਦਾ ਸਾਬਕਾ ਖਿਡਾਰੀ ਬਲਾਤਕਾਰ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ

ਰਾਜਸਥਾਨ ਦੇ ਜੋਧਪੁਰ ਵਿੱਚ ਭਗਤਸੁਨੀ ਹਾਊਸਿੰਗ ਬੋਰਡ ਪੁਲਿਸ ਨੇ ਮੁੰਬਈ ਇੰਡੀਅਨਜ਼ ਦੇ ਸਾਬਕਾ ਆਈਪੀਐਲ ਖਿਡਾਰੀ ਅਤੇ ਬੜੌਦਾ ਟੀਮ ਦੇ ਆਲਰਾਊਂਡਰ ਸ਼ਿਵਾਲਿਕ ਸ਼ਰਮਾ ਨੂੰ ਬਲਾਤਕਾਰ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕਰ ਲਿਆ ਹੈ। 26 ਸਾਲਾ ਸ਼ਿਵਾਲਿਕ 'ਤੇ ਇੱਕ ਜੋਧਪੁਰ ਨਿਵਾਸੀ ਕੁੜੀ ਨੇ ਵਿਆਹ ਦਾ ਝਾਂਸਾ ਦੇ ਕੇ ਸ਼ਾਰੀਰੀਕ ਸੰਬੰਧ ਬਣਾਉਣ ਅਤੇ ਬਾਅਦ ਵਿੱਚ ਧੋਖਾ ਦੇਣ ਦਾ ਦੋਸ਼ ਲਗਾਇਆ ਹੈ।

ਪੁਲਿਸ ਅਨੁਸਾਰ, ਦੋਵਾਂ ਦੀ ਮੁਲਾਕਾਤ 2023 ਵਿੱਚ ਵਡੋਦਰਾ ਵਿੱਚ ਹੋਈ ਸੀ। ਦੋਸਤੀ ਨੇ ਪਿਆਰ ਦਾ ਰੂਪ ਧਾਰ ਲਿਆ ਅਤੇ ਦੋਹਾਂ ਪਰਿਵਾਰਾਂ ਦੀ ਰਜ਼ਾਮੰਦੀ ਨਾਲ ਅਗਸਤ 2023 ਵਿੱਚ ਮੰਗਣੀ ਵੀ ਹੋ ਗਈ। ਮੰਗਣੀ ਤੋਂ ਬਾਅਦ, ਦੋਵਾਂ ਨੇ ਕਈ ਵਾਰ ਮਿਲਣੀਆਂ ਕੀਤੀਆਂ। ਪਰ 2024 ਵਿੱਚ, ਸ਼ਿਵਾਲਿਕ ਦੇ ਪਰਿਵਾਰ ਨੇ ਇਹ ਰਿਸ਼ਤਾ ਤੋੜ ਦਿੱਤਾ ਅਤੇ ਨਵਾਂ ਰਿਸ਼ਤਾ ਲੱਭਣਾ ਸ਼ੁਰੂ ਕਰ ਦਿੱਤਾ। ਇਸ ਤੋਂ ਨਿਰਾਸ ਹੋ ਕੇ ਕੁੜੀ ਨੇ ਪੁਲਿਸ ਵਿੱਚ ਸ਼ਿਕਾਇਤ ਦਰਜ ਕਰਵਾਈ।

ਸ਼ਿਕਾਇਤ ਮਿਲਣ 'ਤੇ ਪੁਲਿਸ ਨੇ ਸ਼ਿਵਾਲਿਕ ਨੂੰ ਵਡੋਦਰਾ ਤੋਂ ਗ੍ਰਿਫ਼ਤਾਰ ਕਰਕੇ ਜੋਧਪੁਰ ਅਦਾਲਤ ਵਿੱਚ ਪੇਸ਼ ਕੀਤਾ, ਜਿੱਥੇ ਉਸਨੂੰ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਸ਼ਿਵਾਲਿਕ 2024 ਆਈਪੀਐਲ ਸੀਜ਼ਨ ਦੌਰਾਨ ਮੁੰਬਈ ਇੰਡੀਅਨਜ਼ ਟੀਮ ਦਾ ਹਿੱਸਾ ਰਹਿ ਚੁੱਕਾ ਹੈ, ਹਾਲਾਂਕਿ ਉਸਨੂੰ ਮੈਚ ਖੇਡਣ ਦਾ ਮੌਕਾ ਨਹੀਂ ਮਿਲਿਆ ਸੀ।